Ɛ́bɛlʉʉ 4:12 - Kɑɑ Fí

¹² Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Ɛ́bɛlʉʉ 4:12 Marejeleo ya Msalaba

Lúkɑ́shi 8:11

A tsʉ́Ꞌ nɛkyɛ́Ꞌtɛ yɔ sɑknɛkɛt ńcú ŋɡɔ: «Yúu pinɛ lɔk ḿbɔ́ sẅíŋɛ-Sɛ́.

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 6:51

KwɑꞋ mɔ, mɔ yúujʉ́ yi ɛ́ kuꞋnɛ nɛɡɛ pɛ́ pɔ́ ɡú, ɛ́ yi ɛ́ fúnɛ tʉ́nɛ́pú ńcúŋ. Ŋu lɑɑ ńjʉ́ yîyɑ́ yúujʉ́, mbɔ ɑ ɡʉ ńdɑ́Ꞌ ḿbɔ́ pɔ ɡú mɛŋɡuꞋ mɛŋɡuꞋ. Yúujʉ́ yi ŋ ɡʉ ŋ́ɡɑ́, ɛ́ mbɑp-mbʉʉ yɑɑ. Ŋ ɡʉ ŋ́ɡɑ́ lɑ́ ɛ́ lɛɛ pɔ́Ꞌɔ, pʉɔmɛsɔŋ ndǔmbí pɔ́ ɡú.»

ŊwɑꞋnɛ-Gɑŋntúu Yɛ́su Kɛlístɔ 2:37

Pʉɔ zúꞋ yɔ sẅiŋɛ, ɛ́ puu ŋ́kʉꞋnɛ wɔ́p tɛꞋ. Pɔ́p píkŋɛ Pyɛ̂ pɔ́p pɛcɔ́ ɡɑŋntúu ŋɡɔ: «Pɔ́ɔpɛ́mɑ́, tɛ pɛk ɡʉ ŋ́ɡɛ ŋɡɔ́ku?»

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 5:33

Pɛkɛ́m zúꞋ pɑ́Ꞌ pɔ́p cúnɛ pɔ́Ꞌɔ, ńzɑ́ŋ lɔ́ŋ, ńzɛ nɛkwɑŋɛ nɛjẅí ɡɑŋntúu-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 7:38

Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

1 Kɔlɛ̂ŋtɛ 1:24

Lɑ́ ɛ́ ɡʉ mbɔ̌ pʉɔ pi Sɛ́ tsɔ́Ꞌnɛ wɔ́p, kɛ ɛ́ pɔ́ pɔ pɑyúdɑ ɔɔ, kɛ pʉɔ pi pɔ́p kɑ́ pɔ́ pɑyúdɑ pɔ́ ɔɔ, Kɛlístɔ lɛ́Ꞌlɛ́nɛ pɑ́Ꞌ mɛtʉʉ-Sɛ́ pɔ́nɛ, mbɑ pɑ́Ꞌ jínu-Sɛ́ pɔ́nɛ.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

Ɛ́fɛ̂zɛ 5:13

Pʉʉ lɑɑ ɛ́sɑ́ɑnɛ sɑ́ɑnɛ́nɛ ŋ́kyɛ́Ꞌ mîmɑ́ mɛnu tsʉʉ, mbɔ ɛ́ ɡʉ ɛ́fúk.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

Ɛ́fɛ̂zɛ 6:17

Pʉʉ pɛ́m ŋɡɔ Sɛ́ sɛ́ ŋ́ɡɛ pʉʉ luk. Nɛpɛ́m pɔ́Ꞌɔ, ɛ́ nɛtíi cɔꞋ-ntsɔ ńtɔꞋ. Pʉʉ cẅɛ́ɛ níi-ntsɔ yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ. Yîyɑ́ níi-ntsɔ sẅiŋɛ-sɛ́.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

Ɛ́bɛlʉʉ 13:7

Pʉʉ kẅíitɛ pʉɔ pi pɔ́p kɑ piitɛ ńtsɑ wʉ́ʉ nǔu sɛ̂ndúŋ-Sɛ́, pʉɔ pi pɔ́p kɑ sẅíinɛ wʉ́ʉ nɛ́ nu-Sɛ́, ŋ́kẅíitɛ ntɛ́ yi pɔ́p kɑ lɔknɛ ńnɑ́ŋ tɛ ńdɑ́Ꞌ ḿpfú, pʉʉ pɛ́ɛ fʉꞋ nǔu yɔp ntɛ́ nɛzɑ́p tʉ́m nǔu Sɛ́.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 1:16

A ɡẅɛɛ pɛcʉ̈ɔ́Ꞌ-sɑŋ sɑɑmbɑ́ nǔu lɑ́ɑpɔ́ yɛ́ yi tʉʉ. Yɛcɔ́ níi-ntsɔ yi tú yɛ́ shẅítnɛ, ɛ́ ɡẅɛɛ mɛɡʉ́ŋ mɛmbɑ́ ḿbɔ́ fú ntsu yɛ́ ńcẅɛt. Shʉ́ wɛ́ ŋwɑŋɛ pɔ pɑ́Ꞌ lík-nɛm yi ɛ́ tsɛt tʉʉ mɔ́nɛm lɑ́.

Mɛnu ɛ́ ńdɑ́Ꞌ ńcẅɛt 19:15

Yɛcɔ́ níi-ntsɔ pɔ́ ɛ́fú ntsu-ŋu ɛ̂wɑ́ ẅi ɑ nɑ́ŋnɛ ndǔ fúfú lʉ́ɔ lɑ́ ńcẅɛt. Ɛ́shẅítnɛ shẅítnɛnɛ, ḿbɔ́ yi ɑ ɡʉ ńdɔk ŋ́kʉ́ɔꞋ pʉɔ pinɛ pɔ́p tsɛt mɛŋɡɔŋ mɛŋɡɔŋ. A pɔ́ ŋu ẅí ɑ ɡʉ ńdɔk ntẅí-tʉ́n ɛ́sɑ́Ꞌ pʉɔmɛsɔŋ, ḿbɔ́ ŋu ẅí ɑ ɡʉ ńcúꞋ mɛntɑ́ɑ mi pɛ́ lɔknɛ ńniitɛ mɛluꞋ tsɛt ɡʉ́ɔ-mɛluꞋ mi ɛ́ lɛꞋlɛ́nɛ ŋɡɔ Sɛ́ ŋɡɑŋmɛtʉʉ tsʉʉ sɛ́ ńzɑ́ŋ lɔ́ŋ tɛꞋ.

Mɛnu ɛ́ ńdɑ́Ꞌ ńcẅɛt 19:21

Ɛ́ ɡʉ nǔu pɛcɔ́ pʉɔ, níi ntsɔ yi ɛ́ kɑ pɔ́ ɛ́fú ntsu-ŋu ẅí ɑ nɑ́ŋnɛ ndǔ lʉ́ɔ ńcẅɛt lɑ́, jẅítɛ wɔ́p. Ŋɡɔŋ pɛshʉ́ŋ tsʉʉ kwɛ́t mbɑp yɔp tɛ ńzwɛ́t.

Mɛnu ɛ́ ńdɑ́Ꞌ ńcẅɛt 2:16

Pʉʉ kɛ́ ŋ́kúpmɛ mɑt wʉ́ʉ, tɛ ɛ́ pɔɔ pɔ́Ꞌɔ pɔ́, mbɔ ntí kɛ́ ɡɛ ɛ́sɑk lɑ n tɔ́ lɑ́Ꞌ pʉʉ pɔ́, ńtɔ́ ńdɔk níi-ntsɔ yi ɛ́ cẅɛtnɛ ntsu mɔ, ḿmɑꞋ wɔ́p nɛ́ ntsɔ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.