Ɛ́bɛlʉʉ 13:12 - Kɑɑ Fí

¹² Ɛ́ yúu mi ɛ́ kɑ ɡɛnɛ, mbɑ Yɛ́su ɡúu lɔk mɛci mɛ́ ŋ́ɡɛ pʉɔmɛsɔŋ tsʉ́Ꞌ pʉɔ-Sɛ́, ɑ pfú pɔ nzɛmpíi, tɛ ɑ pɔɔ pfú tʉ́sɔŋ pɔ́. ZʉꞋ yi ɑ kɑ jʉ́ɔnɛ ŋɡʉ̈ɔ́Ꞌ zúꞋu pɔ́.

Ɛ́bɛlʉʉ 13:12 Marejeleo ya Msalaba

Lúkɑ́shi 4:29

Pɔ́p lɔ sɛ́ pɛtsʉʉ, ŋ́ɡẅɛɛ Yɛ́su ńdɔk wɛ́ ɛ́fú tʉ́sɔŋ, ńcẅɛt tɛ ŋ́kúu ndǔ tú-nɛŋkɔ́Ꞌ, zʉꞋ yi pɛ́ kɑ kútnɛ tʉ́sɔŋ wɔp zúꞋu, ḿbɔ́ ńdɔɔ nɛfu ndǔ nɛŋkɔ́Ꞌ ńtsʉ́ʉ wɛ́ ḿmɑꞋ tsɛt fúꞋ.

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Jɑ̂ŋ 19:34

Lɑ́ wɛcɔ́ tɑ́Ꞌ nǔu pɑlʉ̈ɔ́Ꞌntsɔ lɔk nɛkɔŋ, ɛ́sɔp ɡúŋ-ŋɡíi-Yɛ́su. Mɛci pɔ́p ŋki ɡɔ́ɔ ńcẅɛt zúꞋu.

ŊwɑꞋnɛ-Gɑŋntúu Yɛ́su Kɛlístɔ 7:58

ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:29

Tɛ ɛ́ lɑɑ ḿbɔ́ pɔ́Ꞌɔ, mbɔ pʉʉ kwɑŋɛ yʉ́ʉ ŋɡɔ ŋɡʉ̈ɔ́Ꞌ yi ɛ́ sɛ́ ḿbíkŋɛ ŋɡɔ pɛ́ zɑ́p tú ŋu ẅi ɑ lɔknɛ mɔ́ɔ-Sɛ́ ɛ́fúŋ yɑ́ yúu ɡʉ ńdɑ́Ꞌ ḿbɔ́ pɑꞋ? Pɛ́ lɑ́Ꞌ ŋu ẅí ɑ ɡwɑ́knɛ nu mɛci mi Sɛ́ lɔknɛ ŋ́ɡwɑt kɑɑ, ɛ́ pɔ́ mi pɛ́ kɑ lɔknɛ ŋ́ɡɛ ɑ tsʉ́Ꞌ ŋu-Sɛ́, ɑ ŋu ẅi ɑ zɔɔtɛ Zẅikŋɛ Lɛ́ɛnɛ́nɛ yi ɛ́ ɡɛnɛ pɛkŋɛ jí pɑ́Ꞌ tʉ́m Sɛ́ pɔŋnɛ nzʉʉ pɛkŋɛ pɔ́Ꞌɔ.

Ɛ́bɛlʉʉ 2:11

Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.

Mɛnu ɛ́ ńdɑ́Ꞌ ńcẅɛt 14:20

Pɛ́ fú tsɛt tʉ́sɔŋ ńcẅɛt tɛ ńjʉ́ɔ yîyɑ́ ɡʉ́ɔ. Pɛ́ ɡɔ́ɔ ŋ́kɛ́ ńcúꞋ mɛntɑ́ɑ ɛ̂mɑ́ tsɛtú, mɛci fúnɛ tsɛt ɡʉ́ɔ ɛ̂yɑ́ ńcẅɛt, ńcúŋ nǔu pɛkílɔmítɑ ŋkʉ yɛ́tɑ́t, nɛkúu sɛ́ pɔ́ tɑ́Ꞌ mítɑ nɛ́ kɛm.