Ɛ́bɛlʉʉ 13:4 - Kɑɑ Fí

⁴ Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Ɛ́bɛlʉʉ 13:4 Marejeleo ya Msalaba

1 Kɔlɛ̂ŋtɛ 5:13

Sɛ́ ɡʉ ńdɑ́Ꞌ ŋ́ŋɑk pʉɔ pi pɔ́p kɑ́ pɔ́ pʉɔ-Kɛlístɔ pɔ́. Pʉʉ fú tsɛtsɛt pʉʉ ńzuŋ ŋu kɛpɔŋ.

1 Kɔlɛ̂ŋtɛ 6:18

Pʉʉ niitɛ ḿbɑ́ɑ nɛlɔk mbʉʉ yʉʉ ŋ́ɡɛ kʉ̈ɔ́ lɑ́ yi pʉʉ kɔŋnɛ. Mɛcɔ́ mɛnu kɛpɔŋ mi pʉɔmɛsɔŋ ɡɛnɛ, ɛ́ nǔu pɔ́p ḿbɔ́ pɔ nzɛmpíi. Lɑ́ ḿbɔ́ yi ŋu lɑɑ ńdɔk mbʉʉ yɛ́ ŋ́ɡɛ kʉ̈ɔ́ lɑ́, mbɔ ɑ shɔtnɛ ŋ́ɡɛ nu kɛpɔŋ pɔ nǔu yɛ́.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

1 Kɔlɛ̂ŋtɛ 7:38

Pɔ́Ꞌɔ lɑ́, ŋu ẅí ɑ zɔ́Ꞌnɛ mɔ́ɔ mɑŋɡɛ́ ẅi ɑ kɑŋnɛ píi, ɑ ɡɛ sʉ́Ꞌnɛ. Lɑ́ ŋu ẅí ɑ jʉ́ɔnɛ ŋɡɔ ɑ kɛ́ zɔ́Ꞌ pɔ́, ɑ ɡɛ sʉ́Ꞌnɛ tɛꞋ.

1 Kɔlɛ̂ŋtɛ 9:5

Mbɑ wɛ́tɛ́ ŋu lɑ́ nǔu pɛk kɑ́ ɡẅɛɛ yɛ́ nɛɡɔ́ ńnɛn, pɔ́p wɛcɔ́ mɔ́ɔmɑ́ wɛkŋɛ ŋu-Kɛlístɔ wɛ mɑŋɡɛ́, ɑ pɔ́ nzwɛ́ wɛ pɔ́ kíi? Ɛ́ kɑ́ pɔ́ pɑ́Ꞌ Kɛfɑs, nɛ́ pɛcɔ́ ɡɑŋntúu, mbɑ pɔ́ɔpɛ́mɑ́-Tsɑpʉɔ ɡɛnɛ pɔɔ?

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

Ŋɡɑlɑ̂t 5:19

Pɛ́ sɛ́ ńtsuŋ ńjí mɛnu mi mbʉʉ-ŋumɛsɔŋ tsʉ́ʉnɛ́nɛ wɛ́ ɑ fɑɑnɛ, nu pɑ́Ꞌ nɛfúŋ pɑŋɡɛ́ kɛ nɛlɔɔ mbɛ́ɛnɛ ɔɔ, nu pɑ́Ꞌ nɛɡɛ mɛnu ntsɛ́llɛ́, nu pɑ́Ꞌ ŋu nɛtík tʉ́m yɛ́ pɔ nǔu nu-mpfuꞋ.

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

1 Timɔtɛ́ɛ 3:12

Ɛ́ píkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ ɡẅɛɛ pɔ tɑ́Ꞌ tɑ́Ꞌ mɑŋɡɛ́, ńdíŋɛ mɛnjɛ́Ꞌ mɔ́p sʉ́Ꞌnɛ, tɛ mbɑ mbɔ́ŋkʉ̈ɔ́ pɔ́p.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 3:4

A pɔ́ ŋu ẅí ɑ líŋɛ́nɛ njɛ́Ꞌ yɛ́ sʉ́Ꞌnɛ, ḿbɔ́ ŋu ẅí ɑ ɡẅɛɛnɛ mbɔ́ŋkʉ̈ɔ́ pɛ́ nǔu ntɛ́ yi pɔ́p ɡʉ ńzúꞋ ntsu wɛ́, ŋ́ɡɛ mɛkuꞋ mɛ́.

1 Timɔtɛ́ɛ 4:3

Pîpɑ́ pʉɔ sɛ́ ńzíꞋ pʉɔ ŋɡɔ kɔɔ pɔ́p zɔ́Ꞌ, ŋɡɔ kɔɔ pɔ́p kwɛ́t yɛcɔ́ yúupɛ́jʉ́, lɑ mbɔ Sɛ́ kɑ niitɛ́nɛ mîmɑ́ mɛyúu nɛpɔ́ yi pʉɔ pi pɔ́p zɑ́pnɛ tʉ́m nǔu wɛ́, ḿbɔ́ ńjí nu yi ɛ́ nɛ́nẅín, ɡʉ ḿbɛ́ɛ, ŋ́ɡɑ́ pɑ́Ꞌlɑ́ mbɔ̌ wɛ́ nǔu, ńjʉ́.

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

Tîtɛ 1:6

Ɛ́ píkŋɛ ŋɡɔ ncẅɛ́ɛmbi pɔ́ ŋu ẅí pɛ́ kɑ́ pɔ́ ŋ́kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, mbɔ́ŋkʉ̈ɔ́ pɛ́ zɑ́p tʉ́m yɔ́p nǔu Sɛ́, mɑt wɔp pɔ́ wɛ sʉ́Ꞌnɛ, pɔ́p pɛn ńnɑ́ŋ ńzúꞋ ntsu wɛ́.

Ɛ́bɛlʉʉ 12:16

Pʉʉ pɑ́ɑ pɑ́Ꞌ ḿbɔ́ ŋu wʉ́ʉ puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, ḿbɑ́ɑ pɑ́Ꞌ ḿbɔ́ ŋu nɑ́ kɛ́ ɡɑ́ mɛkuꞋ nǔu yúu mi ɛ́ yɛ́ Sɛ́, ndʉ́ŋndʉŋ pɑ́Ꞌ Ɛzɑẅi ẅi ɑ kɑ fɛnnɛ nu-ndʉ́m ẅi ɑ kɑ pɔ́ wɛ́tɛ́, pɛ́ lɔk tɑ́Ꞌ kɑ́ŋ yúupɛjʉ́ ńzúu.

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.