Ɛ́bɛlʉʉ 2:11 - Kɑɑ Fí

¹¹ Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.

Ɛ́bɛlʉʉ 2:11 Marejeleo ya Msalaba

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 28:10

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.

Mɑ́lɛ́kúshi 3:34

Ńcú pɔ́Ꞌɔ, ɛ́shɔtnɛ ńdíŋɛ pʉɔ pi pɔ́p tʉ̈ɔ́Ꞌtɛnɛ wɛ́ ńníꞋ sɔŋ, ńcú ŋɡɔ: «KwɑꞋ mɑ́mɑ́ wɑɑ pɔ́p kwɑꞋ pɔ́ɔpɛ́mɑ́ pɑ́ɑ pʉ́ɔlɑɑ pɔ́p nɑ́ŋtɛ́nɛ.»

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

ŊwɑꞋnɛ-Gɑŋntúu Yɛ́su Kɛlístɔ 17:26

A kɑ fú nǔu tɑ́Ꞌ ŋu wɛ́mɔ́Ꞌ, ŋ́ɡɛ mɛlɑ́Ꞌ mɛlɑ́Ꞌ, nɛlɔk ŋ́ɡɛ ŋɡɔ pʉɔmɛsɔŋ nɑ́ŋ zʉꞋ tsʉʉ ndǔ tsɛ́tsɑ́Ꞌ. Ńzɑ́Ꞌ njí ńzɑ́p mɛkɛm-ŋkɑ́ mɔ́p mbɑ mɛzʉꞋ mi pɔ́p ɡʉ ńdɑ́Ꞌ ńnɑ́ŋ zúꞋu.

ŊwɑꞋnɛ-Gɑŋntúu Yɛ́su Kɛlístɔ 17:28

Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

Pʉɔ-Lɔ́mɑ 8:29

MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.

Ɛ́bɛlʉʉ 11:16

Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.

Ɛ́bɛlʉʉ 13:12

Ɛ́ yúu mi ɛ́ kɑ ɡɛnɛ, mbɑ Yɛ́su ɡúu lɔk mɛci mɛ́ ŋ́ɡɛ pʉɔmɛsɔŋ tsʉ́Ꞌ pʉɔ-Sɛ́, ɑ pfú pɔ nzɛmpíi, tɛ ɑ pɔɔ pfú tʉ́sɔŋ pɔ́. ZʉꞋ yi ɑ kɑ jʉ́ɔnɛ ŋɡʉ̈ɔ́Ꞌ zúꞋu pɔ́.

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.