Ɛ́bɛlʉʉ 12:1 - Kɑɑ Fí

¹ Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

Ɛ́bɛlʉʉ 12:1 Marejeleo ya Msalaba

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

Mɑtʉ̈ɔ 24:13

Lɑ́, ŋu ẅí ɑ ɛ́sʉk sʉknɛ kɛ́ kɑɑ ɡʉnɛ ŋ́ɡɛ ńduk.

Mɑ́lɛ́kúshi 10:50

Fumík lɔ sɛ́, ńjɛ́Ꞌ ndẅí-fɑ́k yɛ ḿmɑꞋ nzʉʉ, ŋ́ɡʉ ńtsɛ́t Yɛ́su.

Lúkɑ́shi 12:15

Ḿbɛn ńcú mbɔ̌ pʉɔ tsʉʉ ŋɡɔ: «Pʉʉ lɑk tú yʉ́ʉ! Pʉʉ pɑ́ɑ nɛcúꞋlɛ yúu, ŋ́kɛ́ ŋ́kẅiꞋ kẅiꞋnɛ. Nɛpɔŋ wɛ ŋu kɑ́ ɡẅɛɛ yɛcɔ́ nu nǔu yúu mi ŋɡɑŋ ɡẅɛɛnɛ pɔ́, tɛ mbɑ pɑ́Ꞌ ɑ ńzɛnɛ ŋ́ɡẅɛɛ pɔ kʉ̈ɔ́ lɑ́!»

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

Jɑ̂ŋ 3:32

A cú nu yí ɑ jínɛ nǔu yúu mi ɑ kɑ jʉ́ɔnɛ mbɑ yi ɑ kɑ zúꞋnɛ, lɑ́ ŋu pɔɔ pɛ́m.

Jɑ̂ŋ 4:39

Ɛ́ kɑ fú nǔu sẅiŋɛ-mɑŋɡɛ́ ɛ̂wɑ́ yi ɑ kɑ pɔ́ ńcú ŋɡɔ: «A sẅíi wɑ́ɑ nɛ́ mbɑ kʉ̈ɔ́ lɑ́ yi ŋ kɑ ɡɛnɛ, Pʉɔ-Sɑmɑlîi tɛ ńzɑ́ɑ pi pɔ́p m̄bɔ́nɛ nǔu yîyɑ́ tʉ́sɔŋ zɑ́p tʉ́m nǔu Yɛ́su,

Jɑ̂ŋ 4:44

Mbɔ jʉ́ nɛ́ túmbʉʉ yɛ́ kɑ cú ŋɡɔ: «Pɛ́ lɔɔ ŋ́ɡɑ́ mɛkuꞋ-ŋɡɛ́mndʉ̈ɔ́Ꞌ-Sɛ́ lɑ́Ꞌ pɔ́p pɔ́.»

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 2:2

Ŋ kɑ pɔ́ ŋ́ɡʉ zúꞋu, mbíꞋŋɡɔ Sɛ́ kɑ cúnɛ ŋɡɔ ŋ ɡʉ zúꞋu. Ŋ kɑ tɔ́ zúꞋu, ŋ́kyɛ́Ꞌtɛ Ŋkʉʉ Sʉ́Ꞌnɛ ẅí n cẅinɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi pʉɔ pi pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m. Pɛk pɛpɔ́p nɑ́ŋ pɔ zʉꞋ tsʉʉ lɑ ŋ kyɛ́Ꞌtɛ ɛ́sẅíi wɔ́p. Pɔ́Ꞌɔ, mbíꞋŋɡɔ ŋ kɑ kɛ́ ḿbɔɔ ŋ́kɔŋ ŋɡɔ fɑꞋ yi ŋ kɑ fɑꞋnɛ mbɑ yi mɔ ḿbɔ́ ɛ́fɑꞋ lɛɛ níinɛ pɔ́.

Ŋɡɑlɑ̂t 5:7

Pʉʉ kɑ pɔ́ ŋ́ɡʉ nɛ́ mbi kwɑꞋ sʉ́Ꞌnɛ, wɔ̌ tɔꞋ wʉ́ʉ nɛpɛn ńzúꞋ nu yi ɛ́ nɛ́nẅín ńtík ku nǔu?

Ɛ́fɛ̂zɛ 4:25

Ɛ́ lɑɑ ḿbɔ́ pɔ́Ꞌɔ, pʉʉ mɛꞋ cɔtnu. Ŋu cú pɔ nu nɛ́nẅín mbɔ̌ pɔ́ɔpɛ́mɑ́ pɛ́, mbíꞋŋɡɔ pɛkŋɛ tɛmtɛ ḿbɔ́ pɔ mɛkɛm-tɑ́Ꞌ mbʉʉ yɛ́mɔ́Ꞌ.

Filipɛ 1:30

Yîyɑ́ ŋɡʉ̈ɔ́Ꞌ ɛ́ ntsɔ ẅí pʉʉ sɛ́ ḿmɑꞋ, mbɔ pʉʉ kɑ jʉ́ɔ pɑ́Ꞌ m mɑꞋnɛ yɑ́ɑ. Mɔ sɛ́ ḿbɛ́t ḿmɑꞋ pɔ wɛ́tɛ́.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

2 Timɔtɛ́ɛ 2:4

Ŋu lɛɛ tɛ ḿbɛ́m fɑꞋ-ndʉ̈ɔ́Ꞌntsɔ, mbɔɔ kíi ńzɑ́p tʉ́m yɛ́ nǔu yúu ndɛꞋ pɔ́, pɑ́Ꞌ ɑ lɑɑ ḿbɔ́ ńdɔɔ ŋɡɔ nu pɔŋ ŋu ẅí ɑ kɑ lɔknɛ wɛ́ fɑꞋ.

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

Ɛ́bɛlʉʉ 6:15

Ábɛlɛhɑ̂m zúꞋ, ńzẅíꞋlɛ kɛ́ kɑ́ɑ, ɛ́ lɛɛ pɔ́Ꞌɔ, ɑ lɑ́Ꞌ ŋ́ɡẅɛɛ yúu mi Sɛ́ kɑ kɑꞋnɛ mbɔ̌ wɛ́.

Jɑ̂k 1:3

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńjí ŋɡɔ, pʉʉ lɑɑ ɛ́sʉk ŋɡʉ̈ɔ́Ꞌ yi ɛ́ sɛ́ ŋ́kúu wʉ́ʉ, ḿbɛn ḿbɔ́ ŋ́kẅiꞋ ńzɑ́p tʉ́m yʉ́ʉ nǔu Sɛ́, mbɔ pʉʉ ɡʉ ḿbɔ́ ńtɛntɛ tɛntɛnɛ.

1 Pyɛ̂ 2:1

Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

2 Pyɛ̂ 1:6

ŋ́ɡʉ nǔu nɛjí yúu mi Sɛ́ sɛ́ ŋ́kɔŋ, ŋ́kẅiꞋ pɑ́Ꞌ pʉʉ ɡʉ ŋ́ɡuutɛ mbʉʉ yʉʉ, ŋ́ɡʉ nǔu nɛɡuutɛ mbʉʉ ŋ́kẅiꞋ ńtɛntɛ tɛntɛnɛ, ŋ́ɡʉ nǔu nɛtɛntɛ tɛntɛnɛ, ŋ́kẅiꞋ nɛjí pɔ ndɑꞋ Sɛ́,

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 13:10

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.