ŊwɑꞋnɛ-Gɑŋntúu Yɛ́su Kɛlístɔ 6:11 - Kɑɑ Fí

¹¹ Pɔ́p jʉ́ɔ kɛ́kɑ́ŋ, ɛ́fúŋ pʉɔ, ńcú mbɔ̌ pɔ́p ŋɡɔ pɔ́p cú ŋɡɔ pɔ́p kɑ zúꞋ pɑ́Ꞌ Ɛtiyɛ̂n sẅiŋɛnɛ kɛpɔŋ nǔu Mɔ̌sɛ̂ɛ mbɑ nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 6:11 Marejeleo ya Msalaba

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 9:29

Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:21

KwɑꞋ nɛ́nẅín tɛ ɛ́fú mɛŋɡuꞋ mɛŋɡuꞋ, ŋ́kúu lɔ́Ꞌnɛ, pɛ́ lɔ ńjúk pɔ nɛsɑ́Ꞌ nɛpʉ́ʉ-Mɔ̌sɛ̂ɛ tsɛt mɛtʉ́sɔŋ mbɑ tsɛt ŋɡɔŋ mɛlɛ́Ꞌnji-pɑyúdɑ tsʉʉ. Pɛ́ fúŋ pɔ nînɑ́ nɛpʉ́ʉ tsɛt mɛndɑ́-cúꞋlɛ mɔ́p.

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:28

ŋ́kɑꞋ ŋɡi yɔp tʉ́ ɡíɛt ŋɡɔ: «Pʉɔ-Íslɑyɛ̂l, pʉʉ tɔ́ ńcẅɛ́lɛ́ wɛ́k! Ŋu wɑ́ pʉ́ɔ. A sɛ́ ḿbɔ́ ńnɛn zʉꞋ tsʉʉ ndǔ tsɛ́tsɑ́Ꞌ ŋ́kẅíi pʉɔ-lɑ́Ꞌ pɛkŋɛ kɛpɔŋ, ɛ́sẅíŋɛ kɛpɔŋ nǔu nɛpʉ́ʉ-Mɔ̌sɛ̂ɛ. Tɛ mbɑ nǔu ZʉꞋ-nɔŋpɔꞋ yɔ. Ɛ́ pʉ́ɔ, mbɔ ɑ zɛɛ ńdɔk pʉɔ pi pɔ́p kɑ́ pɔ́ pɑyúdɑ pɔ́, ńtɔ́, ńdɔk wɔ́p ŋ́kúu tsɛt ZʉꞋ-nɔŋpɔꞋ, ńdɔk pɔ́Ꞌɔ, ńníꞋ lɔ́Ꞌ nǔu.»

ŊwɑꞋnɛ-Gɑŋntúu Yɛ́su Kɛlístɔ 25:3

«Sɛ́sẅii ɡɛ, Pɔ̂l tɔ́ tɛ ŋ́kúu Yɛlúsɑlɛm,» ńcú pɔ́Ꞌɔ, ḿbɔ́ ńdɔɔ nɛnɔŋ mɑnzɔŋ ẅí ɛ́ ɡʉ zɑ́Ꞌ Pɔ̂l sɛ̂ndúŋ ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 25:7

Pɔ̂l tɔ́, Pɑyúdɑ cúŋ ɛ́fú Yɛlúsɑlɛm ńtɔ́, ńtʉ̈ɔ́Ꞌlɛ wɛ́ ńníꞋ sɔŋ, ńtík mɛnu mi ɛ́ tɛn tɛnnɛ tú wɛ́ tɛ ɛ́ zɑ́ɑ zɑ́ɑnɛ. Ŋu wɔp ẅi ɑ ɡʉ ŋ́kɛ́ ḿbɛ́ɛtɛ tɛ mɛtú cẅɛt kɛ́ ḿbɔɔ ɡú pɔ́.

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

ŊwɑꞋnɛ-Gɑŋntúu Yɛ́su Kɛlístɔ 6:12

Pɔ́p ɡɛ pɔ́Ꞌɔ, ńdɔk ńtẅítɛ lɑ́Ꞌ, mbɑ pɛkɛ́m mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, ḿmɑꞋ wɔ́p nzʉʉ Ɛtiyɛ̂n. Pɔ́p ɡẅɛɛ wɛ́, ńdɔk wɛ́ ŋ́ɡʉ mbi cúꞋlɛ-pɑsɑ́Ꞌ lɑ́Ꞌ pɑ́Ꞌ pɛ́ ɡʉ ŋ́ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 6:13

Pîpɑ́ pʉɔ lɔk mbɑ pɛcɔ́ ɡɑŋcɔtnu, ŋ́ɡʉ zúꞋu. Pɔ́p tɔ́ ńcú ŋɡɔ: «Ŋu wɔ júk pɔ nɛsẅíŋɛ kɛpɔŋ nǔu ndɑ́-nɔŋpɔꞋ yɛkŋɛ yi ɛ́ Yɛlúsɑlɛm wɔ, mbɑ nǔu nɛpʉ́ʉ-Mɔ̌sɛ̂ɛ.

Pʉɔ-Lɔ́mɑ 3:8

Ŋu lɑɑ ńcú pɑ́Ꞌnɛ, mbɔ ɛ́ lɑɑ ḿbɔ́ pɛ́ cú ŋɡɔ: Pɛkŋɛ ɡɛ mɛnu kɛpɔŋ, ńjí ŋɡɔ nu sʉ́Ꞌnɛ ɡʉ ńcẅɛt nǔu. Pɛcɔ́ pʉɔ sɛ́ ɛ́sẅíŋɛ nǔu lík yɑ́ɑ ŋɡɔ mɔ cúnɛ pɔ́Ꞌɔ. Pîpɑ́ pʉɔ pi Sɛ́ ɡʉ ŋ́ɡɛ ŋ́ŋɑk wɔ́p.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.