ŊwɑꞋnɛ-Gɑŋntúu Yɛ́su Kɛlístɔ 4:22 - Kɑɑ Fí

²² Ɛ́ pɛn ŋ́ɡɔ ḿbɔ́ ŋu ẅí ɑ kɑ fíitɛ́nɛ nǔu ntɛ́ yi mɑ̌ɑmɑɑnɛ lɑɑ, lɛɛ mɔ ŋɡuꞋ mɛɡɛ́mɛ́nɛ́kwɑ.

ŊwɑꞋnɛ-Gɑŋntúu Yɛ́su Kɛlístɔ 4:22 Marejeleo ya Msalaba

Mɑtʉ̈ɔ 9:20

Pɔ́p pɔ́ ŋ́ɡʉ, wɛcɔ́ mɑŋɡɛ́ pɔ́ tsɛtsɛt lɑ́Ꞌ, ŋ́ɡẅɛɛ ɡɔɔ-mɑ́sɔ́ɔ, mbɔ ɛ́ ɡɑ́nɛ wɛ́ ɡɑ́nɛnɛ ŋɡuꞋ ntsɔ̌ppɑ́ nɛ́ nɛɡɛ́m. A nɑꞋtɛ, ɛ́fú nzʉʉ, ńtɔ́ ŋ́ɡẅɛɛ nɛcɔ́ŋ-ndẅí-Yɛ́su,

Lúkɑ́shi 13:11

Wɛcɔ́ mɑŋɡɛ́ pɔ́ yɛ́ zúꞋu, mbɔ ɛ́ ɡɛ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m pɑ́Ꞌ yɛcɔ́ zẅikŋɛ kɛpɔŋ kɑ ɡẅɛɛnɛ wɛ́ ḿbʉ̈ɔ́Ꞌ ŋkwɛn yɛ́. Tɛ wɛcɔ́ nɛpɛn ḿbʉꞋ mbʉʉ yɛ ńtʉ́ʉ tʉ́ʉnɛ pɔɔ ɡú pɔ́.

Jɑ̂ŋ 5:5

Wɛcɔ́ ŋu pɔ́ zúꞋu, mbɔ ɑ ɡɔɔ ɡɔɔnɛ ŋɡuꞋ ntsɔ̌pɛ́nɛ́fɔ́m nɛ́ mɛɡɛ́mɛ́ntɑ́t.

Jɑ̂ŋ 9:1

Yɛ́su ɡɛ ḿbɔ́ ńdɛɛ yɛcɔ́ zʉꞋ, ńjʉ́ɔ wɛcɔ́ fʉmík, mbɔ pɛ́ kɑ pí wɛ́ ɑ pɔ́ pɔ fʉ.

ŊwɑꞋnɛ-Gɑŋntúu Yɛ́su Kɛlístɔ 3:2

Ɛ́ ɡɔ́ ḿbɔ́, mbɔ pɛ́ kɑ pɔ́ ńtíi wɛcɔ́ ŋɡɑŋkẅíꞋlɛ ńdɔk ńtɔ́ lɛ́Ꞌ tsʉʉ, ńtsẅíkŋɛ wɛ́ ntsupuꞋ ẅi pɛ́ fúŋnɛ ŋɡɔ: «Ntsundɑ́-mɛsuu» Pɑ́Ꞌ ɑ ɡʉ ńdɔɔ yúu mbɔ̌ pʉɔ pi pɔ́p lɛɛnɛ zúꞋu ŋ́ɡʉ tsɛt ZʉꞋ-nɔŋpɔꞋ. Ẅîwɑ́ ŋu pɔ́ ẅi pɛ́ kɑ ɡɔ́ ḿbí wɛ́ ɑ pɔ́ pɔ ŋɡɑŋkẅíꞋlɛ.

ŊwɑꞋnɛ-Gɑŋntúu Yɛ́su Kɛlístɔ 4:21

Pɑzɑ́Ꞌntsɑŋ pɛn ńniitɛ ḿbɑpmɛ wɔ́p, ńnɑ́ wɔ́p pɔ́p ɡʉ. Mbɔ pɔ́p lɔɔ shʉ́ ẅi pɔ́p ɡʉ ɛ́fú nǔu ńdɔk ńnyɛt wɔ́p nɛ́ ŋɡʉ̈ɔ́Ꞌ, ḿbɔɔ jʉ́ɔ ntɛ́ lɑ́Ꞌ. MbíꞋŋɡɔ pʉɔ tsʉʉ kɑ pɔ́ ŋ́ɡɛ́mtɛ Sɛ́ nǔu yúu mi ɛ́ kɑ lɛɛnɛ.

ŊwɑꞋnɛ-Gɑŋntúu Yɛ́su Kɛlístɔ 4:23

Pɛ́ kɑ pɔ́ tɛ ńnɑ́ wɔ́p, Pyɛ̂ pɔ́p Jɑ̂ŋ ɡʉ ŋ́kẅɛ́ɛtɛ pʉɔ pɔ́p. Ḿbɛ́ɛtɛ mɛnu mí pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ lɑ́Ꞌnɛ ńcú mbɔ̌ pɔ́p, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 9:33

ŋ́kúu zúꞋu, ńjʉ́ɔ wɛcɔ́ ŋu, pɛ́ fúŋ yɛ́ ŋɡɔ Ɛ́nɛ́ɛ. Mbɔ ɑ nɔɔ kúu-ɡɔɔ ŋɡuꞋ yɛ́nɛ́fɔ́m, ḿbɔ́ ŋɡɑŋkẅíꞋlɛ.