ŊwɑꞋnɛ-Gɑŋntúu Yɛ́su Kɛlístɔ 9:4 - Kɑɑ Fí

⁴ A tsɔ́Ꞌnɛ ḿvu sɛ́, ńzúꞋ ŋɡi-ŋu cú mbɔ̌ wɛ́ ŋɡɔ: «Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 9:4 Marejeleo ya Msalaba

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Lúkɑ́shi 10:41

Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.

Jɑ̂ŋ 18:6

Yɛ́su pɔ́ tɛ ńcú mbɔ̌ pɔ́p ŋɡɔ: A mɔ, pɔ́p pɛn nzʉʉ nɛ nzʉʉ, ḿvutɛ sɛ́.

Jɑ̂ŋ 20:16

Yɛ́su fúŋ wɛ́ ŋɡɔ Mɑlíyɑ, ɑ shɔtnɛ ɛ́fúŋ wɛ́ nǔu sẅiŋɛ pʉɔ-Ɛbɛlʉ́ ńcú ŋɡɔ Lɑbuni, ńdɔk ńcú ŋɡɔ cícɑ.

Jɑ̂ŋ 21:15

Pɔ́p kwɛ́t yúu tɛ ɛ́ kuꞋ, Yɛ́su cú mbɔ̌ Símɔ̂ŋ Pyɛ̂ ŋɡɔ: «Símɔ̂ŋ, mɔ́ɔ-Jɑ̂ŋ, tɛ ɔ kɔŋ wɑ́ɑ tɛ ńtsɑ pʉɔ pɔ?» A pʉ̈ɔt ŋɡɔ ɔ́ɔŋ, mbɑ̌ɑ Tsɑpʉɔ, ɔ jí ŋɡɔ ŋ ŋkɔŋ wú. Yɛ́su cú mbɔ̌ wɛ́ ŋɡɔ: «Tsiinɛ pɔ́ɔ-njinjɔ pɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 5:10

A ɡɔ́ɔ ḿvu sɛ́ mbi Pyɛ̂, ḿpfú. Pɔ́ɔsuu kúu ndɑ́, ńjʉ́ɔ pɑ́Ꞌ ɑ pfúnɛ, ńtíi pfú yɛ́ ńdɔk ŋ́ɡʉ ńtẅíi nɛjɔ́ŋ yɛ́ ndúu mɛ.

ŊwɑꞋnɛ-Gɑŋntúu Yɛ́su Kɛlístɔ 9:5

Sɔ̂l píkŋɛ ŋɡɔ: «A ɡu wɔ̌ Ndɛ?» Ŋɡɑŋ pʉ̈ɔt ŋɡɔ: «Mɔ Yɛ́su. Ɔ tsɔ́Ꞌ pɑꞋnɛ pɔ ku yɑ́ɑ kɛpɔŋ.

Pʉɔ-Lɔ́mɑ 11:22

Jí ŋɡɔ Sɛ́ lɑɑ ḿbɔ́ yi ɑ ɡẅɛɛ pɔŋtʉ́m, mbɔ ɑ pɛn cʉ́ɔk. A kɑ cʉ́ɔk pʉɔ pi pɔ́p kɑ vunɛ sɛ́. M bɛn ḿbɔ́ ŋ́ɡẅɛɛ pɔŋtʉ́m nǔu ɡu. Lɑ́ ɛ́ sɛ́ ḿbíkŋɛ ŋɡɔ ɔ kɛ́ ḿbɔ́ ŋ́kẅiꞋ ŋ́ɡɛ pɔ yúu mi ɛ́ pɔŋnɛ wɛ́, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ńzɑ́Ꞌ wú mɛꞋ pɑ́Ꞌ pɔ́tʉ́ lɑ́.

1 Kɔlɛ̂ŋtɛ 12:12

Ndʉ́ŋndʉŋ pɑ́Ꞌ mbɑp-mbʉʉ pɔ́ pɔ tɑ́Ꞌ lɑ́, tɛ mbɑ pɑ́Ꞌ ɛ́ ɡẅɛɛnɛ mɛzʉꞋ-mbʉʉ tɛ ɛ́ zɑ́ɑ zɑ́ɑnɛ lɑ́, mɛzʉꞋ-mbʉʉ zɛɛ ńzɑ́ɑ tɛꞋ lɑ́, ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ wɛ́mɔ́Ꞌ, ɛ́ pɛn ḿbɔ́ pɔ pɔ́Ꞌɔ nǔu Kɛlístɔ.

1 Kɔlɛ̂ŋtɛ 4:7

Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.