ŊwɑꞋnɛ-Gɑŋntúu Yɛ́su Kɛlístɔ 3:11 - Kɑɑ Fí

¹¹ Ndʉ́m ɛ̂wɑ́ kɛ́ ḿbɔɔ ḿbɔ́ ɛ́fú nɛjɔ́ŋ Pyɛ̂ pɔ́p Jɑ̂ŋ ŋ́kẅɛ́Ꞌlɛ pɔ́, lɑ́Ꞌ tsʉʉ pɔ́ mɑɑ, ńnɑ́ɑtɛ ńtɔ́ ńcúꞋlɛ nɛjɔ́ŋ pɔ́p ntsupuꞋ, ɛ́ pɔ́ yi pɛ́ kɑ pɔ́ ɛ́fúŋ nɛ́ «tɛtɑ́ɑ-Sɑlɛmɔ.»

ŊwɑꞋnɛ-Gɑŋntúu Yɛ́su Kɛlístɔ 3:11 Marejeleo ya Msalaba

Lúkɑ́shi 22:8

Yɛ́su túu Pyɛ̂ pɔ́p Jɑ̂ŋ, ńcú mbɔ̌ pɔ́p ŋɡɔ: «Pʉʉ ɡʉ niitɛ yɛkŋɛ yúu-Pɑ́skɑ, pɛkŋɛ jʉ́.»

Lúkɑ́shi 8:38

ḿbɔ́ ŋ́ɡʉ, ŋu ẅí mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, púꞋ mbɔ́ mbɔ̌ wɛ́ ŋɡɔ pɔ́pmɛ́ ŋ́ɡʉ. Lɑ́ Yɛ́su lʉꞋ ńcú mbɔ̌ wɛ́ ŋɡɔ:

Jɑ̂ŋ 10:23

Yɛ́su pɔ́ ŋ́kɑ́t nɛntɛ tsɛt ndɑ́-nɔŋpɔꞋ, zʉꞋ pɛ́ fúŋnɛ ŋɡɔ tɛtɑ́ɑ-Sɑlɛmɔ.

ŊwɑꞋnɛ-Gɑŋntúu Yɛ́su Kɛlístɔ 2:6

Pɔ́p zúꞋ pɑ́Ꞌ zʉꞋ nʉꞋnɛ́nɛ pɔ́Ꞌɔ, ńnɑ́ɑtɛ ńtɔ́ ńcúꞋlɛ tɛ ḿbɔ́ pɔ kɑ́tɛ. Ɛ́ pɔ́ ŋ́kʉꞋnɛ wɔ̌lɑ́, ɑ zúꞋ pɑpɛ́m Yɛ́su lɔk pɔ kwɑꞋ sẅiŋɛ yɔ́p lɑ́Ꞌ yi ɑ fúnɛ nɛ́ zúꞋu ńcú nu.

ŊwɑꞋnɛ-Gɑŋntúu Yɛ́su Kɛlístɔ 3:12

Pyɛ̂ jʉ́ɔ pɑ́Ꞌ pɔ́p sɛ́ ńcúꞋlɛ nɛjɔ́ŋ pɔ́p pɔ́Ꞌɔ, ńcú mbɔ̌ lɑ́Ꞌ ŋɡɔ: «Pʉɔ-Íslɑyɛ̂l, pʉʉ mɑɑ pɑ́Ꞌ ɑ fíitɛ́nɛ mbíꞋkʉ̈ɔ́? Pʉʉ sɛ́ ńdíŋɛ wɛ́k pɔ pɑ́Ꞌ ŋkɑ́ yi pɛk lɔk pɔ mɛk mɛtʉʉ kɛ pɔ mɛk mɛfɑꞋ nzʉʉ Sɛ́ lɑ́ ńdɔk ŋ́ɡɛ wɔ ŋu nɛn ntɛ́ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 3:3

A jʉ́ɔ Pyɛ̂ pɔ́p Jɑ̂ŋ pɔ́ ńdɛɛ ŋ́ɡʉ tsɛt ZʉꞋ-nɔŋpɔꞋ, ɑ lɔɔ ŋkɑ́p mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 3:4

Pyɛ̂ pɔ́p Jɑ̂ŋ tík mík nǔu wɛ́. Pyɛ̂ cú mbɔ̌ wɛ́ ŋɡɔ: «Líŋɛ wɛk.»

ŊwɑꞋnɛ-Gɑŋntúu Yɛ́su Kɛlístɔ 5:12

Gɑŋntúu kɑ pɔ́ ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mɛntɛ́ mɛntɛ́ tsɛtsɛt lɑ́Ꞌ. Pɔ́p pʉɔ-Kɛlístɔ pɛtsʉʉ kɑ pɔ́ ńtɔ́ ńcúꞋlɛ nǔu zʉꞋ yí pɛ́ kɑ pɔ́ ɛ́fúŋ ŋɡɔ tɛtɑ́ɑ-Sɑlɛmɔ.