ŊwɑꞋnɛ-Gɑŋntúu Yɛ́su Kɛlístɔ 24:15 - Kɑɑ Fí

¹⁵ Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 24:15 Marejeleo ya Msalaba

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Jɑ̂ŋ 11:24

Mɑ́ktɑ pʉ̈ɔt ŋɡɔ: «N jí ŋɡɔ ɑ ɡʉ ŋ́ɡɛ ńzẅíimɛ nǔu ndẅiknzʉʉ lɛ́Ꞌlɑ́Ꞌ pɑ́Ꞌ pɛpfú ɡʉ ńdɑ́Ꞌ ḿbɔ́ ńzẅíimɛ.»

ŊwɑꞋnɛ-Gɑŋntúu Yɛ́su Kɛlístɔ 24:21

Tɑ́Ꞌ nu ɡú ḿbɔ́ yi ŋ kɑ tʉ́ʉnɛ mbi pɔ́p, ŋ́kɑꞋ ŋɡi yɑɑ tʉ́ ńcú ɛ́ pɔ́ pɑ́Ꞌ ŋ kɑ cúnɛ ŋɡɔ, pɛ́ kɑ pɔ́ ɛ́fɛn wɑ́ɑ mbi pɔ́p lɛ́Ꞌ ɛ̂yɑ́ mbíꞌŋɡɔ m bɛ́m ŋɡɔ Sɛ́ ɡʉ ńdɑ́Ꞌ ńzẅíimɛ pɛpfú.»

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Mɛnu ɛ́ ńdɑ́Ꞌ ńcẅɛt 20:6

Pɛpɔ́ttú, pʉɔ pí pɔ́p ɡʉ zẅíimɛ nǔu nɛvú nǔu nduŋmbi nɛzẅíimɛ, ɛ́ pʉɔ pí pɔ́p kwɑꞋ pɛ́ Sɛ́. Nɛvú wɛ mbɑ́ɑtɛ yɛ́pɑ́ pɔɔ pɛn ŋ́kuꞋ nɛɡẅɛɛ wɔ́p pɔ́. Pɔ́p ɡʉ ŋ́ɡɛ ḿbɔ́ pɑnɔŋpɔꞋ-Sɛ́, mbɑ pɛ́ Kɛlístɔ, pɔ́p pɛ́ Kɛlístɔ sɑ́Ꞌ mbí nǔu ŋɡuꞋ ntsɑ́Ꞌ.