Ɛ́bɛlʉʉ 11:5 - Kɑɑ Fí

⁵ Ɛ́ kɑ fú pɔ nǔu pɑ́Ꞌ Ɛnɔk kɑ zɑ́pnɛ tʉ́m yɛ́ nǔu Sɛ́, lɑ Sɛ́ lɔk wɛ́ ŋ́ɡʉ ɡʉnɛ tɛ ɑ pɔɔ pfú. Pɛ́ lɔɔ wɛ́ mbɔɔ pɛn ńjʉ́ɔ wɛ́ pɔ́, mbíꞋŋɡɔ ɛ́ kɑ ɡɔ́ ḿbɔ́, mbɔ Sɛ́ lɔk wɛ́ ŋ́ɡʉ. ŊwɑꞋnɛ-Sɛ́ cú ŋɡɔ Sɛ́ kɑ ɡɔ́ ńdɔk wɛ́ ŋ́ɡʉ, mbɔ nu yɛ́ pɔŋ wɛ́.

Ɛ́bɛlʉʉ 11:5 Marejeleo ya Msalaba

Lúkɑ́shi 2:26

Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

Lúkɑ́shi 3:37

Lɑmɛ̂k pɔ́ mɔ́ɔ-Mɑtúsɑlɑ. Mɑtúsɑlɑ pɔ́ mɔ́ɔ-Hɛnɔk. Hɛnɔk pɔ́ mɔ́ɔ-Yɑlɛ̂t. Yɑlɛ̂t pɔ́ mɔ́ɔ-Mɑlɛlɛ̂l. Mɑlɛlɛ̂l pɔ́ mɔ́ɔ-Kɑynɑm.

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.

Jẅidɛ 1:14

Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»