Ɛ́bɛlʉʉ 11:6 - Kɑɑ Fí

⁶ Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 11:6 Marejeleo ya Msalaba

Mɑtʉ̈ɔ 11:26

Ɔ́ɔŋ mbɑ̌ɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡʉ ŋ́ɡɛ yɔ nu pɔ́ pɔ́Ꞌɔ.»

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Mɑtʉ̈ɔ 6:16

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:33

Pʉʉ luŋmbi ńzúꞋ pɔ nu-nɛfɔɔ-Sɛ́, pɔ́p yúu mi Sɛ́ sɛ́ ŋ́kɔŋ, ɑ tsʉ́Ꞌ ŋ́ɡɑ́ mîmɑ́ mɛyúu ńdɔk ŋ́kẅiꞋ kẅiꞋnɛ.

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑ́lɛ́kúshi 16:17

Pʉɔ pí pɔ́p pɛ́mnɛ nu yɑ́ɑ, ɡʉ ńdɑ́Ꞌ ŋ́ɡɛ mɛŋkʉꞋnɛ mɛnu: pɔ́p ɡʉ ńdɑ́Ꞌ ńdɔk lík yɑ́ɑ ńzuŋ mɛzẅikŋɛ kɛpɔŋ mi ɛ́ púunɛ́nɛ pʉɔ, pɔ́p ɡʉ ńdɑ́Ꞌ ńcú mɛsẅíŋɛ mi pɔ́p ŋkɑɑ zíꞋ,

Lúkɑ́shi 12:31

Pʉʉ lɔ́ɔ pɔ pɑ́Ꞌ yʉ́ʉ kwɑŋɛ ɡɛ ńtʉ́ʉ pɔ nǔu nu-nɛfɔɔ-Sɛ́, ɑ kɛ́ ńtsʉ́Ꞌ ŋ́ɡɑ́ yɛ́ yúu ńdɔk ŋ́kẅiꞋ kẅiꞋnɛ.

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 8:24

Ɛ́ yúu mi ɛ́ lɑ́Ꞌnɛ ŋ́ɡɛ lɑ n cú mbɔ̌ pʉʉ ŋɡɔ: Pʉʉ ɡʉ ŋ́ɡɛ ḿpfú tsɛt mɛnu kɛpɔŋ mʉ́ʉ. MbíꞋŋɡɔ pʉʉ lɑɑ ḿbɛ́m ŋɡɔ ŋu ẅí pɛ́ fúŋnɛ wɛ́ ŋɡɔ Mɔ ɡú ɑ mɔ pɔ́, mbɔ pʉʉ ɡʉ ḿpfú tsɛt mɛnu kɛpɔŋ mʉ́ʉ.

Pʉɔ-Lɔ́mɑ 10:14

Lɑ́ mbɔ pʉɔ pɔɔ zɑ́p tʉ́m nǔu Tsɑpʉɔ pɔ́, ŋ́ɡɛ ŋɡɔ́ku lɑ ńdɑɑ ɛ́fúŋ wɛ́? Mbɔ pʉɔ pɛn ŋ́ɡɛ ŋɡɔ́ku ńzɑ́p tʉ́m nǔu Tsɑpʉɔ kɛ́ pɔ́ yi pɔ́p zúꞋ pɑ́Ꞌ ŋu sẅíinɛ nu-Tsɑpʉɔ mbɔ̌ pʉɔ? Mbɔ pʉɔ pɛn ńzúꞋ pɑ́Ꞌ pɛ́ sẅíinɛ nu-Tsɑpʉɔ ŋɡɔ́ku, kɛ́ pɔ́ yi ŋu ẅí ɑ ɡʉ ɛ́sẅíi nu-Tsɑpʉɔ ɡú?

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́bɛlʉʉ 11:26

A kɑ pɔ́ ńjʉ́ɔ ŋɡɔ pɛ́ lɑɑ ŋ́ɡwɑ́k wɛ́ pɑ́Ꞌ pɛ́ kɑ ɡɛnɛ ŋ́ɡwɑ́k Nzɑ́Ꞌŋkʉ, mbɔ ɛ́ ɡʉ ḿbɔ́ mbɔ̌ wɛ́ ḿbɔŋ ńdɛɛ fuꞋ yi ɛ́ Ɛ́ɡíptɔ, mbíꞋŋɡɔ mík mɛ́ kɑ tʉ́ʉ pɔ nǔu tsɔ́Ꞌ fɑꞋ yi ɑ ɡʉ ńdɑ́Ꞌ ŋ́ɡẅɛɛ.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 4:2

Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.

Ɛ́bɛlʉʉ 4:6

Sɛ́ kɑ zɑ́p ŋɡɔ pɛcɔ́ pʉɔ ɡʉ ŋ́ɡɛ ŋ́kúu tsɛtú, lɑ́ pɛluŋmbi pʉɔ pɔɔ zúꞋ Ŋkʉʉ Sʉ́Ꞌnɛ lɑ ḿbɛn ŋ́kɛ́ mbɔɔ tsɛtú kúu pɔ́ pɔ́, mbíꞋŋɡɔ pɔ́p kɑ zúꞋ mbɔɔ pɛ́m pɔ́.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

2 Pyɛ̂ 1:5

Pɔ́Ꞌɔ, pʉʉ sɑ́Ꞌ tʉʉ, ŋ́kẅiꞋ mɑt sʉ́Ꞌnɛ nǔu wʉʉ nɛzɑ́p tʉ́m nǔu Sɛ́, ḿbɛn ŋ́ɡʉ nǔu mɑt sʉ́Ꞌnɛ ŋ́kẅiꞋ nɛjí yúu mi Sɛ́ sɛ́ ŋ́kɔŋ,

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»