ŊwɑꞋnɛ-Gɑŋntúu Yɛ́su Kɛlístɔ 26:10 - Kɑɑ Fí

¹⁰ Ɛ́ yúu mi ŋ kɑ ɡɛnɛ tʉ́sɔŋ-Yɛlúsɑlɛm. Ŋ kɑ ɡẅɛɛ pʉɔ-Yɛ́su tɛ pɔ́p zɑ́ɑ zɑ́ɑnɛ, ḿmɑꞋ ndɑ́tsɑ́ŋ, ńzɛɛ ŋ́ɡɔ ŋ́ɡɛ pɔ́Ꞌɔ, pɛtɑ́tndɑ́-pɑnɔŋpɔꞋ zɛɛnɛ ḿbɔ́ ńtúu wɑ́ɑ nɛ́ mɛŋwɑꞋnɛ. Pɛ́ pɔ́ tɛ ḿbɔ́ ŋ́ɡʉ ńjẅítɛ wɔ́p n zɑ́p wɑɑ ntsu nǔu.

ŊwɑꞋnɛ-Gɑŋntúu Yɛ́su Kɛlístɔ 26:10 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 7:58

ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 8:1

Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 9:21

Mbɑ wɔ̌ lɑ́ zúꞋ pɑ́Ꞌ ɑ cúnɛ, ḿmɑɑ tɛꞋ. Pɛ́ pɔ́ ńcú ŋɡɔ: «Yɑ́ pɔ́ wɔ̌! A kɑ́ pɔ́ ŋu wɑ́ ẅi ɑ ḿbɔ́nɛ Yɛlúsɑlɛm ŋ́ɡɛ pʉɔ pi pɔ́p sɛ́ ŋ́ɡúꞋlɛ Sɛ́, ɛ́fúŋ lík-Yɛ́su, jʉ́ɔ ŋɡʉ̈ɔ́Ꞌ lɑ́ pɔɔ? A ŋkɑɑ tɔ́ zɑꞋnɛ nɛɡẅɛɛ wɔ́p, ŋ́kút ŋ́ɡʉ ŋ́ɡɑ́ mbɔ̌ pɛtɑ́tndɑ́-pɑnɔŋpɔꞋ lɑ́ pɔɔ?»

ŊwɑꞋnɛ-Gɑŋntúu Yɛ́su Kɛlístɔ 9:26

Ŋ́ɡɛ pɔ́Ꞌɔ, Sɔ̂l ɡʉ tɛ ŋ́kúu Yɛlúsɑlɛm, ŋ́kúu zúꞋu ńdɔɔ nɛkúu tsɛtsɛt pɑpɛ́m Yɛ́su. Lɑ́ pʉɔtsʉʉ pɔ́ ḿbɔ́k wɛ́ pɔ́knɛ, ńzɛɛ ŋ́ɡɔ ḿbɔ́, sɑ̌ɑ ŋu pɔɔ ḿbɔ́ ḿbɛ́m ŋɡɔ Sɔ̂l tsuŋ ḿbɛ́m Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 9:32

Pyɛ̂ ɡɛ ḿbɔ́ yɛcɔ́ ŋ́kɑ́ ḿbɔ́ ńnɛn tsɛt lɑ́Ꞌ, ḿbɔ́ yɛcɔ́ lɛ́Ꞌ, ŋ́ɡʉ njɛ́Ꞌ-pɑpɛ́m-Yɛ́su pi pɔ́p tswɛ́nɛ Lidɑ,

ŊwɑꞋnɛ-Gɑŋntúu Yɛ́su Kɛlístɔ 9:41

Pyɛ̂ ɡẅɛɛ pɔ́ yɛ́, ŋ́ɡɛ ɑ lɔ sɛ́. A ɛ́fúŋ pɑpɛ́m Yɛ́su pɔ́p pɛpfúk, ńnyɛt Tɑpítɑ mbɔ̌ pɔ́p, ɑ pɔ́ sʉ́Ꞌnɛ.

1 Kɔlɛ̂ŋtɛ 15:9

mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.

Ŋɡɑlɑ̂t 1:13

KwɑꞋ pʉʉ kɑ zɛɛ ńzúꞋ pɑ́Ꞌ ŋ kɑ pɔ́ ŋ́ɡɛ pɔ́Ꞌɔ, ŋkɑ́ yi ŋ kɑ pɛ́t ḿbɔ́ ŋ́ɡúꞋlɛ Sɛ́ nǔu ntɛ́ yɛ́ pɑyúdɑ. Pʉʉ sɛ́ ńjí ntɛ́ yi ŋ kɑ pɔ́ ńdɔk ɛ́sɑ́Ꞌ tʉʉ ńtsɔ́Ꞌ ku-cúꞋlɛ-pʉɔ-zẅikŋɛ kɛpɔŋ ḿbɛn ńdɔɔ nɛpík wɔ́p pɔ́Ꞌɔ.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Mɛnu ɛ́ ńdɑ́Ꞌ ńcẅɛt 17:6

N jʉ́ɔ mɑŋɡɛ́ ɛ̂wɑ́, mbɔ ɑ nɔ́ mɛci-pʉɔ-Sɛ́ mbɑ mɛ́ pʉɔ pi pɔ́p cúnɛ yúu mi pɔ́p jínɛ nǔu Yɛ́su nɔ́ tɛ ḿbɑ́. N jʉ́ɔ wɛ́ tɛ ḿmɑɑ tɛꞋ.