Ɛ́bɛlʉʉ 2:10 - Kɑɑ Fí

¹⁰ Sɛ́ kɑ ɡɛ yúu tsʉʉ yi ɛ́ ndǔmbí ɛ́ pɔ́ ɡú, ḿbɔ́ pɔ yúu pɛ́. Pɑ́Ꞌ ɑ kɑ pɛn ḿbɔ́ ŋ́kɔŋ ŋɡɔ pʉɔ tɛ ńzɑ́ɑ ɡʉ ńtsʉ́Ꞌ pʉɔ pɛ́, ɛ́ pɔ́ tsɛt nɛɡúꞋ wɛ lɑ́, Yɛ́su pɛn ŋ́ɡẅɛɛ nɛɡɛ pɔ́p luk lɑ́, ɛ́ kɑ pɔ́ ḿbíkŋɛ ŋɡɔ ɑ ɡɛ Yɛ́su fú nǔu ŋɡʉ̈ɔ́Ꞌ yi ɑ jʉ́ɔnɛ, ŋ́kuꞋ ŋu ẅí ɑ ɡʉ ŋ́ɡɛ pɔ́p luk.

Ɛ́bɛlʉʉ 2:10 Marejeleo ya Msalaba

Lúkɑ́shi 13:32

Yɛ́su cú mbɔ̌ pɔ́p ŋɡɔ: «Pʉʉ ɡʉ ńcú mbɔ̌ pɑꞋŋkwɛn ɛ̂wɑ́ ŋɡɔ: m bɛ́t ŋ́ɡẅɛɛ yɔ lɛ́Ꞌ, mbɑ zɔ́n nɛlɔk ńzuŋ mɛzẅikŋɛ kɛpɔŋ mi ɛ́ mbʉʉ pʉɔ, ḿbɛn ŋ́ɡɛ ɡɑŋɡɔɔ fíitɛ. Ɛ́ ḿbɔ́ nǔu mbɑ́ɑtɛ lɛ́Ꞌ pɛ́tɑ́t, mɛkŋɛ fɑꞋ yɑ́ɑ.

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

Lúkɑ́shi 24:46

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Jɑ̂ŋ 19:30

A fíitɛ ńcú ŋɡɔ: «Nu tsʉʉ mɛ», ŋ́ɡɔ́ɔ ŋ́kɛ́ ńcɔ́ŋɛ tú yɛ́, ḿpfú.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 11:36

Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 9:23

Lɑ́ Sɛ́ kɑ pɔ́ ḿbɛn ŋ́kɔŋ nɛnyɛt ndɛn fuꞋ yi ɛ́ tsɛt nɛɡúꞋ wɛ, ḿbɔ́ yi ɑ ŋ́ɡɑ́ mbɔ̌ pʉɔ pi ɑ tsɑ́ɑnɛ mɛjʉ́ŋ mɔ́p, pʉɔ pi ɑ kɑ lɑ́Ꞌnɛ ńzɑ́Ꞌ njí ńniitɛ wɔ́p ńtík, nɛɡẅɛɛ nɛɡúꞋ wɛ ẅîwɑ́.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

2 Kɔlɛ̂ŋtɛ 5:18

Mîmɑ́ mɛnu tsʉʉ fú mbɔ̌ Sɛ́ ẅi ɑ kɑ lɔknɛ Kɛlístɔ ḿmik mbuu yí ɛ́ kɑ pɔ́nɛ tsɛtsɛt pɛkŋɛ pɛ jʉ́ Sɛ́, ɑ kɑ pɛn ŋ́ɡɑ́ fɑꞋ mbɔ̌ pɛk, ɛ́ pɔ́ nɛɡʉ ɛ́sẅíi pʉɔ ŋɡɔ shʉ́ nɛmɛk mbuu yí ɛ́ kɑ pɔ́nɛ tsɛtsɛt pɔ́p pɛ́ Sɛ́ ɛ́ cẅɛt.

2 Kɔlɛ̂ŋtɛ 6:18

Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Ɛ́bɛlʉʉ 6:20

MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

Ɛ́bɛlʉʉ 7:28

Nɛpʉ́ʉ-Mɔ̌sɛ̂ɛ zɛɛ ŋ́ɡɛ pɛ́ lɔk ŋumɛsɔŋ ẅi mbɑp-mbʉʉ yɛ pɔ́t pɑꞋ yɛ pɛcɔ́ pʉɔ ŋ́ɡɛ NɔŋpɔꞋ wɛ ɡwɛ́. Lɑ́ nu yi Sɛ́ kɑ zɑ́pnɛ nɛpʉ́ʉ-Mɔ̌sɛ̂ɛ ḿbɛn ńtɑ́ɑ ńcú tɛ ŋ́kɑɑ, ɛ́ kɑ ɡɛ ɑ lɔk Mɔ́ɔ nɛ ẅi ɑ kɑ lɑ́Ꞌ mɔ́ ŋ́kuꞋ nǔu mbɑ kʉ̈ɔ́lɑ́ yi jʉ́ Sɛ́ kɑ pɔ́ ńzẅíꞋlɛ wɛ́ nǔu, ńdɔk ŋ́ɡɛ NɔŋpɔꞋ wɛ ɡwɛ́ nǔu mɛŋɡuꞋ mɛŋɡuꞋ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,