Ɛ́bɛlʉʉ 1:6 - Kɑɑ Fí

⁶ Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

Ɛ́bɛlʉʉ 1:6 Marejeleo ya Msalaba

Mɑtʉ̈ɔ 24:14

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 8:29

MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Ɛ́bɛlʉʉ 1:5

Sɛ́ ŋkɑɑ mɔ́ zɛɛ ńcú mbɔ̌ wɛcɔ́ cʉ̈ɔ́Ꞌ wɛ ŋɡɔ: «Ɔ mɔ́ɔ wɑ́ɑ tɛ fú lɔ́Ꞌnɛ m bɔ́ Tɑ́t wu pɔ́.» A ŋ́kɑɑmɔ́ zɛɛ ńcú mbɑ nǔu wɛcɔ́ ŋɡɔ: «Mɔ, ŋ ɡʉ ŋ́ɡɛ ḿbɔ́ mbɔ̌ wɛ́ ḿbɔ́ tɑ́t wɛ ɑ pɔ́ mbɔ̌ mɔ ḿbɔ́ mɔ́ɔ wɑ́ɑ pɔ́.»

Ɛ́bɛlʉʉ 10:5

Ɛ́ yúu mi ɛ́ kɑ ɡɛnɛ Kɛlístɔ ɡɔ́ ńtɔ́ ndǔmbí, ńcú mbɔ̌ Sɛ́ ŋɡɔ: Ɔ ŋ́kɑɑ kɛ́ ŋ́kɔŋ yúu-pɔꞋ pɔ́, ŋ́kɛ́ mbɔɔ mɛnɑɑ mi pɛ́ jẅínɛ ńdɔk ŋ́ɡúꞋlɛ wú kɔŋ. Lɑ́ ŋ́kɛ́ ŋ́ɡɑ́ mbʉʉ mbɔ̌ mɔ.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

1 Jɑ̂ŋ 4:9

Nu yi Sɛ́ kɑ lɔknɛ ńnyɛt wɛkŋɛ ŋɡɔ ɑ kɔŋ wɛkŋɛ pʉɔlɑɑ: A kɑ túu ndɑꞋ Mɔ́ɔ nɛ wɛ́mɔ́Ꞌ ndǔmbí ŋɡɔ pɛkŋɛ lɛɛ nzʉʉ wɛ́ ḿbɔ́ ɡú.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.