ŊwɑꞋnɛ-Gɑŋntúu Yɛ́su Kɛlístɔ 18:8 - Kɑɑ Fí

⁸ Kɛlíspus ẅi ɑ ndʉ́m tsɛt ndɑ́-cúꞋlɛ-pɑyúdɑ pɔ́p njẅɛtndɑ́ yɛ tsʉʉ ɡɛ ńzɑ́p tʉ́m yɔ́p nǔu Tsɑpʉɔ. Pɛ́ nuꞋ wɔ́p ŋki. Pʉɔ-Kɔlɛŋntɛ tɛ ńzɑ́ɑ zúꞋ sẅíŋɛ-Pɔ̂l ḿbɛ́m yɔ́p nɛpɔ́ pʉɔ-Kɛlístɔ. Pɛ́ nuꞋ wɔ́p ɡúu ŋki.

ŊwɑꞋnɛ-Gɑŋntúu Yɛ́su Kɛlístɔ 18:8 Marejeleo ya Msalaba

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑ́lɛ́kúshi 5:22

wɛcɔ́ ŋu tɔ́, lík yɛ́ pɔ́ ŋɡɔ Yɑyɛ́lɔ, ɑ pɔ́ wɛcɔ́ tɑꞋ nǔu pɛlʉ́m tsɛt ndɑ́-cúꞌlɛ-pɑyúdɑ, ḿbɔ́ tɛ ńjʉ́ɔ Yɛ́su, ŋ́ɡɔ́ɔ ńnɔɔ mɛku yɛ́,

Mɑ́lɛ́kúshi 5:35

Yɛ́su pɛ́t ńcú nu mbɔ̌ mɑŋɡɛ́ ɛ̂wɑ́ cúnɛ, pɛcɔ́ ntɑ́Ꞌ-pʉɔ fú njɛ́Ꞌ-Yɑyɛ́lɔ, ńtɔ́ ɛ́sẅíi wɛ́ ŋɡɔ mɔ́ɔ nɛ ńdɑ́Ꞌmɔ́ ḿpfú, ŋɡɔ kɔɔ ɑ pɛn ḿbɑ́klɛ Ndɛ.

ŊwɑꞋnɛ-Gɑŋntúu Yɛ́su Kɛlístɔ 10:2

A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 11:14

A ɡʉ ńtɔ́ ɛ́sẅíi wú nɛ́ mɛnu mi Sɛ́ ɡʉ ńdɛɛ nǔu ŋ́ɡɛ pʉʉ njẅɛtndɑ́ yu luk.

ŊwɑꞋnɛ-Gɑŋntúu Yɛ́su Kɛlístɔ 13:15

Pɛ́ fúŋ sẅíŋɛ-Sɛ́ tsɛt ŋwɑꞋnɛ-nɛpʉ́ʉ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, ɛ́fúŋ tɛ ḿbɔ́tnɛ ńnɑ́ŋ, pɛlʉ́m tsɛt yîyɑ́ ndɑ́-cúꞋlɛ túu pɛ́ ɡʉ ḿbíkŋɛ wɔ́p ŋɡɔ: «Pɔ́ɔpɛ́mɑ́, pʉʉ lɑɑ ŋ́ɡẅɛɛ sẅiŋɛ nɛlɔk ńníꞋ mɛtʉʉ pʉɔ, pʉʉ ɡɑ́.»

ŊwɑꞋnɛ-Gɑŋntúu Yɛ́su Kɛlístɔ 16:34

A pɛn ńdɔk wɔ́p pɛ́pɑ́ ḿbʉ́ʉ ŋ́ɡʉ ndɑ́ yɛ, ŋ́ɡɑ́ yúu pɔ́p jʉ́. Pɔ́p pɛ́ njẅɛtndɑ́ yɛ tsɑ́ɑtɛ, mbíꞋŋɡɔ pɔ́p zɑ́b tʉ́m yɔ́p nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:1

Yɔ nu lɛɛ, Pɔ̂l fú tʉ́sɔŋ-Atɛ̂n ŋ́ɡʉ nɛ́ tʉ́sɔŋ-Kɔlɛŋntɛ,

ŊwɑꞋnɛ-Gɑŋntúu Yɛ́su Kɛlístɔ 18:17

Nu tsɑ wɔ́p pɔ́p pɛ́tsʉʉ tsʉ́Ꞌ ŋ́ɡẅɛɛ Sɔstɛ̂n ẅi ɑ ndʉ́m tsɛt ndɑ́-cúꞋlɛ pɔ́p, ńzɛ pɔ zʉꞋ yi pɛ́ ŋɑknɛ ntsɑŋ zúꞋu nɛtswɑ́ɑ wɛ́. Ŋɡɑlíyɔn pɔɔ tsɔ́p.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

ŊwɑꞋnɛ-Gɑŋntúu Yɛ́su Kɛlístɔ 8:12

Lɑ́ ŋkɑ́ Filîp kɑ tɔ́nɛ yɛ́, ḿbɔ́ ńcẅi Ŋkʉʉ Sʉ́Ꞌnɛ-Yɛ́su Kɛlístɔ, ḿbɔ́ ŋ́kyɛ́Ꞌtɛ pɑ́Ꞌ nɛfɔɔ-Sɛ́ pɔ́nɛ. Pʉɔ tɛ ńzɑ́ɑ, mbɛ́ɛnɛ pɔ́p pɑŋɡɛ́ zẅíꞋlɛ sẅiŋɛ yɛ́, ḿbɛ́m, ŋ́ɡɛ pɛ́ nuꞋ wɔ́p ŋki.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 6:11

Pʉʉ pɛsúu pɛk pi pɔ́p Kɔlɛ̂ŋntɛ, pɛk sẅíi wʉ́ʉ nɛ nu kɛ́ lẅɛꞋ pfuꞋ,pɛk tɛmtɛ ŋ́ŋíɛꞋ tʉ́m wɛ́k ńnyɛt wʉ́ʉ.

2 Timɔtɛ́ɛ 4:20

Ɛlɑstɛ kɑ ɡɔ́ŋ tʉ́sɔŋ-Kɔlɛ̂ŋntɛ. Ŋ kɑ nɑ́ Tɔlɔfîm tʉ́sɔŋ-Milɛ̂ ɑ pɔ́ ŋ́ɡɔɔ.