Ɛ́bɛlʉʉ 1:2 - Kɑɑ Fí

² Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Ɛ́bɛlʉʉ 1:2 Marejeleo ya Msalaba

Mɑtʉ̈ɔ 13:39

Ŋɡɑŋmbuu ẅí ɑ pinɛ mbiyúu kɛpɔŋ, pɔ́ Sɑ́ttɑ ɛ̂wɑ́. Nɛlɔk yúu pɔ́ ndẅiknzʉʉ lɛ́Ꞌmbí, ɡɑŋfɑꞋ pɔ́ pɛcʉ̈ɔ́Ꞌ-Sɛ́.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑ́lɛ́kúshi 1:1

Nzɛnɛ Ŋkʉʉ Sʉ́Ꞌnɛ nǔu Yɛ́su Kɛlístɔ mɔ́ɔ-Sɛ́, pʉ̈ɔ́lɑ́.

Mɑ́lɛ́kúshi 12:6

Ŋu ẅí ɑ kɑ pɛ́tnɛ mbɔ̌ wɛ́, kɑ tsʉꞋ ḿbɔ́ pɔ ndɑꞋ mɔ́ɔ nɛ ẅí ɑ kɑ pɔ́ ŋ́kɔŋ wɛ́ tɛꞋ. A ɡɔ́ ńdẅiklɛ, ńtúu ẅîwɑ́ mɔ́ɔ mbɔ̌ pɔ́p, ḿbɔ́ ŋ́kwɑŋɛ ŋɡɔ, ɛ́ ɡʉ ŋ́ɡɛ pɑꞋɑ lɑ́, pɔ́p ɡɛ mɛkuꞋ mɔ́ɔ wɑɑ.

Mɑ́lɛ́kúshi 12:7

Lɑ́ ɑ ŋ́kúu zúꞋu, pʉɔ pɑ́ cú tsɛtsɛt pɔ́p ŋɡɔ: Njʉ́ndɑ́ wɛ pʉ́ɔlɑ́ ẅi ɑ tɔ́nɛ lɑ́, pɛkŋɛ jẅí wɛ́, ńjʉ́ ŋkɑ́Ꞌ,

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:3

Kʉ̈ɔ́ lɑ́ ɡɔ́ ḿbɔ́ ɡú, ńdɛɛ pɔ nǔu wɛ́. Yɛcɔ́ yúu pɔɔ pɔ́ ɡú kɛ́ pɔ́ yi ɛ́ lɛɛ pɔ nǔu wɛ́ pɔ́.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 13:32

(Pɑ́Ꞌ Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́ lɑ́), Sɛ́ nɛ túmbʉʉ yɛ́ ɡʉ ŋ́ɡɛ ŋ́ɡɑ́ nɛɡúꞋ mbɔ̌ wɛ́, lɑ́ ɛ́ tsʉꞋ pɔ mɔ́zʉꞋ ɑ ɡɑ́.»

Jɑ̂ŋ 15:15

«M bɔɔ pɛn ɛ́fúŋ wʉ́ʉ ŋɡɔ mbɔ́ŋkʉ̈ɔ́ pɔ́, mbíꞋŋɡɔ mɔ́ɔ-fɑꞋ kɑ́ jí yúu mi tɑ́fɑꞋ wɛ sɛ́ ŋ́ɡɛ pɔ́. Ɛ fúŋ wʉ́ʉ ŋɡɔ pɛsúu pɑ́ɑ, mbíꞋŋɡɔ ŋɡɔŋ nu tsʉʉ yí ŋ kɑ zúꞋnɛ mbɔ̌ Tɑ̌ɑ mɔ, ŋ ɡɛ pʉʉ jí.»

Jɑ̂ŋ 16:15

Mbɑ kʉ̈ɔ́ lɑ́ yi ɛ́ mbɔ̌ Tɑ̌ɑ mɔ ɛ́ yɑ́ɑ. Ɛ́ yúu mi ɛ́ ɡɛnɛ, lɑ n cú ŋɡɔ: «Zẅikŋɛ-nɛnẅín ɡʉ ŋ́ɡɛ ńzúꞋ sẅiŋɛ yɑ́ɑ, ńtɔ́ ɛ́sẅíi wʉ́ʉ.»

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 3:25

Yɛcɔ́ lɛ́Ꞌ, ŋu-pɑyúdɑ pɔ́p wɛcɔ́ ɡɑŋku-Jɑ̂ŋ nɑ́ŋ tɛ ńzɛ nɛzɔŋ nu nǔu nu nɛpʉʉtɛ mbʉʉ lɑ ŋ́ɡúꞋlɛ Sɛ́.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 5:27

A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.

Jɑ̂ŋ 9:29

Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 2:17

A kɑ cú ŋɡɔ Sɛ́ cú ŋɡɔ: «Ndẅiknzʉʉ lɛ́Ꞌ ɡʉ ńdɑ́Ꞌ ḿbɔ́ ŋ́kuꞋ, n níꞋ Zẅikŋɛ yɑ́ɑ nǔu ŋumɛsɔŋ tsʉʉ; mbɔ́ŋkʉ̈ɔ́ pʉ́ʉ pɛ́ mbɛ́ɛnɛ mbɑ pɛ́ pɑŋɡɛ́ ɡʉ ńdɑ́Ꞌ ńtsʉ́Ꞌ pɑcẅiŋkʉʉ pɑ́ɑ. Mɔ ŋ́ɡɛ ŋ́ŋíɛꞋ mík-ŋɡwɑsuu yʉ́ʉ pɔ́p jʉ́ɔ mɛyúu mɑ́ɑ tsɛt njʉɔ, pɛlwɛn pʉɔ pinɛ pɔ́p tsɛtsɛt pʉʉ jʉ́ɔ mɛnu mɑ́ɑ tsɛt njʉɔ.»

Pʉɔ-Lɔ́mɑ 1:4

Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

Ɛ́fɛ̂zɛ 3:9

Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Ɛ́bɛlʉʉ 1:5

Sɛ́ ŋkɑɑ mɔ́ zɛɛ ńcú mbɔ̌ wɛcɔ́ cʉ̈ɔ́Ꞌ wɛ ŋɡɔ: «Ɔ mɔ́ɔ wɑ́ɑ tɛ fú lɔ́Ꞌnɛ m bɔ́ Tɑ́t wu pɔ́.» A ŋ́kɑɑmɔ́ zɛɛ ńcú mbɑ nǔu wɛcɔ́ ŋɡɔ: «Mɔ, ŋ ɡʉ ŋ́ɡɛ ḿbɔ́ mbɔ̌ wɛ́ ḿbɔ́ tɑ́t wɛ ɑ pɔ́ mbɔ̌ mɔ ḿbɔ́ mɔ́ɔ wɑ́ɑ pɔ́.»

Ɛ́bɛlʉʉ 1:8

Lɑ́ ŋ́kɛ́ ŋ́ɡʉ nǔu mɔ́ɔ nɛ, ɑ cú ŋɡɔ: «Gu Sɛ́, kɔꞋ-nɛfɔɔ nú ńdɑ́Ꞌ ḿbɔ́ pɔ ɡú.» Ḿbɛn ŋɡɔ: «Ntɛ́ yi ɔ sɛ́ ńdɔk ɛ́sɑ́Ꞌ lɑ́Ꞌ yú, ɛ́ ndʉ́ŋndʉŋ.

Ɛ́bɛlʉʉ 11:3

Pɛkŋɛ fú pɔ nǔu pɑ́Ꞌ pɛkŋɛ zɑ́pnɛ tʉ́m nǔu Sɛ́ lɑ ńzúꞋ ŋɡɔ Sɛ́ kɑ lɔk sẅiŋɛ yɛ́ ńniitɛ ndǔmbí, ɛ́fú nǔu ńjí ŋɡɔ yúu mi pɛkŋɛ jʉ́ɔnɛ nɛ́ mík, fú nǔu yúu mi pɛ́ kɑ́ pɔ́ jʉ́ɔ nɛ́ mík pɔ́.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 5:8

A kɑ pɔ́ pɔ mɔ́ɔ-Sɛ́ lɑ́, ńjʉ́ɔ ŋɡʉ̈ɔ́Ꞌ jʉ́ɔnɛ, tɛ ɛ́fú pɔ nǔu ńzíꞋ nɛzúꞋ ntsu-Sɛ́,

Ɛ́bɛlʉʉ 7:28

Nɛpʉ́ʉ-Mɔ̌sɛ̂ɛ zɛɛ ŋ́ɡɛ pɛ́ lɔk ŋumɛsɔŋ ẅi mbɑp-mbʉʉ yɛ pɔ́t pɑꞋ yɛ pɛcɔ́ pʉɔ ŋ́ɡɛ NɔŋpɔꞋ wɛ ɡwɛ́. Lɑ́ nu yi Sɛ́ kɑ zɑ́pnɛ nɛpʉ́ʉ-Mɔ̌sɛ̂ɛ ḿbɛn ńtɑ́ɑ ńcú tɛ ŋ́kɑɑ, ɛ́ kɑ ɡɛ ɑ lɔk Mɔ́ɔ nɛ ẅi ɑ kɑ lɑ́Ꞌ mɔ́ ŋ́kuꞋ nǔu mbɑ kʉ̈ɔ́lɑ́ yi jʉ́ Sɛ́ kɑ pɔ́ ńzẅíꞋlɛ wɛ́ nǔu, ńdɔk ŋ́ɡɛ NɔŋpɔꞋ wɛ ɡwɛ́ nǔu mɛŋɡuꞋ mɛŋɡuꞋ.

Ɛ́bɛlʉʉ 7:3

Pɛ́ kɑ́ jí tɑ́t pɛ Mɛlkisɛdɛk pɔ́. Pɛ́ kɑ́ jí mɑ́ wɛ pɔ́, ŋ́kɛ́ mbɔɔ jí tsɛ́nndɑ́ yi ɑ fúnɛ nǔu pɔ́, pɛ́ kɑ́ tɔ́ nǔu yɛcɔ́ zʉꞋ tsɛt ŋwɑꞋnɛ-Sɛ́ ńzúꞋ pɛ́ cú nu nǔu nɛpí wɛ́ pɔ́, ŋ́kɛ́ mbɔɔ zúꞋ pɛ́ cú nu nǔu nɛvú wɛ pɔ́. Ɛ́ pɔ́ pɔ́Ꞌɔ, ɑ lɔk ḿbɔ́ pɑ́Ꞌ mɔ́ɔ-Sɛ́, mbíꞋŋɡɔ ɑ nɔŋpɔꞋ ẅí ɑ pɔ́ pɔ ɡú.

Ɛ́bɛlʉʉ 9:26

MbíꞋŋɡɔ ɛ́ kɑ pɔ́ pɛ́Ꞌnɛ ḿbɔ́ pɔ́Ꞌɔ, mbɔ tɛ fú pɑ́Ꞌ Sɛ́ kɑ niitɛ́nɛ ndǔmbí, Kɛlístɔ kɑ ɡẅɛɛ nɛnɑ́ŋ ńjʉ́ɔ ŋɡʉ̈ɔ́Ꞌ, ḿpfú ḿbɛn ḿpfú. Lɑ́ pɛkŋɛ jí ŋɡɔ ŋkɑ́ kɑ pɔ́ tɛ ŋ́kuꞋ, ɑ cẅɛt pɔ tɑ́Ꞌ ŋkɑ́, ɛ́ kuꞋ pɔ́Ꞌɔ, ɑ lɔk túmbʉʉ yɛ́ ńnɔŋ pɔꞋ nɛlɔk ḿbík nu kɛpɔŋ.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.