Ɛ́bɛlʉʉ 4:7 - Kɑɑ Fí

⁷ Ɛ́ lɛɛ pɔ́Ꞌɔ, Sɛ́ pɛn ńzɑ́p yɛcɔ́ lɛ́Ꞌ yi fí ɛ́ pɔ́ ŋɡɔ: Ɛ́ pɔ́ pɔ lɔ́Ꞌnɛ. Mbɔ yîyɑ́ nu kɑ lɛɛ mɔ́, ɑ kɑ lɔk ntsu-fɔɔ Ndɑvît ńcú yúu mi pɛkŋɛ ńdɑ́Ꞌmɔ́ ńcú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ kɔɔ pʉʉ zʉʉnɛ mɛtúutɛ mʉ́ʉ.

Ɛ́bɛlʉʉ 4:7 Marejeleo ya Msalaba

Mɑtʉ̈ɔ 22:43

Yɛ́su píkŋɛ ŋɡɔ: «Ɛ́ pɛn ŋ́ɡɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ kɑ jʉ́ fɔɔ Ndɑvît ɑ fúŋ Nzɑ́Ꞌŋkʉ ŋɡɔ Ndɛ,»

Mɑ́lɛ́kúshi 12:36

Mɔ sɛ́ ńjí ŋɡɔ: Zẅikŋɛ-Sɛ́ kɑ tsʉ́ʉnɛ fɔɔ Ndɑvît, kwɑꞋ jʉ́ nɛ́ túmbʉʉ yɛ́ cú ŋɡɔ: «Tsɑpʉɔ Sɛ́ cú mbɔ̌ wɑɑ Tsɑpʉɔ ŋɡɔ: Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ, tɛ ńdɑ́Ꞌ ŋ́kúu ŋkɑ́ yi mɔ fɛn ɡɑŋmbuu pú mbɔ̌ wu, tɛ ɔ tík mɛku mú tú pɔ́p.»

Lúkɑ́shi 20:42

Fɔɔ Ndɑvît kwɑꞋ jʉ́ ńcú tsɛt ŋwɑꞋnɛ-mɛzɔpŋki ŋɡɔ: Tsɑpʉɔ Sɛ́ cú mbɔ̌ wɑɑ Tɑ́t ŋɡɔ: «Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ,

ŊwɑꞋnɛ-Gɑŋntúu Yɛ́su Kɛlístɔ 2:29

Pyɛ̂ pɛn ńcú ŋɡɔ: «Pɔ́ɔpɛ́mɑ́ pɑ́ɑ, pʉʉ pɛ́m ŋɡɔ ɛ sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu nǔu mɑ̂ɑŋɡɑpnjẅɛt wɛkŋɛ fɔɔ Ndɑvît. A kɑ pfú, pɛ́ tẅíi wɛ́ lɑ́ nɛshi nɛ́ kɛ ḿbɔ́ pɔ lɑ́Ꞌ zɑꞋnɛ tɛ ŋ́kúu lɔ́Ꞌnɛ pɔ́ ɔɔ!

ŊwɑꞋnɛ-Gɑŋntúu Yɛ́su Kɛlístɔ 2:31

Ɛ́ m̄bɔ́ pɔ́Ꞌɔ, mbɔ fɔɔ-Ndɑvît zɑ́Ꞌ njí ńjí ŋɡɔ Nzɑ́Ꞌŋkʉ ɡʉ ńdɑ́Ꞌ ńzẅíimɛ nǔu nɛvú. Ɛ́ yɛ́tɛ́ lɑ́ ɑ kɑ cú nu yi ɛ fúnɛ nɛcú lɑɑ nǔu Nzɑ́Ꞌŋkʉ ŋɡɔ Sɛ́ ŋkɑɑ ḿbɔ́ ŋ́ɡʉ ḿmɛꞋ wɛ́, ɑ ɡɔ́ŋ lɑ́Ꞌ-pɛpfú pɔ́, ḿbɛn ŋ́kɛ́ mbɔɔ pɛ́m ŋɡɔ ɑ lʉ̈ɔ́ tsɛt nɛshi pɔ́.

ŊwɑꞋnɛ-Gɑŋntúu Yɛ́su Kɛlístɔ 28:25

Pɔ́p tsʉ́Ꞌ nɛɡʉ, mbɔɔ pɛn ɛ́sẅíŋɛ ńzúꞋnɛ pɔ́. Pɔ̂l tsʉ́Ꞌ ńcú mbɔ̌ pɔ́p pɔ ŋɡɔ: «Zẅikŋɛ-Sɛ́ kɑ pɔ́ ńcú sẅíinu. A kɑ lɔk ntsu-Ŋɡɛ́mdʉ̈ɔ́Ꞌ-Sɛ́ Ɛsɑ̌yɑ ńcú mbɔ̌ pɛtɑ́t pʉʉ ŋɡɔ:

Ɛ́bɛlʉʉ 3:15

Pɑ́Ꞌ ŋwɑꞋnɛ-Sɛ́ cúnɛ ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ, kɔɔ pʉʉ zʉʉnɛ mɛtúutɛ mʉ́ʉ pɑ́Ꞌ pʉʉ kɑ zʉʉnɛ́nɛ nǔu lɛ́Ꞌ yi pʉʉ kɑ pɔ́ ńtʉʉ tú mbɔ̌ wɛ́ lɑ́.