ŊwɑꞋnɛ-Gɑŋntúu Yɛ́su Kɛlístɔ 23:16 - Kɑɑ Fí

¹⁶ Pɔ́p ɡɔ́ ńcú pɔ́Ꞌɔ, wɛcɔ́ mɔ́ɔ mbɛ́ɛnɛ, ḿbɔ́ mɔ́ɔ-mɔ́ɔmɑ́ pɛ́ Pɔ̂l wɛ mɑŋɡɛ́, pɔ́ ńzúꞋ pɑ́Ꞌ pɔ́p lʉꞋnɛ ŋkʉ, ńdɔ sɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ, ŋ́kúu ndɑ́ ńzɑ́Ꞌ njí ɛ́sẅíi Pɔ̂l.

ŊwɑꞋnɛ-Gɑŋntúu Yɛ́su Kɛlístɔ 23:16 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 21:34

Lɑ́, lɑ́Ꞌ pɔ́ ɡíɛt pɔ mɛŋɡi mɛŋɡi. A pɔɔ yɛcɔ́ nu zúꞋ, ntɛ́ nɛsẅíi. A cú ŋɡɔ pɛ́ lɔk Pɔ̂l ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 21:37

Pɛ́ ɡʉ tɛ ńtsʉ́Ꞌ nɛníꞋ Pɔ̂l tsɛt ŋkɑ́Ꞌ-pɑlʉ̈ɔ́Ꞌntsɔ, ɑ cú mbɔ̌ Tɑ́tndɑ́-pɛtɑ́tndɑ́-ntsɔ ŋɡɔ: «Tɛ ɛ́ lɑɑ ḿbɔ́ pɛ́ pɛ́m n cú nu?» Ndʉ́m ɛ̂wɑ́ tsɔ́Ꞌ ŋɡɔ: «Ɔ zɛɛ ńjí nɛsẅíŋɛ cú-Ŋɡɛlɛk kɛ?

ŊwɑꞋnɛ-Gɑŋntúu Yɛ́su Kɛlístɔ 23:10

Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 23:17

Pɔ̂l zúꞋ, ɛ́fúŋ wɛcɔ́ tɑ́Ꞌ tɑ́tndɑ́-ntsɔ, ńcú mbɔ̌ wɛ́ ŋɡɔ: «Lɔk mɔ́ɔsuu wɔ, ŋ́ɡʉ ńcɑklɛ wɛ́ njɛ́Ꞌ tɑ́tndɑ́ wʉʉ. A ɡẅɛɛ nu yi ɑ ɡʉ nɛsẅíi wɛ́.»

ŊwɑꞋnɛ-Gɑŋntúu Yɛ́su Kɛlístɔ 23:32

Njí ɡɛ ŋ́kiɛ, pɛcɔ́ pɑlʉ̈ɔ́Ꞌntsɔ nɑ́ Pɔ̂l mbɔ̌ pʉɔ pi pɔ́p ɡẅɛɛnɛ pɛlʉ́ɔ. Pɔ́p ɡɔ́ ńdɔk wɛ́ ŋ́ɡʉ, pɑnɛn sɛ́ pɛn nzʉʉ tsɛt mɑ́mɑ́ ŋkɑ́Ꞌ Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 24:23

ńcú pɔ́Ꞌɔ, ḿbɛn ńcú mbɔ̌ tɑ́tndɑ́-ntsɔ ŋɡɔ ɑ lɔk Pɔ̂l ŋ́ɡʉ ńdẅɛꞋ ndɑ́tsɑ́ŋ, ḿbɔɔ kɛ́ ŋ́kút wɛ́ pɔ́, ḿbɔɔ kɛ́ ńtɔꞋ pɛsúu pɛ́ nɛtɔ́ ńcẅɛ́lɛ́ wɛ́ pɔ́.

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».