ŊwɑꞋnɛ-Gɑŋntúu Yɛ́su Kɛlístɔ 7:51 - Kɑɑ Fí

⁵¹ Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 7:51 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

ŊwɑꞋnɛ-Gɑŋntúu Yɛ́su Kɛlístɔ 7:27

Lɑ́ ŋu ẅí ɑ lɑ́Ꞌnɛ ńzɛ mɛlɑ́Ꞌ pɑꞋnɛ Mɔ̌sɛ̂ɛ ńcú mbɔ̌ wɛ́ ŋɡɔ: «KwɑꞋ wɔ̌ kɑ lɔknɛ wú ŋ́ɡɛ fɔɔ pɑ́Ꞌ ɔ ɡʉ ŋ́ŋɑk mɛntsɑŋ mɛ́k?

ŊwɑꞋnɛ-Gɑŋntúu Yɛ́su Kɛlístɔ 7:35

Sɛ́ cú pɔ́Ꞌɔ, ŋ́ɡɔ́ɔ ŋ́kɛ́ ńtúu pɔ Mɔ̌sɛ̂ɛ wɑ́ pɑ́Ꞌ ɑ ɡʉ ŋ́ɡʉ ńcẅɛɛtɛ pɑíslɑyɛ̂l tsɛt ŋɡʉ̈ɔ́Ꞌ yi pɔ́p kɑ pɔ́ ńjʉ́ɔ. Cʉ̈ɔꞋ-Sɛ́ ẅi Mɔ̌sɛ̂ɛ kɑ jʉ́ɔnɛ wɛ́ tsɛt pɔ́ɔ-mɛtʉ́ lɑ́ pɔ́ ńtɔ́ɔtɛ wɛ́. A pɔ́ ɛ́sɑ́Ꞌ Pɑíslɑyɛ̂l. Lɑ́ mbɔ pɔ́p kɑ lʉꞋ Mɔ̌sɛ̂ɛ, tɛ ḿbíkŋɛ wɛ́ ŋɡɔ wɔ̌ kɑ zɑ́pnɛ wɛ́ ŋɡɔ ɑ ńtsʉ́Ꞌ fɔɔ wɔp, ŋ́ŋɑk mɛntsɑŋ mɔ́p ɔɔ?

ŊwɑꞋnɛ-Gɑŋntúu Yɛ́su Kɛlístɔ 7:39

Lɑ́ pɛmɑ́ŋɡɑpnjẅɛt pɛkŋɛ pîpɑ́, ŋ́kɑɑ kɔŋ nɛzúꞋ ntsu-Mɔ̌sɛ̂ɛ pɔ́, ḿbɑꞋnɛ wɛ́ pɑꞋnɛnɛ. Tɛ ńtsɑ́ɑ nɛpɛn ḿbɛn ŋɡɔŋ-Ɛɡíptɔ,

ŊwɑꞋnɛ-Gɑŋntúu Yɛ́su Kɛlístɔ 7:9

«Pɛmɑ̂ɑŋɡɑpnjẅɛt pɛkŋɛ ɡɛ ńdíŋɛ mɔ́ɔmɑ́ wɔp Yɔsɛ̂p ŋ́kɛ́n wɛ́ tɛ ɛ́fɛn wɛ́. A tsʉ́Ꞌ ŋkwɑɑ tsɛt ŋɡɔŋ-Ɛɡíptɔ.» Lɑ́ Sɛ́ kɛ́ ḿbɔ́ nɛ́ jʉ́,

Pʉɔ-Lɔ́mɑ 2:25

Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.