ŊwɑꞋnɛ-Gɑŋntúu Yɛ́su Kɛlístɔ 6:3 - Kɑɑ Fí

³ Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, pʉʉ ɡʉ tsɛtsɛt pʉʉ, ńdɔɔ pʉɔ sɑɑmbɑ́ pɑ́Ꞌ pɔ́p ɡʉ ḿbɔ́ ɛ́fɑꞋ yîyɑ́ fɑꞋ. Pʉʉ tsʉ́Ꞌ nɛtsɔ́Ꞌ, ńdíŋɛ pʉɔ pi tswɛ́ wɔp pɔŋnɛ. Pʉɔ pi Zẅikŋɛ-Sɛ́ kɑ jʉ́ mɔ tʉ́m yɔ́p. Pɔ́p pɛn ŋ́ɡẅɛɛ jínu. Pɛk ńníꞋ fɑꞋ-yúupɛ́jʉ́ mbɔ̌ pɔ́p,

ŊwɑꞋnɛ-Gɑŋntúu Yɛ́su Kɛlístɔ 6:3 Marejeleo ya Msalaba

Mɑtʉ̈ɔ 23:8

Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.

Jɑ̂ŋ 21:23

Yɛ́su cú yɔ nu nǔu ẅîwɑ́ ŋɡɑŋku wɛ pɑ́Ꞌnɛ, pɑpɛ́m Yɛ́su tsʉʉ tsʉ́Ꞌ ḿbɔ́ ɛ́sẅíitɛ sẅíitɛ́nɛ ŋɡɔ ẅîwɑ́ ŋɡɑŋku wɛ kɛ́ lɑ́Ꞌ ḿpfú pɔ́. Lɑ́, mbɔ Yɛ́su ŋkɑɑ cú ŋɡɔ ɑ kɛ́ lɑ́Ꞌ ḿpfú pɔ́ pɔ́. Mbɔ ɑ cú pɔ ŋɡɔ, ɑ lɑɑ ŋ́kɔŋ ŋɡɔ ẅîwɑ́ ŋu pɔ́ pɔ ɡú tɛ ɑ lɑ́Ꞌ ḿbɛn ńtɔ́, mbɔ yɛ́ nu-pyɛ̂ nǔu ḿbɔ́ kʉ̈ɔ́ ɔɔ.

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 1:21

Ɛ́ yɛ́tɛ́ lɑ́ ɛ́ sɛ́ ḿbíkŋɛ ŋɡɔ pɛkŋɛ tsɔ́Ꞌ tɑ́Ꞌ ŋu tsɛtsɛt pʉɔ pinɛ pɛkŋɛ pɛpɔ́p ḿbɔ́ ńjúk ńnɛn nzʉʉ Tsɑpʉɔ Yɛ́su, tɛ ɛ́fú ŋ́kɑ́ yi Jɑ̂ŋ kɑ pɔ́ ńnuꞋ pʉɔ ŋki ŋ́kúu nǔu lɛ́Ꞌ yi Sɛ́ kɑ lɔknɛ Yɛ́su ɛ́fú tsɛtsɛt pɛkŋɛ ŋ́ɡʉ, ńdɔɔ tɑ́Ꞌ ŋu, pɛkŋɛ pɛ́pɔ́p puutɛ pɛ́tsʉʉ ɛ́sẅíi yúu mi pɛkŋɛ jínɛ nǔu Ndɛ wɛkŋɛ Yɛ́su pɑ́Ꞌ ɑ kɑ zẅíimɛ́nɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 15:23

Pɛ́ ɡɛ ŋwɑꞋnɛ yí pɔ́p ɡʉ ńdɔk ŋ́ɡʉ, ŋ́ŋwɑꞋnɛ tsɛtú ŋɡɔ: «Pɛk pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ Yɛlúsɑlɛm, pɛk pɔ́ɔpɛ́mɑ́ pʉ́ʉ pɛk cɛꞋlɛ wʉ́ʉ pɛtsʉʉ, pʉʉ pɔ́ɔpɛ́mɑ́ pi pʉʉ kɑ́ pɔ́ pɑyúdɑ pɔ́, pʉʉ ẅi pʉʉ ńtswɛ́nɛ tʉ́sɔŋ-Antíyɔshɛ, tɛ mbɑ pɛcɔ́ pʉɔ pí pɔ́p nǔu pɑk-ŋɡɔŋ Siliyɑ, tɛ mbɑ pʉɔ pí pɔ́p nǔu pɑk-ŋɡɔŋ-Silísíyɑ.

ŊwɑꞋnɛ-Gɑŋntúu Yɛ́su Kɛlístɔ 16:2

Timɔtɛ̂ɛ pɔ́ ŋu, pʉɔ-Kɛlístɔ pi pɔ́p Listɛlɛ mbɑ Ikɔnyɔm kẅíi lík yɛ́ sʉ́Ꞌnɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 22:12

Ŋ́kúu zúꞋu, wɛcɔ́ ŋu pɔ́ zúꞋu. Pɛ́ fúŋ wɛ́ ŋɡɔ Anɑníyɑs. A pɔ́ ŋu ŋ́ɡɛ mɛkuꞋ-Sɛ́ ḿbɛn ńnɛn pɑ́Ꞌ nɛpʉ́ʉ nɛkŋɛ sɛ́ ḿbíkŋɛ. Pɑyúdɑ pi pɔ́p ńtswɛ́nɛ tʉ́sɔŋ-Ndɑ́mɑ́s tɛ ḿmik wɔ́p pɔ́ ŋ́kẅíi lík yɛ́ pɔ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 28:14

Ŋ́kúu zúꞋu, ńjʉ́ɔ pɛcɔ́ pɔ́ɔpɛ́mɑ́. Pɔ́p fúŋ wɛ́k ŋɡɔ pɛk pɛpɔ́p nɑ́ŋ njɛ́Ꞌ pɔ́p tɑ́Ꞌ ŋɡɑplɑ́Ꞌ. Yɔ pɑ́Ꞌ pɛk kɑ fúnɛ zúꞋu ńnɛn nɛ mɛku ŋ́kúu tʉ́sɔŋ-Lɔ́mɑ

ŊwɑꞋnɛ-Gɑŋntúu Yɛ́su Kɛlístɔ 6:2

Gɑŋntúu-Yɛ́su ntsɔ̌ppɑ́ nɛ́ nɛɡɛ́m ɡɔ́ɔ ŋ́kɛ́ ɛ́fúŋ cúꞋlɛ-pɑpɛ́m Kɛlístɔ pɛtsʉʉ ńcú ŋɡɔ: «Ɛ́ kɑ́ pɔŋ ŋɡɔ pɛk nɑ́ nɛsẅíi nu-Sɛ́, ńtsʉ́Ꞌ ḿbɔ́ ŋ́ɡɑp pɔ yúu pɛjʉ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 6:5

Pɑpɛ́m Kɛlístɔ zúꞋ, ɛ́ pɔŋ wɔ́p tɛꞋ. Pɔ́p ɡɔ́ɔ ŋ́kɛ́ ńtsɔ́Ꞌ Ɛtiyɛ̂n. A pɔ́ ŋu ńzɑ́p tʉ́m yɛ́ nǔu Sɛ́ tɛꞋ, mbɔ Zẅikŋɛ-Sɛ́ kɑ ńjʉ́ mɔ wɛ́. Pɛ́ pɛn ńtsɔ́Ꞌ Filîp, ńtsɔ́Ꞌ Pɔlɔkɔl, ńtsɔ́Ꞌ Nikɑnɔl, ńtsɔ́Ꞌ Timɔn, ńtsɔ́Ꞌ Pɑlmɛnɑs pɔ́p Nikɔlɑ ẅi ɑ m̄bɔ́ ŋu-Antíyɔshɛ. Mbɔ ɑ kɑ pɛ́m nɔŋŋɡɔŋ-pɑyúdɑ lɑ ŋ́kúu nǔu nɔɔ-pɑpɛ́m Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 6:6

Pɔ́p kɑ tsɔ́Ꞌ pʉɔ pɔnɛ, ńdɔk wɔ́p ńtɔ́ ńnyɛt mbɔ̌ ɡɑŋntúu. Gɑŋntúu cɛꞋlɛ Sɛ́, ńzɑ́p mbɔ́ tú pɔ́p.

ŊwɑꞋnɛ-Gɑŋntúu Yɛ́su Kɛlístɔ 9:30

Pɔ́ɔpɛ́mɑ́ pɔ́ tɛ ńjí pɔ́Ꞌɔ, ńdɔk Sɔ̂l ŋ́ɡʉ Sɛ́zɑlɛ̂ ńcɑklɛ, ŋ́kúu zúꞋu ŋ́ɡɛ ɑ lɔk wɛ tʉ́sɔŋ-Tɑ́lsɔ ŋ́ɡʉ.

1 Kɔlɛ̂ŋtɛ 12:8

Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

1 Kɔlɛ̂ŋtɛ 16:3

Mɔ ŋ́ɡɛ ńtɔ́, ńtúu pʉɔ pi pʉʉ tsɔ́Ꞌnɛ, ŋ́ɡɑ́ mɛŋwɑꞋnɛ mbɔ̌ pɔ́p, pɔ́p lɔk ŋ́ɡʉ Yɛlúsɑlɛm ŋ́ɡɑ́ ŋkɑ́p yi pʉʉ cúꞋlɛ́nɛ.

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

Jɑ̂k 1:17

Yúu mi ɛ́ pɔŋnɛ tɛꞋ, mbɑ tsɔ́ꞋfɑꞋ sʉ́Ꞌnɛ fú pɔ tʉ́nɛ́pú, mbɔ̌ Sɛ́ ẅi ɑ kɑ niitɛ́nɛ mɔ́nɛm pɔ́p pɛcʉ̈ɔ́Ꞌ-sɑŋ nɛfɑŋ. A kɑ́ kúpmɛ, ŋ́kɛ́ mbɔɔ nzɛ́nzʉ́ʉ ɡẅɛɛ.

3 Jɑ̂ŋ 1:12

ŋ́ɡʉ nǔu Ndɛlmɛ́tɛ́lẅís, mbɔ mbɑ wɔ̌ lɑ́ kẅíi lík yɛ́ pɔ sʉ́Ꞌnɛ. Ntɛ́ yi ɑ sɛ́ ńdɔk ńnɛn nǔu sɛ̂ndúŋ-nu nɛ́nẅín sɛ́ ńdɛꞋlɛ ŋɡɔ mɛfɑꞋ mɛ́ pɔŋ. Pɛk ɡúu sɛ́ ŋ́kẅíi lík yɛ́ pɔ sʉ́Ꞌnɛ, ɔ pɛn ḿbɔ́ ńjí ŋɡɔ pɛk lɔk ńcú ɛ́sẅíi nu.