ŊwɑꞋnɛ-Gɑŋntúu Yɛ́su Kɛlístɔ 8:7 - Kɑɑ Fí

⁷ Pʉɔ tɛ ńzɑ́ɑ pi mɛzẅikŋɛ kɛpɔŋ kɑ pɔ́ ḿbúunɛ wɔ́p kɑ pɔ́ ɛ́fíitɛ. Mɛzẅikŋɛ kɛpɔŋ ɡɔ́ ḿbɔ́ ɛ́fú nǔu pɔ́p ńcẅɛt ŋ́ɡíɛt nɛ́ tʉʉ. GɑŋkẅíꞋlɛ pɔ́p ɡɑŋpʉ̈ɔ́Ꞌtɛ mɛku tɛ ńzɑ́ɑ kɑ pɔ́ ɛ́fíitɛ yɔ́p.

ŊwɑꞋnɛ-Gɑŋntúu Yɛ́su Kɛlístɔ 8:7 Marejeleo ya Msalaba

Mɑtʉ̈ɔ 10:1

Yɛ́su ɡɛ ɛ́fúŋ ɡɑŋku pɛ́ ntsɔ̌ppɑ́ nɛ́ nɛɡɛ́m, ŋ́ɡɑ́ mɛtʉʉ mbɔ̌ pɔ́p nɛlɔk ńzuŋ mɛzẅikŋɛ kɛpɔŋ, mbɑ nɛlɔk ŋ́ɡɛ mɛɡɔɔ ntɛ́ nɛ́ ntɛ́ mɛ nǔu pʉɔ, mbɑ nɛɡɛ mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ.

Mɑtʉ̈ɔ 11:5

ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»

Mɑtʉ̈ɔ 4:24

Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.

Mɑ́lɛ́kúshi 9:26

Zẅikŋɛ kɛpɔŋ ɛ̂wɑ́ tíi mɔ́ɔ ḿmɑꞋ sɛ́ ńtsʉꞋnɛ wɛ́, ŋ́ɡɛ ɑ kíi nɛ́ ŋɡi tɛnnɛ́, ɛ́fú nǔu wɛ́ ńcẅɛt. A tsʉꞋ ńnɔɔ sɛ́ ŋ́ɡɛ pɔ pɑꞋ pfú-ŋu lɑ́, tɛ pɛ́ pɔ́ ńcú pɔ ŋɡɔ ɑ pfú.

Lúkɑ́shi 10:17

Pʉɔ ntsɔ̌ppɑ́ mɛɡɛ́m sɑɑmbɑ́ pinɛ Yɛ́su kɑ túunɛ lɑ́, ɡʉ, ŋ́ɡɔ ḿbɛn nzʉʉ ńnɛn ńtsɑ́ɑtɛ tɛꞋ, ńcú mbɔ̌ Yɛ́su ŋɡɔ: «Tsɑpʉɔ, fɑꞋ ńnɛn tɛꞋ tɛ pɛk lɔk lík yú, ńcú nu mbɔ̌ mɛzẅikŋɛ kɛpɔŋ, pɔ́p zúꞋ ntsu wɛk.»

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.

ŊwɑꞋnɛ-Gɑŋntúu Yɛ́su Kɛlístɔ 5:16

Pʉɔ tɛ ńzɑ́ɑ kɑ pɔ́ ḿbɛn ɛ́fú tsɛt mɛlɑ́Ꞌ mi ɛ́ mbʉʉ Yɛlúsɑlɛm ńdɔk pɛŋɡɔɔ mbɑ pʉɔ pí mɛzẅikŋɛ kɛpɔŋ kɑ pɔ́ ḿbúunɛ wɔ́p, ńtɔ́ ńjʉ́ɔ ɡɑŋntúu. Pɔ́p ɡɛ pɔ́p pɛtsʉʉ fíitɛ.

ŊwɑꞋnɛ-Gɑŋntúu Yɛ́su Kɛlístɔ 8:6

Lɑ́Ꞌ kɑ pɔ́ ńtsuŋ ńzẅíꞋlɛ sẅiŋɛ yi ɛ́ kɑ pɔ́ ńcẅɛt ntsu-Fílîp. MbíꞋŋɡɔ pɔ́p kɑ pɔ́ ńzúꞋ pɛ́ kẅíi mɛnu mɑ̌ɑmɑɑnɛ mi ɑ m̄bɔ́ ŋ́ɡɛ, ḿbɛn ḿbɔ́ ńjʉ́ɔ mɛcɔ́ nɛ́ mík.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.