Ɛ́bɛlʉʉ 10:12 - Kɑɑ Fí

¹² Lɑ́ ɛ́ kɛ́ ŋ́ɡʉ nǔu Kɛlístɔ, mbɔ ɑ kɑ nɔŋ pɔꞋ mbíꞋ mɛnu kɛpɔŋ pʉɔmɛsɔŋ, ɛ́ kuꞋ pɔ tɑ́Ꞌ ŋkɑ́ ɛ́ kuꞋ pɔ ndɑꞋ ndɑꞋ. A ɡʉ ŋ́kɔkŋɛ ńnɑ́ŋ nǔu ɡúŋ pɔ́-Sɛ́ yɛ́ tʉʉ.

Ɛ́bɛlʉʉ 10:12 Marejeleo ya Msalaba

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Kɔlɔsíyɛ̂ŋ 3:1

Pɑ́Ꞌ pʉʉ pɛ́ Kɛlístɔ kɑ tɛmtɛ ńzẅíimɛ nǔu nɛvú lɑ́, pʉʉ tík lík yʉ́ʉ pɔ nǔu yúu mi ɛ́ tʉ́nɛ́pú, zʉꞋ yi Kɛlístɔ zúꞋu, ńnɑ́ŋ nǔu ɡúŋ pɔ́ Sɛ́ yi tʉʉ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.

Ɛ́bɛlʉʉ 5:1

Pɛ́ zɛɛ ŋ́ɡʉ pɔ tsɛtsɛt pʉɔmɛsɔŋ ńtsɔ́Ꞌ NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ɛ́fɑꞋ mbɔ̌ Sɛ́, nǔu tú-pʉɔmɛsɔŋ. Yɛ́ fɑꞋ pɔ́ nɛlɔk yúu ńtɔ́ mbi Sɛ́ ńnyɛt wɛ́, mbɑ nɛnɔŋ pɔꞋ ńdɔk ḿbúꞋ mbɔ́ mbɔ̌ wɛ́ ŋɡɔ ɑ likŋɛ mɛnu kɛpɔŋ-pʉɔmɛsɔŋ.

Ɛ́bɛlʉʉ 5:3

Ɛ́ lɔk pɑ́Ꞌ jʉ́ nɛ́ túmbʉʉ yɛ́ pɛn ŋ́kɑ́ɑ yɛ́ kɑ́ɑnɛ lɑ́, ŋ́ɡẅɛɛ nɛnɔŋ pɔꞋ mbɑ nǔu yɛ́ tú ńdɔk ḿbúꞋ mbɔ́ mbɔ̌ Sɛ́ ŋɡɔ ɑ likŋɛ mɛnu kɛpɔŋ mɛ́ ɡúu, tɛ ɑ pɔɔ nɔŋ pɔꞋ pɔ ndɑꞋ nǔu tú-pʉɔmɛsɔŋ pɔ́,

Ɛ́bɛlʉʉ 7:27

A kɑ́ pɔ́ pɑ́Ꞌ pɛcɔ́ pɑnɔŋpɔꞋ pɛɡwɛ́ pi pɔ́p kɑ ɡẅɛɛnɛ nɛnɔŋ pɔꞋ lɛ́Ꞌ tsʉʉ pɔ́. Pɔ́p kɑ pɔ́ ḿbiitɛ ńnɔŋ pɔꞋ nǔu mɔ́p mɛnu kɛpɔŋ, lɑ ḿbɛn ńnɔŋ pɔꞋ nǔu mɛnu kɛpɔŋ pɛcɔ́ pʉɔ. A kɑ nɔŋ wɛ́ pɔꞋ pɔ tɑ́Ꞌ ŋkɑ́, ɛ́ pɔ́ pɑ́Ꞌ ɑ kɑ ɡɑ́nɛ túmbʉʉ yɛ́ nǔu tʉ́ mbɑ́ŋtɛ pɑ́ŋtɛ́nɛ, ɛ́ kuꞋ pɔ́Ꞌɔ.

Ɛ́bɛlʉʉ 8:1

KwɑꞋ nu yi pɛk sɛ́ ńdɔɔ nɛsẅíi wʉ́ʉ ɛ́ pʉ́ɔ ḿbɔ́ ŋɡɔ pɛkŋɛ tsuŋ ŋ́ɡẅɛɛ yɔ ntɛ́ NɔŋpɔꞋ wɛ ɡwɛ́. A kɑ kɛ́mɔ́ ńnɑ́ŋ nǔu kɔꞋ-nɛfɔɔ, nǔu ɡúŋ pɔ́-Sɛ́ yi tʉʉ, ɑ jʉ́ ẅi ɑ tsuŋnɛ ŋ́ɡúꞋ ńdɛɛ mbɑ wɔ̌ lɑ́.

Ɛ́bɛlʉʉ 9:12

Kɛlístɔ kɑ kúu kwɑꞋ tsɛt zʉꞋ yi Sɛ́ zúꞋu. A kɑ kúu pɔ tɑ́Ꞌ ŋkɑ́ ɛ́ kuꞋ. A kɑ ɡɔ́ ŋ́kúu, mbɔɔ ɡẅɛɛ mɛci pʉ̈ɔp, kɛ mɛ́ pɔ́ɔ-fɔŋ nɛnyɛt mbɔ̌ Sɛ́ pɔ́. A kɑ lɔk pɔ kwɑꞋ mɛci mɛ́ ŋ́kúu. Yɔ pɑ́Ꞌ ɑ kɑ cẅɛɛtɛ́nɛ wɛkŋɛ ndɑ́tsɑ́ŋ pɔ́Ꞌɔ, tɑꞋ ŋkɑ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.