ŊwɑꞋnɛ-Gɑŋntúu Yɛ́su Kɛlístɔ 9:15 - Kɑɑ Fí

¹⁵ Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 9:15 Marejeleo ya Msalaba

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 21:19

Pɔ̂l cɛꞋlɛ wɔ́p tɛ ɛ́ kuꞋ, ɑ kẅiꞋ ńdɛꞋlɛ mɛnu wɛmɔ́Ꞌ wɛ́mɔ́Ꞌ mi Sɛ́ kɑ lɔknɛ wɛ́ ŋ́ɡɛ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 22:14

A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

ŊwɑꞋnɛ-Gɑŋntúu Yɛ́su Kɛlístɔ 22:21

Lɑ́ Tsɑpʉɔ ńcú mbɔ̌ mɔ ŋɡɔ: Lu, n túu wú pɑ́Ꞌɑ ŋɡɑ sɛsɑ, tsɛtsɛt pʉɔ ntɛ́ nɛ́ ntɛ́ pi pɔ́p kɑ́ pɔ́ pɑyúdɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 25:22

Fɔɔ Aŋɡɛlípɑ zúꞋ tɛ ńcú mbɔ̌ Fɛstus ŋɡɔ: «KwɑꞋ mɔ yɑ́ɑ, mɔ sɛ́ ŋ́kɔŋ nɛzúꞋ nu yi ɛ́ ɡʉ ńcẅɛt ntsu-ŋu ɛ̂wɑ́.» Fɛstus tsɔ́Ꞌ mbɔ̌ wɛ́ ŋɡɔ: «Ɔ ɡʉ ŋ́ɡɛ ńzúꞋ nu ntsu wɛ́ zɔ́n.»

ŊwɑꞋnɛ-Gɑŋntúu Yɛ́su Kɛlístɔ 26:1

Fɔɔ Aŋɡɛlípɑ cú mbɔ̌ Pɔ̂l ŋɡɔ: «Mɔ ŋ́ɡɑ́ sẅiŋɛ mbɔ̌ ɡu pɑ́Ꞌ ɔ ɡʉ ḿbɛ́ɛtɛ ntsu wú nǔu mɛnu mi pɛ́ fɛnnɛ wú nǔu n zúꞋ.» Pɔ̂l mɑꞋ mbɔ́, ńzɛ nɛpɛ́ɛtɛ ntsu wɛ́, ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 26:32

Pɔ́Ꞌɔ lɑ́, fɔɔ Aŋɡɛlípɑ cú mbɔ̌ Fɛstus ŋɡɔ: «Ŋu wɑ́ ḿbɔ́ pɛ́Ꞌɛ mbɔɔ cú ŋɡɔ Kɑ́sɑ ɡʉnɛ ŋ́ŋɑk wɛ́ pɔ́, mbɔ pɛ́ tsʉ́Ꞌ ńnɑ́ wɛ́ nɑ́nɛ ɑ ɡʉ.»

ŊwɑꞋnɛ-Gɑŋntúu Yɛ́su Kɛlístɔ 27:24

A tɔ́ ńcú mbɔ̌ mɔ ŋɡɔ: Pɔ̂l, pɑ́ɑ nɛpɔ́k. Ɛ́ sɛ́ ḿbíkŋɛ ŋɡɔ pɛ́ ŋɑk ntsɑŋ yú mbi Kɑ́sɑ. Sɛ́ ɡʉ ńdɔk pɑ́Ꞌ ɑ ɡɛnɛ nu sʉ́Ꞌnɛ nǔu ɡu, ńnɑ́ pʉɔ pinɛ pʉʉ pɛpɔ́p nɛnnɛ lɑ́ ńduk tɛ wɛcɔ́ tɑ́Ꞌ ŋu nǔu pɔ́p pɔɔ pfú.

ŊwɑꞋnɛ-Gɑŋntúu Yɛ́su Kɛlístɔ 28:17

Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 11:13

Nu yi ŋ ɡʉ ńcú ŋkɔ̂ɔnɛ lɑɑ, n cú mbɔ̌ pʉʉ pi pʉʉ kɑ́ pɔ́ pɑyúdɑ pɔ́. Sɛ́ kɑ túu wɑ́ɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. TúfɑꞋ yi Sɛ́ kɑ ɡɑ́nɛ mbɔ̌ mɔ, n níꞋ mɛkuꞋ nǔu.

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

1 Kɔlɛ̂ŋtɛ 9:16

Ɛ́ mbɔ̌ mɔ, nɛcẅi Ŋkʉʉ Sʉ́Ꞌnɛ, pɔɔ pɔ́ pɔ yɛcɔ́ yúu nɛlɔk ŋ́ŋɑ́Ꞌtɛ pɔ́. Ɛ́ pɔ́ pɔ yúu mi ŋ kɛ́ ŋ́ɡẅɛɛ pɔ nɛɡɛ. N dɑɑ ńdʉꞋ nɛcẅi Ŋkʉʉ Sʉ́Ꞌnɛ, mbɔ n tíi ndɔɔ.

Ŋɡɑlɑ̂t 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ pʉɔmɛsɔŋ ŋ́kɑɑnɛ wɑ́ɑ tsɔ́Ꞌ, wɛcɔ́ ŋumɛsɔŋ kɛ́ mbɔɔ wɑ́ɑ túu. Yɛ́su Kɛlístɔ pɔ́p Sɛ́ tɑ́t kɑ túunɛ wɑ́ɑ. Jʉ́ tɑ́t kɑ ɡɛnɛ lɑ Yɛ́su zẅíimɛ nǔu nɛvú.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

1 Timɔtɛ́ɛ 2:7

Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.

2 Timɔtɛ́ɛ 1:11

Sɛ́ kɑ tsɔ́Ꞌ wɑ́ɑ ŋɡɔ m bɔ́ ŋɡɑŋntúu ńcẅi wɔ Ŋkʉʉ sʉ́Ꞌnɛ, ḿbɛn ḿbɔ́ ńdɛꞋlɛ nu mbɔ̌ pʉɔ.

2 Timɔtɛ́ɛ 2:4

Ŋu lɛɛ tɛ ḿbɛ́m fɑꞋ-ndʉ̈ɔ́Ꞌntsɔ, mbɔɔ kíi ńzɑ́p tʉ́m yɛ́ nǔu yúu ndɛꞋ pɔ́, pɑ́Ꞌ ɑ lɑɑ ḿbɔ́ ńdɔɔ ŋɡɔ nu pɔŋ ŋu ẅí ɑ kɑ lɔknɛ wɛ́ fɑꞋ.

Mɛnu ɛ́ ńdɑ́Ꞌ ńcẅɛt 17:14

Pɔ́p ɡʉ ḿmɑꞋ Mɔ́ɔ-Njinjɔ nɛ́ ntsɔ, lɑ́ ɑ kɛ́ ńdɛɛ wɔ́p, mbíꞋŋɡɔ ɑ Tsɑpʉɔ pɛtsɑpʉɔ, ḿbɔ́ Fɔɔ pɛfɔɔ. Pʉɔ pí ɑ kɑ fúŋnɛ wɔ́p, ńtsɔ́Ꞌ wɔ́p, pɔ́p jí pɔ́ ndɑꞋ wɛ́, pɔ́p pɛpɔ́p lɛɛ nɑɑ ɛ̂wɑ́.