Ɛ́bɛlʉʉ 4:16 - Kɑɑ Fí

¹⁶ Pɔ́Ꞌɔ lɑ́, kɔɔ pɛkŋɛ mʉꞋlɛ nɛkẅɛ́Ꞌlɛ ŋ́ɡʉ nɛ́ zʉꞋ yi kɔꞋ-nɛfɔɔ-Sɛ́ zúꞋu, nɛlɔk pɔ́Ꞌɔ, ḿbɔ́ nɛjɔ́ŋ jʉ́ Sɛ́ ẅí ɑ ɡẅɛɛnɛ pɔŋtʉ́m. Pɛkŋɛ kẅɛ́Ꞌlɛ pɔ́Ꞌɔ, lɑ Sɛ́ tsɑ́ɑ mɛjʉ́ŋ mɛkŋɛ, ńnyɛt wɛkŋɛ nɛ́ pɔŋtʉ́m yɛ́, ḿbɔ́ ńcẅɛ́lɛ wɛkŋɛ nǔu ŋkɑ́ yi pɛkŋɛ jɑ́knɛ nɛɡɛ.

Ɛ́bɛlʉʉ 4:16 Marejeleo ya Msalaba

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 3:12

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.

Ɛ́bɛlʉʉ 13:6

Ɛ́ yúu mi ɛ́ ɡɛnɛ ŋu wɛkŋɛ kuꞋ nɛcú nu tɛ ḿbɔɔ ḿmʉꞋlɛ nǔu yɛ́ tú pɔ́ ŋɡɔ: Tsɑpʉɔ sɛ́ ńtɔ́ ńcẅɛ́lɛ wɑ́ɑ, Ŋ kɑ́ pɔ́ ŋ́ɡʉ ḿbɔ́k yɛcɔ́ yúu pɔ́. Ŋumɛsɔŋ kuꞋ nɛɡɛ kʉ̈ɔ́ nǔu mɔ?

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Ɛ́bɛlʉʉ 9:5

Ɛ́ pɔ́ ndǔ ŋkɔp-kɑɑ, mbɔ pɛ́ kɑ tík pɛtɛ́tɔ́k-pɛcʉ̈ɔ́Ꞌ-Sɛ́, ɛ́ pɔ́ ńnyɛt ŋɡɔ Sɛ́ zúꞋu, jʉ́jʉ́ŋ-mɛpɑp mɔ́p ŋ́kẅíipɛ zʉꞋ yi pɛ́ tswɛtnɛ mɛci mɛyúumɛku zúꞋu, ńtsẅɛt nɛpɔ́ yi Sɛ́ ɡʉ ńdikŋɛ mɛnu kɛpɔŋ-pʉɔmɛsɔŋ. Lɑ́, yɔ kɑ́ pɔ́ ŋkɑ́ yi pɛkŋɛ ɡʉ ńcú nu nǔu mɛnu mɔnɛ tsʉʉ tɛ ńtsuŋ ŋ́kyɛ́Ꞌtɛ pɔ́.

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.