ŊwɑꞋnɛ-Gɑŋntúu Yɛ́su Kɛlístɔ 27:1 - Kɑɑ Fí

¹ Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.

ŊwɑꞋnɛ-Gɑŋntúu Yɛ́su Kɛlístɔ 27:1 Marejeleo ya Msalaba

Mɑtʉ̈ɔ 27:54

Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»

Lúkɑ́shi 23:47

Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.

Lúkɑ́shi 7:2

Wɛcɔ́ tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ pɔ́ tʉ́sɔŋ ɛ̂wɑ́, ŋ́ɡẅɛɛ ŋkwɑɑ wɛ, ŋ́kɔŋ wɛ́ tɛꞋ. Ŋkwɑɑ wɛ ɛ̂wɑ́ pɔ́, mbɔ ɑ vu ɡɔɔ, ńtsʉ́Ꞌ ḿpfú pfúnɛ.

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 16:10

Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 18:2

ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 21:32

ŋ́ɡɔ́ɔ ńcúꞋlɛ pɑlʉ̈ɔ́Ꞌntsɔ pɔ́p pɛtɑ́tndɑ́ pɔ́p. Pɔ́p pɛpɔ́p nɑ́ɑtɛ ńcúŋ nɛ́ zʉꞋ yi lɑ́Ꞌ cúꞋlɛ́nɛ zúꞋu. Lɑ́Ꞌ pɔ́ tɛ ńjʉ́ɔ pɑ́Ꞌ Tɑ́tndɑ́-pɛtɑ́tndɑ́-ntsɔ pɔ́p pɑlʉ̈ɔ́Ꞌntsɔ tɔ́nɛ, ḿbɔɔ pɛn ńtswɑ́ɑ Pɔ̂l pɔ́.

ŊwɑꞋnɛ-Gɑŋntúu Yɛ́su Kɛlístɔ 22:26

A zúꞋ ḿvukŋɛ, ŋ́kʉɔ ŋ́ɡʉ ńjʉ́ɔ Tɑ́tndɑ́-wɔ́p, ńcú mbɔ̌ wɛ́ ŋɡɔ: «Ɔ ɡʉ ŋ́ɡɛ ŋɡɔ́ku? Ŋu mbɛ́ɛnɛ wɑ́ mɔ́ɔ-lɑ́Ꞌ-Pɑlɔ́mɑ»

ŊwɑꞋnɛ-Gɑŋntúu Yɛ́su Kɛlístɔ 23:11

Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 23:17

Pɔ̂l zúꞋ, ɛ́fúŋ wɛcɔ́ tɑ́Ꞌ tɑ́tndɑ́-ntsɔ, ńcú mbɔ̌ wɛ́ ŋɡɔ: «Lɔk mɔ́ɔsuu wɔ, ŋ́ɡʉ ńcɑklɛ wɛ́ njɛ́Ꞌ tɑ́tndɑ́ wʉʉ. A ɡẅɛɛ nu yi ɑ ɡʉ nɛsẅíi wɛ́.»

ŊwɑꞋnɛ-Gɑŋntúu Yɛ́su Kɛlístɔ 24:23

ńcú pɔ́Ꞌɔ, ḿbɛn ńcú mbɔ̌ tɑ́tndɑ́-ntsɔ ŋɡɔ ɑ lɔk Pɔ̂l ŋ́ɡʉ ńdẅɛꞋ ndɑ́tsɑ́ŋ, ḿbɔɔ kɛ́ ŋ́kút wɛ́ pɔ́, ḿbɔɔ kɛ́ ńtɔꞋ pɛsúu pɛ́ nɛtɔ́ ńcẅɛ́lɛ́ wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 25:12

Pɔ̂l cú pɔ́Ꞌɔ, Fɛstus pɔ́p pʉɔ pɛ́ pi pɔ́p ɡɑ́nɛ wɛ́ nɛ́ ntík tɔ́ɔtɛ nu nǔu ńcú mbɔ̌ Pɔ̂l ŋɡɔ: «Pɑ́Ꞌ ɔ píkŋɛ ŋɡɔ Kɑ́sɑ ŋɑknɛ yú ntsɑŋ lɑ́, ɔ ɡʉ ŋ́kɛ́ ŋ́ɡʉ mbi yɛ́.»

ŊwɑꞋnɛ-Gɑŋntúu Yɛ́su Kɛlístɔ 25:25

Ɛ́ ɡʉ nǔu mɔ, mbɔ ŋ kɑ́ jʉ́ɔ yɛcɔ́ yúu mi ɑ kɑ ɡɛnɛ tɛ ḿbɔ́ pɛ́ lɛɛ nǔu ńjẅí wɛ́ jẅínɛ pɔ́. KwɑꞋ jʉ́ kɑ píkŋɛ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Lɑ́ n zɑ́p yɑ́ɑ ŋɡɔ ŋ ɡʉ ńtúu wɛ́ Lɔ́mɑ ŋ́ɡɑ́ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 27:11

Pɔ̂l cú pɔ́Ꞌɔ, tɑ́tndɑ́-ntsɔ zúꞋ, ḿbɔɔ yîyɑ́ nu pɑ́t, ńzúꞋ pɔ nu yí ɛ́ cẅɛtnɛ ntsu-ŋu ẅí ɑ sɑ́Ꞌnɛ pʉɔ pinɛ pɔ́p fɑꞋnɛ tsɛt mɑ́mɑ́ kɑnúꞋ tɛ mbɑ yi ŋɡɑŋ-mɑ́mɑ́ kɑnúꞋ cúnɛ.

ŊwɑꞋnɛ-Gɑŋntúu Yɛ́su Kɛlístɔ 27:43

Lɑ́, tɑ́tndɑ́-ntsɔ pɛn mbɔɔ ḿbɔ́ ŋ́kɔŋ ŋɡɔ pɛ́ jẅí Pɔ̂l pɔ́, ńtɔꞋ wɔ́p nɛɡɛ yúu mi pɔ́p kwɑŋɛ́nɛ, ńcú mbɔ̌ pʉɔ pi pɔ́p jí nɛpúꞋ ŋki ŋɡɔ pɔ́p piitɛ ŋ́kúu ŋki, ḿbúꞋ ŋki ńcẅɛt ŋɡɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 27:6

Ŋ́kúu zúꞋu pɔ́Ꞌɔ, tɑ́tndɑ́-ntsɔ ẅí pɛk pɛpɔ́p nɛnnɛ lɑ́, jʉ́ɔ wɛcɔ́ mɑ́mɑ́ kɑnúꞋ tʉ́sɔŋ-Alɛkzɑŋndɛlii, ńdɔk shʉ́-ŋɡɔŋ-Itɑ́líyɑ ŋ́ɡʉ. A ɡɛ pɛk kúu tsɛt ẅîwɑ́ kɑnúꞋ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 28:1

Pɛk fú ntsu-nɛvú ńcẅɛt pɑ́Ꞌɑ, pɛ́ kúu ŋɡɑ́ŋ, ɛ́sẅíi wɛ́k ŋɡɔ lík-ŋɡɔŋ ẅi pɛk tʉ́ʉnɛ zúꞋu ɛ́ ŋɡɔ Mɑltɛ, ŋɡɔŋ ẅi ŋki kɑ zɛmɛnɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 28:16

Pɛk kúu tʉ́sɔŋ-Lɔ́mɑ pɛ́ pɛ́m ŋɡɔ Pɔ̂l pɔ́p tɑ́Ꞌ ndʉ̈ɔ́Ꞌntsɔ ẅi ɑ ɡʉ ḿbɔ́ ḿbyɛ́p wɛ́ ɡʉ ńtswɛ́ zʉꞋ yi Pɔ̂l kɔŋnɛ.

Ɛ́bɛlʉʉ 13:24

Pʉʉ cɛꞋlɛ pɑtsiinɛ wʉ́ʉ kɛ́ vuꞋ wɛcɔ́, ńcɛꞋlɛ mbɑ pʉɔ-Sɛ́ pɛ́tsʉʉ. Pʉɔ pɛ́ Itɑ́lîi cú ŋɡɔ n cɛꞋlɛ wʉ́ʉ.