ŊwɑꞋnɛ-Gɑŋntúu Yɛ́su Kɛlístɔ 24:11 - Kɑɑ Fí

¹¹ Nu yi ŋ ɡʉ ńcú, ɔ kuꞋ nɛlɔɔ yú nɛ́ túmbʉʉ yú ńjʉ́ɔ kɛ ɛ́ nɛ́nẅín ɔɔ, ɛ́ lɔ́Ꞌnɛ pɑ́Ꞌɑ ńdɔk ḿbɔ́ ndɑꞋ lɛ́Ꞌ ntsɔ̌ppɑ́ nɛ́ nɛɡɛ́m pɑ́Ꞌ ŋ kɑ ɡʉnɛ Yɛlúsɑlɛm nɛcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 24:11 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 21:18

Njí ɡɛ ŋ́kiɛ, pɛk pɛ́ Pɔ̂l ɡʉ njɛ́Ꞌ-Jɑ̂k, ŋ́kúu zúꞋu pɑcẅɛ́ɛ mbi tsɛt cúlɛ-pʉɔ-Kɛlístɔ yi Yɛlúsɑlɛm tɔ́ yɔ́p.

ŊwɑꞋnɛ-Gɑŋntúu Yɛ́su Kɛlístɔ 22:30

Njí ɡɛ ŋ́kiɛ, Tɑ́tndɑ́-pɛtɑ́tndɑ́-ntsɔ lɔɔ nɛtsuŋ ńniitɛ ńjí yúu mi pɑyúdɑ kɑ ɡɔ́ ɛ́fɛn Pɔ̂l, ɛ́fɛn ntɛ́ yɛ́tɛ́, ńcú pɛ́ kíɛꞋ mɛcɛ̂n nǔu wɛ́, ḿbɛn ńcú pɛ́ fúŋ pɛtɑ́tndɑ́-pɑnɔŋpɔꞋ pɔ́p pɛcɔ́ pɑŋɑkntsɑŋ-pɑyúdɑ, ŋ́ɡɛ pɛ́ lɔk Pɔ̂l ńcúŋ ńtɔ́ ńtík wɛ́ mbi pɔ́p.

ŊwɑꞋnɛ-Gɑŋntúu Yɛ́su Kɛlístɔ 23:11

Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 23:23

Tɑ́tndɑ́-pɛtɑ́tndɑ́-ntsɔ pɛn ŋ́ɡʉ nǔu pɛtɑ́tndɑ́-ntsɔ pɛ́, ńtsɔ́Ꞌ pɛ́ pɛ́pɑ́, ńcú mbɔ̌ pɔ́p ŋɡɔ pɔ́p niitɛ pɑlʉ̈ɔ́Ꞌntsɔ ŋkʉ yɛ́pɑ́, ŋ́ɡɛ pɑkɔ́Ꞌ lʉ̈ɔ́ mɛɡɛ́msɑɑmbɑ́, nɛ́ pɑɡẅɛɛ mɛkɔŋ ŋkʉ yɛ́pɑ́. Pɔ́p tʉ́ʉ pɑ́Ꞌ nɛm yɛ́nɛ́pfúꞋu nɛtúꞋ ɡʉ ŋ́ɡɛ ŋ́ɡɔ ŋ́kuꞋ pɔ́p lɔ sɛ́ ŋ́ɡʉ nɛ́ tʉ́sɔŋ-Sɛ́zɑlɛ̂.

ŊwɑꞋnɛ-Gɑŋntúu Yɛ́su Kɛlístɔ 24:1

Ɛ́ lɛɛ lɛ́Ꞌ pɛ́tɑɑ, Anɑníyɑs, tɑ́tndɑ́-pɑnɔŋpɔꞋ, cúŋ nɛ́ Sɛ́zɑlɛ̂, pɔ́p pɛcɔ́ pɛkɛ́m-lɑ́Ꞌ, ŋ́ɡɛ Tɛltúlus, ɑ pɔ́ ńtɔ́ɔtɛ nzʉʉ yɔ́p zʉꞋ-ntsɑŋ. Pɔ́p tɔ́ zúꞋu ɛ́fɛn Pɔ̂l mbi ŋɡɔ́mnɑɑ Fɛlɛshi.

ŊwɑꞋnɛ-Gɑŋntúu Yɛ́su Kɛlístɔ 24:17

Pɔ̂l pɛn ńcú ŋɡɔ: «Ŋ kɑ nɑ́ŋ túu tɛꞋ. Mɔ ḿbɔ́ pɑ́Ꞌɑ, mbɔ m bɛn Yɛlúsɑlɛm pɔ nɛɡɑ́ ŋkɑ́p pɛ́ tsupnɛ ńdɔk ńcẅɛ́lɛ́ lɑ́Ꞌ yɛ́k, mbɑ nɛɡɑ́ yúu nɛlɔk ŋ́ɡúꞋlɛ Sɛ́.