Ɛ́bɛlʉʉ 3:12 - Kɑɑ Fí

¹² Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 3:12 Marejeleo ya Msalaba

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Mɑtʉ̈ɔ 24:4

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

Mɑ́lɛ́kúshi 13:23

Lɑ́ ɛ́ kɛ́ ŋ́ɡʉ nǔu pʉʉ, mbɔ ŋ kɛ́ ńzɑ́Ꞌ njí ɛ́sẅíi wʉ́ʉ nɛ́ nu yí ɛ́ sɛ́ ńtɔ́, pʉʉ lɑk tú yʉ́ʉ.»

Mɑ́lɛ́kúshi 13:33

Pʉʉ kɛ́ ńdɑk tú yʉ́ʉ, kɔɔ pʉʉ fʉ̈ɔ́nɛ, ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi mîmɑ́ mɛnu ɡʉ ŋ́ɡɛ ńtɔ́ pɔ́.

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Pʉɔ-Lɔ́mɑ 11:21

MbíꞋŋɡɔ ɛ́ lɑɑ ḿbɔ́ yi Sɛ́ kɑ kʉ́ɔꞋ kwɑꞋ mbɔ́ yîyɑ́ tʉ́ ḿmɛꞋ, mbɔ ɛ́ lɑɑ ḿbɔ́ ɑ pɛn ŋ́kʉ́ɔꞋ wú pɔ pɔ́Ꞌɔ.

1 Kɔlɛ̂ŋtɛ 10:12

Pɛkŋɛ fú nǔu yɔ nu ńzúꞋ ŋɡɔ nɛpɛ́t ŋ́ɡʉ ɡʉnɛ ŋ́ɡɔ́ɔ ḿbɔ́ ńzɔp, kɑ́ pɔŋ.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

Ɛ́bɛlʉʉ 10:31

Yúu mi ḿbɔ́ ŋu ńnɑ́ŋ ḿbɔ́k tɛꞋ, ɛ́ nɛvu ntsɑŋ mbi Sɛ́ ẅi ɑ pɔ́ pɔ ɡú!

Ɛ́bɛlʉʉ 10:38

Wɑɑ ŋu ẅi n jʉ́ɔnɛ ŋɡɔ ɑ ndʉ́ŋndʉŋ mbi mɔ, ɡʉ ŋ́ɡɛ ńduk, ɛ́fú nǔu pɑ́Ꞌ ɑ zɑ́pnɛ tʉ́m nǔu mɔ. Lɑ́ ŋ́kɛ́ ḿbɔ́ yi ɑ lɑɑ ḿbɛn nzʉʉ, nu yɛ́ pɔɔ pɛn ḿbɔŋ wɑ́ɑ pɔ́.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 12:22

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɑ kẅɛ́Ꞌlɛ ńtɔ́ nɛŋkɔ́Ꞌ-Siyɔŋ, ɛ́ lɔk ḿbɔ́ tʉ́sɔŋ-Sɛ́ ẅi ɑ lɔ ḿbɔ́ pɔ ɡú, Yɛlúsɑlɛm ẅi ɛ́ tʉ́nɛ́pú, zʉꞋ yi pɛcʉ̈ɔ́Ꞌ-Sɛ́ kɑ́ sɑ́ŋ tɛ ńjí ndɛn mɛcúꞋlɛ mí ɛ́ zúꞋu tsɛt tsɑ́ɑtɛ pɔ́.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Ɛ́bɛlʉʉ 3:10

Ɛ́ yúu mi ɛ́ kɑ ɡɛnɛ nu yîyɑ́ ɡɑŋku-pʉɔmɛsɔŋ pʉ́k wɑ́ɑ. Lɑ́ n cú ŋɡɔ: Pɔ́p ŋkɑ́ tsʉʉ tʉ́m yɔ́p ɛ́fú nǔu mɔ ńjɛ́pmɛ jɛ́pmɛ́nɛ. Pɔ́p ŋkɑɑ lɑ́Ꞌ kɛ́ ńdɔk yɛcɔ́ tɑ́Ꞌ nǔu mɛnu mi ŋ kɑ pɔ́ ńcú mbɔ̌ pɔ́p, ɛ́fúŋ yɛcɔ́ nu pɔ́.

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.