Ɛ́bɛlʉʉ 4:15 - Kɑɑ Fí

¹⁵ Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 4:15 Marejeleo ya Msalaba

Mɑtʉ̈ɔ 12:20

A kɛ́ ńdɑ́Ꞌ mbɔɔ pʉ̈ɔ́Ꞌ kɛkɑꞋ yí ɛ́ ŋɔ́Ꞌnɛ́nɛ pɔ́, ŋ́kɛ́ mbɔɔ pík múk nǔu lɑ̂m ẅí ɛ́ ɡʉ ḿbɛ́ pɔ́, ŋ́kɛ́ ńdɑ́Ꞌ ŋ́ɡɛ pɔ pɔ́Ꞌɔ, tɛ ŋ́ɡɛ ŋɡɔ nu nɛ́nẅín jʉ́ lɑ́Ꞌ tsʉʉ.

Mɑtʉ̈ɔ 4:1

Ɛ́ ɡɛ pɔ́Ꞌɔ Zẅikŋɛ-Sɛ́ fú zúꞋu, ńdɔk Yɛ́su ŋ́ɡʉ kɔ̂ŋtɛt, pɑ́Ꞌ Sɑ́ttɑ ɡʉ ŋ́kwɑꞋnɛ wɛ́.

Lúkɑ́shi 22:28

Pʉʉ pɔ́p kɑ ńnɑ́ŋnɛ nɛjɔ́ŋ mɔ nǔu ŋkɑ́ ŋɡʉ̈ɔ́Ꞌ yɑɑ.

Lúkɑ́shi 4:2

Ńtswɛ́ zúꞋu lɛ́Ꞌlɑ́Ꞌ mɛɡɛ́mɛ́nɛ́kwɑ, Zẅikŋɛ Lɛ́ɛnɛ́nɛ pɔ́ ńtʉ̈ɔ́Ꞌlɛ wɛ́, Sɑ́ttɑ tɔ́ ḿbɔ́ ŋ́kwɑꞋlɛ wɛ́ kwɑꞋnɛ́nɛ. Yɛ́su ɡɛ ńnɑ́ŋ zúꞋu, ńdɑ́Ꞌ ḿbɔɔ yúu kwɛ́t tɛ ɛ́ tsʉ́Ꞌ nɛmɛ; nji zɑ́ŋ wɛ́ tɛꞋ.

Jɑ̂ŋ 8:46

Mbɔ́ wɔ̌ tsɛtsɛt pʉʉ lɛꞋlɛ nu kɛpɔŋ yi mɔ ŋ́ɡɛ mɔ́? N dɑɑ ḿbɔ́ yi ɛ sẅíi nu nɛ́nẅín, mbɔ pʉʉ pɛn ŋ́kɛ́ ḿbɔɔ ḿbɛ́m pɔ́ mɛlɑ́Ꞌ kʉ̈ɔ́?

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 5:2

Pɑ́Ꞌ jʉ́ NɔŋpɔꞋ pɛn ŋ́kɑ́ɑ yɛ́ kɑ́ɑnɛ nǔu mɛshʉ́ tsʉʉ lɑ́, ḿbɔ́ ɑ zúꞋ yúu mi ɛ́ ɡɛnɛ lɑ pʉɔ pi pɔ́p kɑ́ pɔ́ ńjí yúu mi pɔ́p ɡɛnɛ pɔ́, mbɑ pʉɔ pi pɔ́p fɑɑnɛ sɛ̂ndúŋ, fɑɑnɛ nu mbɔ̌ Sɛ́.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.