ŊwɑꞋnɛ-Gɑŋntúu Yɛ́su Kɛlístɔ 28:8 - Kɑɑ Fí

⁸ Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.

ŊwɑꞋnɛ-Gɑŋntúu Yɛ́su Kɛlístɔ 28:8 Marejeleo ya Msalaba

Mɑtʉ̈ɔ 10:1

Yɛ́su ɡɛ ɛ́fúŋ ɡɑŋku pɛ́ ntsɔ̌ppɑ́ nɛ́ nɛɡɛ́m, ŋ́ɡɑ́ mɛtʉʉ mbɔ̌ pɔ́p nɛlɔk ńzuŋ mɛzẅikŋɛ kɛpɔŋ, mbɑ nɛlɔk ŋ́ɡɛ mɛɡɔɔ ntɛ́ nɛ́ ntɛ́ mɛ nǔu pʉɔ, mbɑ nɛɡɛ mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ.

Mɑtʉ̈ɔ 10:8

Pʉʉ ɡʉ ŋ́ɡɛ ɡɑŋɡɔɔ fíitɛ, ŋ́ɡɛ pɛpfú ńzẅíimɛ, ŋ́ɡɛ pɛɡɑŋkɑꞋ-pɑ́p fíitɛ, ńzuŋ mɛzẅikŋɛ kɛpɔŋ. Pɛ́ ɡɑ́ mbɔ̌ pʉʉ níinɛ, pʉʉ pɛn ŋ́ɡɑ́ yʉ́ʉ níinɛ.

Mɑtʉ̈ɔ 12:13

Yɛ́su cú mbɔ̌ pfúpɔ́ ŋɡɔ: «Sɛn pɔ́ yú.» A sɛn, pɛ́ jʉ́ɔ ɛ́ pɛn ńtɛntɛ pɑ́Ꞌ yɛcɔ́.

Mɑtʉ̈ɔ 9:18

Yɛ́su pɔ́ ńcú nu mbɔ̌ pɔ́p pɔ́Ꞌɔ, wɛcɔ́ ŋkɛ́m tɔ́, ńnɔɔ mɛku wɛ́ ńcú ŋɡɔ: «Mɔ́ɔ wɑɑ wɛ mɑŋɡɛ́ pɛ́t ḿpfú pɔ ŋkɔ̂ɔnɛ, lɑ́ tɔ́ ńzɑ́p pɔ́ yú nǔu wɛ́ ɑ ɡɔ́ɔ ńduk.»

Mɑ́lɛ́kúshi 16:18

pɔ́p ńdɑ́Ꞌ ńdɔk mbɔ́ mɔ́p ŋ́ɡẅɛɛ nɔ́, ḿbɔ́ yi pɔ́p lɑɑ ńjʉ́ mɛcɔp, yɛcɔ́ yúu pɔɔ wɔ́p ɡɛ, pɔ́p ɡʉ ńdɑ́Ꞌ ńzɑ́p mbɔ́ mɔ́p nǔu ɡɑŋɡɔɔ pɔ́p fíitɛ.»

Mɑ́lɛ́kúshi 5:23

ḿbúꞋ mbɔ́ ŋɡɔ: «Sɛ́sẅíi mɔ́ɔ wɑɑ wɛ mɑŋɡɛ́ tsʉꞋ ḿbɔ́ pɔ ntsu-nɛvú, tɔ́, ńzɑ́p mbɔ́ mú nǔu wɛ́, ɑ fíitɛ ńduk.»

Mɑ́lɛ́kúshi 6:5

Ɛ́ kɑ pɔ́ pɔ́nɛ tɛ Yɛ́su pɔɔ ɡɛ mɛcɔ́ mɛŋkʉꞋnɛ mɛnu zúꞋu pɔ́, tɛ ńdíꞋ ndɑꞋ pɑꞋ ɑ kɑ zɑ́pnɛ mbɔ́ mɛ́ nǔu pɛcɔ́ ntɑ́Ꞌ-ɡɑŋɡɔɔ, ŋ́ɡɛ pɔ́p fíitɛ.

Mɑ́lɛ́kúshi 7:32

Pɛ́ lɔk wɛcɔ́ ŋu ńtɔ́ mbi yɛ́, ɑ pɔ́ mbúꞋ-mɛtúutɛ́, ḿbɛn ḿbɔɔ jí nɛsẅíŋɛ tɛ ɛ́ cẅɛt pɔ́, pɛɡɑŋ puꞋ mbɔ́ mbɔ̌ Yɛ́su ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ,

Lúkɑ́shi 13:13

Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.

Lúkɑ́shi 4:40

TúꞋ kɑ ɡɔ ɛ́sʉ́ʉ, pʉɔ pinɛ pɛɡɑŋ ɡɔ́ɔ ntɛ́ ntɛ́ ḿbɔ́nɛ mɛndɑ́ mɔ́p lɔk wɔ́p tɔ́. Yɛ́su zɑ́p mbɔ́ nǔu mbɑ wɛ́t ŋɡɔɔ lɑ́, ɑ fíitɛ.

ŊwɑꞋnɛ-Gɑŋntúu Yɛ́su Kɛlístɔ 28:7

Tsɛtsɑ́Ꞌ-ŋútlɑ́Ꞌ túmbʉ́ʉ pɔ́ mbʉʉ zúꞋu. Pɛ́ fúŋ ŋɡɑŋ nɛ́ Pubilíyus. A jʉ́ɔ wɛ́k, ŋ́kúkŋɛ wɛ́k pɑ́Ꞌ pɛsúu pɛ́ lɑ́. Pɛk nɑ́ŋ njɛ́Ꞌ yɛ́ lɛ́Ꞌ pɛtɑ́t.

ŊwɑꞋnɛ-Gɑŋntúu Yɛ́su Kɛlístɔ 28:9

Pɛcɔ́ ɡɑŋɡɔɔ zúꞋ, ɛ́fú mɛshʉ́ mɛshʉ́ tsɛt ŋɡɔŋ ɛ̂wɑ́, ńtɔ́ ńjʉ́ɔ Pɔ̂l. A ɡɛ pɔ́p fíitɛ.

ŊwɑꞋnɛ-Gɑŋntúu Yɛ́su Kɛlístɔ 9:40

Pyɛ̂ fú ndɑ́ ńcẅɛɛtɛ pʉɔ tsʉʉ, ńcúŋ ŋ́kẅíꞋlɛ sɛ́, ńcɛꞋlɛ Sɛ́, ḿbɛn ɛ́shɔtnɛ ńdíŋɛ mpfú, ńcú ŋɡɔ: «Tɑpítɑ, lɔ sɛ́.» Tɑpítɑ ɡɔ́ɔ ńníɛꞋ mík, ḿbɔ́ tɛ ńjʉ́ɔ Pyɛ̂, ŋ́ɡɔ́ɔ ḿbʉꞋ mbʉʉ yɛ ńnɑ́ŋ nɑ́ŋnɛ.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

1 Kɔlɛ̂ŋtɛ 12:9

Zẅikŋɛ ɛ̂yɑ́ pɛnnɛ ŋ́ɡɛ wɛcɔ́ ŋu pɔ́ ńzɑ́p tʉ́m yɛ́ nǔu Sɛ́ tɛꞋ, wɛcɔ́ ɡẅɛɛ nɛɡɛ ɡɑŋɡɔɔ fíitɛ.