ŊwɑꞋnɛ-Gɑŋntúu Yɛ́su Kɛlístɔ 6:7 - Kɑɑ Fí

⁷ Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 6:7 Marejeleo ya Msalaba

Mɑtʉ̈ɔ 19:30

Lɑ́ nɛzɑ́ɑ pɑtʉ́ʉ mbi ŋkɔ̂ɔnɛ, ɡʉ ńdɑ́Ꞌ ńtsʉ́Ꞌ pɑtʉ́ʉ nzʉʉ, nɛzɑ́ɑ pɑtʉ́ʉ nzʉʉ ŋkɔ̂ɔnɛ ńdɑ́Ꞌ ḿbɔ́ pɑtʉ́ʉ mbí.

Lúkɑ́shi 2:34

Símɔ̂ŋ níꞋ mbɔ́tnɛ nǔu pɔ́p ḿbɛn ńcú mbɔ̌ Mɑlíyɑ ŋɡɔ: «Mɔ́ɔ nu wɔ pɑ́Ꞌɑ ḿbɔ́ ẅi Sɛ́ ɡʉ ńdɛɛ nzʉʉ yɛ ŋ́ɡɛ sʉ́ʉ kɔ́ pʉɔ tɛ ńzɑ́ɑ Íslɑɛ̂l wɔ, ḿbɛn ŋ́ɡɛ pɛ́ ɡɑ́ mɛkuꞋ nɛlʉ́m-pʉɔ, mbíꞋŋɡɔ ɑ ŋu ẅi Sɛ́ lɔk pɔ wɛ́ ńnyɛt yúu mi ɛ́ ɡɛnɛ, lɑ pʉɔmɛsɔŋ kɛ́ ŋ́ɡwɑ́k wɛ́ ɡwɑ́knɛ.

Jɑ̂ŋ 12:42

Pɛ́ kɑ zɛɛ ḿbɔ́ ŋ́ɡwɑ́k Yɛ́su ɡwɑ́knɛ lɑ́, pɛcɔ́ nɛzɑ́ɑ pɛkɛ́m-Pɑyúdɑ zɑ́p tʉ́m nǔu wɛ́. Lɑ́ ŋ́ɡɛ pɔ ńdʉ̈ɔmɛ lʉɔmɛ́nɛ, ḿbɔ́k pɑfɑlísɑy nɛzuŋ wɔ́p ndɑ́-cúꞌlɛ.

ŊwɑꞋnɛ-Gɑŋntúu Yɛ́su Kɛlístɔ 12:24

Ɛ́ kɛ ŋ́ɡʉ nǔu sẅíŋɛ-Sɛ́, ɛ́ pɔ́ ŋ́kẅiꞋ ɛ́sɑt zʉꞋ ŋ́ɡʉ pɔ nɛ́ mbi.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

ŊwɑꞋnɛ-Gɑŋntúu Yɛ́su Kɛlístɔ 19:20

Yɔ pɑ́Ꞌ Tsɑpʉɔ kɑ pɔ́ ńdɔk mɛtʉʉ mɛ́ ŋ́ɡɛ, sẅiŋɛ yɛ́ pɔ́ ŋ́kẅiꞋ ɛ́sɑt zʉꞋ, ḿbɔ́ ŋ́kẅiꞋ ŋ́ɡẅɛɛ tʉʉ ńdɔk ŋ́ɡʉ nɛ́ mbi.

ŊwɑꞋnɛ-Gɑŋntúu Yɛ́su Kɛlístɔ 2:47

Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.

ŊwɑꞋnɛ-Gɑŋntúu Yɛ́su Kɛlístɔ 21:20

Pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Yɛ́lúsɑlɛm zúꞋ yɔ nu ɛ́ pɔŋ wɔ́p tɛꞋ. Pɔ́p kɑꞋ lík-Sɛ́ ŋ́ɡɑ́ tʉ́, ńcú mbɔ̌ Pɔ̂l ŋɡɔ: Mɔ́ɔmɑ́ wɛk, jʉ́ɔ yú. Mbɑ kwɑꞋ Pɑyúdɑ ntsɑ́Ꞌ tɛ ńzɑ́ɑ kɑ ńtsʉ́Ꞌ pʉɔ-Kɛlístɔ, ḿbɛn ḿbɔ́ kwɑꞋ pɑkúꞋlɛ nɛpʉ́ʉ-Mɔ̌sɛ̂ɛ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 6:1

Ɛ́ kɑ pɔ́ nǔu yîyɑ́ ŋkɑ́, nɔɔ-pɑpɛ́m Kɛlístɔ pɔ́ ŋ́kẅiꞋ tɛꞋ. Yɛcɔ́ ɡúŋ pɔ́ pɑyúdɑ pi pɔ́p sẅiŋɛnɛ Ŋɡɛlɛ́k, yɛcɔ́ pɔ́ yi pɑsẅíŋɛ sẅiŋɛ-Hɛbɛlʉʉ. Pɑsẅíŋɛ Ŋɡɛlɛ́k zɛ nɛcútɛ nǔu pɑsẅíŋɛ sẅiŋɛ-Hɛbɛlʉʉ ŋɡɔ: «Pɔ́p lɔ ŋ́ɡɑp yúujʉ́ lɛ́Ꞌ tsʉʉ, ḿbɔɔ ŋ́ɡɑ́ yɛ́ pɛpfúk pɔ́p pɔ́.»

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Ŋɡɑlɑ̂t 1:23

Ɛ́ kɑ ɡɔ́ ḿbɔ́, mbɔ pɔ́p kɑ zúꞋ pɔ pɑ́Ꞌ pɛ́ sɛ́ ńcú ŋɡɔ: Ŋu ẅí ɑ kɑ pɔ́ yɛcɔ́ ŋkɑ́ ḿbɔ́ ńtsɔ́Ꞌ ku yɔ́p kɛpɔŋ lɑ́, ɑ ŋkɔ̂ɔnɛ ḿbɔ́ ńcẅi Ŋkʉʉ Sʉ́Ꞌnɛ, ńcú nu nǔu nɛzɑ́p tʉ́m nǔu Yɛ́su ẅí ɑ kɑ pɔ́ yɛcɔ́ ŋkɑ́ ɛ́sɑ́Ꞌ tʉʉ pɔ nɛpík lɑ́.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.