Ɛ́bɛlʉʉ 12:15 - Kɑɑ Fí

¹⁵ Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 12:15 Marejeleo ya Msalaba

Lúkɑ́shi 22:32

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

1 Kɔlɛ̂ŋtɛ 10:12

Pɛkŋɛ fú nǔu yɔ nu ńzúꞋ ŋɡɔ nɛpɛ́t ŋ́ɡʉ ɡʉnɛ ŋ́ɡɔ́ɔ ḿbɔ́ ńzɔp, kɑ́ pɔŋ.

1 Kɔlɛ̂ŋtɛ 13:8

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́,

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 5:6

Ɛ́ kɑ́ pɔŋ ŋɡɔ pʉʉ ŋɑ́Ꞌlɛ nɛ́ yîyɑ́ ntɛ́ nu tsɛtsɛt pʉʉ pɔ́. Pʉʉ kɑ pɔ́ ńjí ŋɡɔ mɔ́zʉꞋ fɛntɛ ɡɛnɛ fɑlîn tsɛpnɛ kɔ́Ꞌ pɔ́ kɛ?

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 2:13

Pɛcɔ́ pɔ́ɔpɛ́mɑ́ pi pɔ́p kɑ pɔ́ Antíyɔshɛ ḿbɔ́ pɑyúdɑ, pɛn ńcẅɛt yɔ́p pɛŋkɔŋmík pɑ́Ꞌ Pyɛ̂. Ɛ́ pɔ́ pɔ́nɛ tɛ kwɑꞋ Pɑnɛpɑ́ɑshi pɛn ŋ́ɡɛ yɛ́ pɔ pɔ́Ꞌɔ.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

Ɛ́fɛ̂zɛ 5:3

Pɑ́Ꞌ pʉʉ ŋkɔ̂ɔnɛ ḿbɔ́ pʉɔ-Sɛ́ lɑ́, yɛcɔ́ yúu mi ɛ́ kɑ́ píkŋɛ ŋɡɔ ŋu wʉʉ ɡɛ pɔ́, ḿbɛn mbɔɔ píkŋɛ ŋɡɔ pɛ́ zɛɛ ŋ́kẅíi mbɑ kẅíinɛ tsɛtsɛt pʉʉ pɔ́, pɛ́ cú nu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ mɛnu ntsɛ́llɛ́ mbɑ nu kɛ́ɡʉ̈ɔꞋ.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Tîtɛ 1:15

Kʉ̈ɔ́ lɑ́ kɛ́ lɔ́Ꞌ mbɔ̌ pʉɔ pi pɔ́p ɡẅɛɛnɛ tʉ́m lɛ́ɛnɛ́nɛ mbi Sɛ́. Lɑ́ ŋ́ɡʉ nǔu pʉɔ pi tʉ́m yɔ́p kɑ́ lɛ́ɛnɛ, pɔ́p pɔɔ zɑ́p nǔu Sɛ́ pɔ́, kʉ̈ɔ́ lɑ́ mbɔ̌ pɔ́p ŋ́ɡẅɛɛ pɔ lɔ́Ꞌ. MbíꞋŋɡɔ kwɑŋɛnu yɔ́p nɑ́ŋ ńtʉ́ʉ pɔ nǔu mɛnu kɛpɔŋ, tʉ́m yɔ́p pɔɔ lɛ́ɛnɛ.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Ɛ́bɛlʉʉ 4:11

Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

2 Jɑ̂ŋ 1:8

Pʉʉ lɑk tú yʉ́ʉ ḿbɔ́k pɑ́Ꞌ mbɔ pii yi pʉʉ kɑ jʉ́nɛ nǔu fɑꞋ yɛ́k lɛɛ níinɛ. Pʉʉ sɑ́Ꞌ pɔ tʉʉ, ŋ́ɡɛ ńcẅɛ́ɛ tsɔ́ꞋfɑꞋ yʉ́ʉ pɔ tsʉʉ.