ŊwɑꞋnɛ-Gɑŋntúu Yɛ́su Kɛlístɔ 26:23 - Kɑɑ Fí

²³ Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

ŊwɑꞋnɛ-Gɑŋntúu Yɛ́su Kɛlístɔ 26:23 Marejeleo ya Msalaba

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Mɑtʉ̈ɔ 27:53

ɛ́fú tsɛt mɛshi cẅɛɛtɛ. Yɛ́su ɡɛ ḿbɔ́ tɛ ńzẅíimɛ nǔu nɛvú, pɔ́p kúu Yɛlúsɑlɛm, tʉ́sɔŋ-ndɛ́ɛnɛ Lɛ́ɛnɛ́nɛ, pʉɔ tɛ ńzɑ́ɑ jʉ́ɔ wɔ́p.

Lúkɑ́shi 2:32

Ɛ́ pɔ́ kyɛꞌ yi ɛ́ ɡʉ ŋ́ɡɛ pɛ́ jí wú zʉꞋ tsʉʉ. Pɔ́Ꞌɔ, ɔ lɔk ŋ́ɡɑ́ ɡúꞋlɛ mbɔ̌ Íslɑɛ̂l, lɑ́Ꞌ yú.»

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

Lúkɑ́shi 24:46

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.

Jɑ̂ŋ 10:18

Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

ŊwɑꞋnɛ-Gɑŋntúu Yɛ́su Kɛlístɔ 13:34

Sɛ́ kɑ ɡɛ Yɛ́su zẅíimɛ nǔu nɛvú. Pɔ́Ꞌɔ lɑ́, ɑ kíi ńdɑ́Ꞌ ḿbɛn ḿbɛn tsɛt nɛshi pɑ́Ꞌ ḿbɔ́ ɑ lʉ̈ɔ́ pɔ́. Ɛ́ pɔ́ nu yí Sɛ́ kɑ zɛɛnɛ ńzɑ́Ꞌ njí ńcú ŋɡɔ: «Mɔ, ŋ ɡʉ ŋ́ɡɛ ńníꞋ mbɔ́tnɛ yɑɑ nǔu pʉʉ ɛ́ pɔ́ kwɑꞋ yîyɑ́ yi ŋ kɑ pʉ́nɛ mbɔ̌ fɔɔ Ndɑvît.»

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 26:8

Pʉʉ ẅi pʉʉ sɛ́ ńzẅíꞋlɛ nu yí n cúnɛ lɑɑ, pʉʉ kɛ́ ńdʉꞋ nɛpɛ́m ŋɡɔ Sɛ́ lɑɑ ḿbɔ́ ɑ ńzẅíimɛ pʉɔ nǔu nɛvú mɛlɑ́Ꞌ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 3:18

Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 3:24

Pɛŋɡɛ́mndʉ̈ɔ́Ꞌ-Sɛ́ pi pɔ́p kɑ cúnɛ nu tɛ ɛ́fú nǔu Sɑmîɛ, ŋ́kúu nǔu pinɛ pɔ́p kɑ pɑ́ɑtɛnɛ nzʉʉ yɛ pɛ́tsʉʉ, pɔ́p kɑ lɛꞋlɛ yɔ́p pɑ́Ꞌ mɔ mɛlɛ́Ꞌ ɡʉ ńdɑ́Ꞌ ḿbɔ́ pɔ́Ꞌɔ.

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Ɛ́bɛlʉʉ 2:10

Sɛ́ kɑ ɡɛ yúu tsʉʉ yi ɛ́ ndǔmbí ɛ́ pɔ́ ɡú, ḿbɔ́ pɔ yúu pɛ́. Pɑ́Ꞌ ɑ kɑ pɛn ḿbɔ́ ŋ́kɔŋ ŋɡɔ pʉɔ tɛ ńzɑ́ɑ ɡʉ ńtsʉ́Ꞌ pʉɔ pɛ́, ɛ́ pɔ́ tsɛt nɛɡúꞋ wɛ lɑ́, Yɛ́su pɛn ŋ́ɡẅɛɛ nɛɡɛ pɔ́p luk lɑ́, ɛ́ kɑ pɔ́ ḿbíkŋɛ ŋɡɔ ɑ ɡɛ Yɛ́su fú nǔu ŋɡʉ̈ɔ́Ꞌ yi ɑ jʉ́ɔnɛ, ŋ́kuꞋ ŋu ẅí ɑ ɡʉ ŋ́ɡɛ pɔ́p luk.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.