Ɛ́bɛlʉʉ 11:10 - Kɑɑ Fí

¹⁰ Ábɛlɛhɑ̂m kɑ ɡɛ pɔ́Ꞌɔ, mbíꞋŋɡɔ ɑ kɑ pɔ́ ńzẅíꞋlɛ tʉ́sɔŋ yi ɛ́ ɡẅɛɛ cʉ́ yi ɛ́ tɛn tɛnnɛ. Sɛ́ nɛ́ túmbʉʉ yɛ́ jínɛ pɑ́Ꞌ yîyɑ́ tʉ́sɔŋ ɡʉ ŋ́ɡɛ ḿbɔ́, jʉ́ nɛ́ túmbʉʉ yɛ́ pɛnnɛ ŋ́kút.

Ɛ́bɛlʉʉ 11:10 Marejeleo ya Msalaba

Jɑ̂ŋ 14:2

MɛzʉꞋ nɛnɑ́ŋ ndɑ́-Tɑ̌ɑ mɔ tɛ ńzɑ́ɑ. Mɔ ŋ́ɡʉ ńniitɛ zʉꞋ yʉ́ʉ. Ɛ́ lɑ́Ꞌ mbɔɔ pɔ́Ꞌɔ pɔ́, mbɔ ŋ kɑ́ sẅíi wʉ́ʉ ŋɡɔ mɔ ŋ́ɡʉ ńniitɛ zʉꞋ yʉ́ʉ pɔ́.

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

Filipɛ 3:20

Ɛ́ ɡʉ nǔu pɛkŋɛ, mbɔ wɛkŋɛ ŋɡɔŋ pɔ tʉ́nɛ́pú. Pɛkŋɛ sɛ́ ńzẅíꞋlɛ ŋɡɔ Tsɑpʉɔ Yɛ́su Kɛlístɔ fú zúꞋu ńtɔ́, ŋ́ɡɛ pɛkŋɛ luk.

Ɛ́bɛlʉʉ 11:16

Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.

Ɛ́bɛlʉʉ 12:22

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɑ kẅɛ́Ꞌlɛ ńtɔ́ nɛŋkɔ́Ꞌ-Siyɔŋ, ɛ́ lɔk ḿbɔ́ tʉ́sɔŋ-Sɛ́ ẅi ɑ lɔ ḿbɔ́ pɔ ɡú, Yɛlúsɑlɛm ẅi ɛ́ tʉ́nɛ́pú, zʉꞋ yi pɛcʉ̈ɔ́Ꞌ-Sɛ́ kɑ́ sɑ́ŋ tɛ ńjí ndɛn mɛcúꞋlɛ mí ɛ́ zúꞋu tsɛt tsɑ́ɑtɛ pɔ́.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 3:4

Mbɑ yɛ́tɛ́ ndɑ́ lɑ́ zɛɛ ŋ́ɡẅɛɛ ŋu ẅí ɑ kɑ kútnɛ, lɑ́ ŋu ẅí ɑ kɑ ɡɛnɛ yúu tsʉʉ ɑ Sɛ́.

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.