Ɛ́bɛlʉʉ 13:1 - Kɑɑ Fí

¹ Pʉʉ kẅiꞋ ŋ́ɡẅɛɛ ŋkɔŋɛ tsɛtsɛt pʉʉ, pɑ́Ꞌ ɛ́ sɛ́ ḿbíkŋɛ ŋɡɔ pʉɔ-Kɛlístɔ ɡɛ pɔ́Ꞌɔ, tsɛtsɛt pɔ́p.

Ɛ́bɛlʉʉ 13:1 Marejeleo ya Msalaba

Jɑ̂ŋ 15:17

«Yúu mi ŋ kɛ́ nɛ ḿbíkŋɛ wʉ́ʉ, ɛ́ pɔ́ pɔ ŋɡɔ, pʉʉ ɡẅɛɛ ŋkɔŋɛ pʉʉ nɛ́ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 2:1

Lɛ́Ꞌ-ndínɑ yi pɛ́ fúŋnɛ ŋɡɔ Pɑŋntɛkɔ̂t ɡɛ ńtɔ́, pɑpɛ́m Yɛ́su cúꞋlɛ tɑ́Ꞌ zʉꞋ pɛ́tsʉʉ ndɑ́.

ŊwɑꞋnɛ-Gɑŋntúu Yɛ́su Kɛlístɔ 4:32

Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 4:3

Pʉʉ sɑ́Ꞌ tʉʉ nɛ́ kɛ́ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ mbɔ̌ Zẅikŋɛ-Sɛ́, yɛ́tɛ́ sɛ́nɛ́ ŋ́ɡɔ́ ŋ́ɡɑ́ mbɔ́tnɛ mbɔ̌ pʉɔ, ŋ́ɡɑ́ wɔ́p nɛ́ tɑ́Ꞌ ntsu.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

Ɛ́bɛlʉʉ 10:24

Kɔɔ ŋu wɛkŋɛ likŋɛ nɛlíŋɛ mɔ́ɔmɑ́ wɛ, ḿbɛn ńdíŋɛ wɛ́, ńjí ŋɡɔ pɛkŋɛ ɡʉ ńdɔk pɔ́Ꞌɔ, ńníꞋ mɛtʉʉ mɛkŋɛ nǔu nɛɡẅɛɛ ŋkɔŋɛ mbɑ nǔu nɛfɑꞋ mɛfɑꞋ sʉ́Ꞌnɛ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 2:17

Pʉʉ ɡɑ́ mɛkuꞋ pʉɔtsʉʉ, ŋ́kɔŋ pɔ́ɔpɛ́mɑ́ pʉʉ pʉɔ-Kɛlístɔ, ḿbɔ́k Sɛ́, ŋ́ɡɑ́ mɛkuꞋ-fɔɔ.

1 Pyɛ̂ 3:8

Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.

Mɛnu ɛ́ ńdɑ́Ꞌ ńcẅɛt 2:4

Lɑ́, ŋ kɛ́ ḿbɔ́ ńdɑ́Ꞌ wʉ́ʉ ntɛ́ nu yi pʉʉ kɑ́ pɛ́t ŋ́kɔŋ wɑ́ɑ pɑ́Ꞌ pʉʉ kɑ piitɛ́nɛ ḿbɔ́ ŋ́kɔŋ wɑ́ɑ pɔ́Ꞌɔ pɔ́.