Ɛ́bɛlʉʉ 11:16 - Kɑɑ Fí

¹⁶ Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.

Ɛ́bɛlʉʉ 11:16 Marejeleo ya Msalaba

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑ́lɛ́kúshi 12:26

Ɛ́ ɡʉ nǔu pɛpfú pi pɔ́p ńzẅíimɛ nǔu nɛvú, mbɔ pʉʉ ŋkɑɑ mɔ́ ɛ́fúŋ yúu mi Mɔ̌sɛ̂ɛ kɑ ŋwɑꞋnɛ́nɛ, ńdɛꞋlɛ yúu mi Sɛ́ kɑ cúnɛ mbɔ̌ wɛ́, zʉꞋ yí yɛcɔ́ mɔ́yúu tʉ́ kɑ pɔ́nɛ zúꞋu, múk pɔ́ nǔu pɔ́ kɛ? Sɛ́ kɑ pɔ́ ńcú ŋɡɔ: «Mɔ, Sɛ́-Ábɛlɛhɑ̂m, ḿbɔ́ Sɛ́-Ɛ́sɑk, ḿbɔ́ Sɛ́-Yɑkɔ̂p.»

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Lúkɑ́shi 20:37

KwɑꞋ Mɔ̌sɛ̂ɛ kɑ lɛɛ lɛɛnɛ ńdɛꞋlɛ ŋɡɔ pʉɔ ɡʉ ńdɑ́Ꞌ zẅíimɛ nǔu nɛvú. Ɛ́ nǔu zʉꞋ ŋwɑꞋnɛ yi ɑ kɑ ŋwɑꞋnɛnɛ nǔu nu-mɔ́cúꞋ nɛɡíi ẅi ɑ kɑ jʉ́ɔnɛ múk pɔ́ ŋ́kʉ́ nǔu lɑ́ ɛ́ pɔɔ ḿbɔ́ shí pɔ́, ɑ fúŋ Tsɑpʉɔ ŋɡɔ, Sɛ́ Ábɛlɛhɑ̂m, ḿbɔ́ Sɛ́ Ɛ́sɑk, ḿbɔ́ Sɛ́ Yɑkɔ̂p.

Jɑ̂ŋ 14:2

MɛzʉꞋ nɛnɑ́ŋ ndɑ́-Tɑ̌ɑ mɔ tɛ ńzɑ́ɑ. Mɔ ŋ́ɡʉ ńniitɛ zʉꞋ yʉ́ʉ. Ɛ́ lɑ́Ꞌ mbɔɔ pɔ́Ꞌɔ pɔ́, mbɔ ŋ kɑ́ sẅíi wʉ́ʉ ŋɡɔ mɔ ŋ́ɡʉ ńniitɛ zʉꞋ yʉ́ʉ pɔ́.

ŊwɑꞋnɛ-Gɑŋntúu Yɛ́su Kɛlístɔ 7:32

«A mɔ Sɛ́-pɛmɑ̂ɑŋɡɑpnjẅɛt pʉ́ʉ, Sɛ́-Ábɛlɛhɑ̂m, Sɛ́-Ɛ́sɑk, ḿbɛn ḿbɔ́ Sɛ́-Yɑkɔ̂p.» Mɔ̌sɛ̂ɛ zúꞋ ḿbɔ́k, ńzɛ nɛɡwɛt. Mbɔɔ pɛn ŋ́kɔŋ nɛlíŋɛ zʉꞋ ɛ̂yɑ́ pɔ́.

Filipɛ 3:20

Ɛ́ ɡʉ nǔu pɛkŋɛ, mbɔ wɛkŋɛ ŋɡɔŋ pɔ tʉ́nɛ́pú. Pɛkŋɛ sɛ́ ńzẅíꞋlɛ ŋɡɔ Tsɑpʉɔ Yɛ́su Kɛlístɔ fú zúꞋu ńtɔ́, ŋ́ɡɛ pɛkŋɛ luk.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́bɛlʉʉ 11:10

Ábɛlɛhɑ̂m kɑ ɡɛ pɔ́Ꞌɔ, mbíꞋŋɡɔ ɑ kɑ pɔ́ ńzẅíꞋlɛ tʉ́sɔŋ yi ɛ́ ɡẅɛɛ cʉ́ yi ɛ́ tɛn tɛnnɛ. Sɛ́ nɛ́ túmbʉʉ yɛ́ jínɛ pɑ́Ꞌ yîyɑ́ tʉ́sɔŋ ɡʉ ŋ́ɡɛ ḿbɔ́, jʉ́ nɛ́ túmbʉʉ yɛ́ pɛnnɛ ŋ́kút.

Ɛ́bɛlʉʉ 11:14

Pɔ́p kɑ cú pɔ́Ꞌɔ, ńdɔk ńtsuŋ ńnyɛt ŋɡɔ pɔ́p pɛ́t lɑ́ ḿbɔ́ ŋ́kɑ́t ńdɔɔ zʉꞋ yi kwɑꞋ lɑ́Ꞌ yɔ́p zúꞋu.

Ɛ́bɛlʉʉ 11:40

Pɔ́Ꞌɔ mbíꞋŋɡɔ Sɛ́ kɑ kwɑŋɛ yɛcɔ́ nu ńzɑ́p, ɛ́ pɔ́ yi sʉ́Ꞌnɛ mbɔ̌ pɛkŋɛ tɛꞋ. A kɑ pɔ́ ŋ́kɔŋ ŋɡɔ pɛkŋɛ pɛpɔ́p tɛmtɛ ḿbɔ́ pɛ́tsʉʉ, lɑ ɑ ɡɛ pɛkŋɛ pɛpɔ́p kuꞋ pʉɔ pɛ́ pɔ tɑ́Ꞌ ŋkɑ́.

Ɛ́bɛlʉʉ 12:22

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɑ kẅɛ́Ꞌlɛ ńtɔ́ nɛŋkɔ́Ꞌ-Siyɔŋ, ɛ́ lɔk ḿbɔ́ tʉ́sɔŋ-Sɛ́ ẅi ɑ lɔ ḿbɔ́ pɔ ɡú, Yɛlúsɑlɛm ẅi ɛ́ tʉ́nɛ́pú, zʉꞋ yi pɛcʉ̈ɔ́Ꞌ-Sɛ́ kɑ́ sɑ́ŋ tɛ ńjí ndɛn mɛcúꞋlɛ mí ɛ́ zúꞋu tsɛt tsɑ́ɑtɛ pɔ́.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 2:11

Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.