ŊwɑꞋnɛ-Gɑŋntúu Yɛ́su Kɛlístɔ 18:21 - Kɑɑ Fí

²¹ Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 18:21 Marejeleo ya Msalaba

Mɑtʉ̈ɔ 26:39

ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»

Mɑ́lɛ́kúshi 6:46

Yɛ́su lɛɛmɛ lɑ́Ꞌ tɛ pʉɔ ɡɔ́ ŋ́ɡʉ, ɑ kɔ́Ꞌ ndǔ nɛcɔ́ nɛŋkɔ́Ꞌ nɛcɛꞋlɛ Sɛ́.

Lúkɑ́shi 9:61

Wɛcɔ́ ŋu pɛn ńcú mbɔ̌ Yɛ́su ŋɡɔ: «Tɑ̌ɑ wɛk, ŋ ɡɛ ńcʉ́ɔ nzʉʉ ɡu. Lɑ́, tsʉ́Ꞌ n zɛɛ ŋ́ɡʉ ńdɛɛmɛ pʉɔ tsɛ́nndɑ́ yɛk lɑ́ ńtɔ́.»

ŊwɑꞋnɛ-Gɑŋntúu Yɛ́su Kɛlístɔ 15:29

Pʉʉ pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Pʉʉ pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Pʉʉ pɑ́ɑ mbɑ nɛkwɛ́t mɛci nɛ́ɛnɛ. Pʉʉ pɑ́ɑ nɛcẅɛꞋnɛ mbɑ wɔ̌ lɑ́ pʉʉ pɛpɔ́p nɔɔ nɔɔnɛ. Pʉʉ lɑɑ ńzúꞋ ntsu wɛk nǔu mɔnɛ mɛnu ŋ́kúꞋlɛ, mbɔ pʉʉ ɡɛ sʉ́Ꞌnɛ. Pɛk pɔ́ɔpɛ́mɑ́ pʉ́ʉ, pɛk cɛꞋlɛ wʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 18:19

Pɔ́p ɡʉ tɛ ŋ́kúu Ɛ́fɛ̂zɛ ńcẅɛt tsɛt kɑnúꞋ, Pɔ̂l nɑ́ Pɛlɛsɛkɑ pɔ́p Akilɑs, ŋ́ɡʉ ŋ́kúu ndɑ́-cúꞋlɛ-pɑyúdɑ, nɛsẅíi pɑyúdɑ nɛ́ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 18:20

Pɔ́p píkŋɛ wɛ́ ŋɡɔ pɔ́p pɛ́ pɔ́p nɑ́Ꞌ ńzɛɛ ńnɑ́ŋ. Lɑ́ ɑ pɔɔ pɛ́m.

ŊwɑꞋnɛ-Gɑŋntúu Yɛ́su Kɛlístɔ 18:24

Wɛcɔ́ ŋu-Yúdɑ ẅí pɛ́ kɑ pínɛ wɛ́ Alɛkzɑŋndɛlîi, pɛ́ fúŋ wɛ́ ŋɡɔ Apɔlɔ́s tɔ́ Ɛ́fɛ̂zɛ, ḿbɔ́ ŋu ńcú nu ɛ́ ńcẅɛt, ḿbɛn ńjí ŋwɑꞋnɛ-Sɛ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

ŊwɑꞋnɛ-Gɑŋntúu Yɛ́su Kɛlístɔ 19:17

Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 20:16

Pɛk kɑ ɡɔ́ ńnɛn yɔ ntɛ́, tɛ ńdɛɛ mbʉʉ-tʉ́sɔŋ-Ɛ́fɛ̂zɛ lɛɛnɛ, ɛ́ pɔ́ ŋɡɔ Pɔ̂l kɑ zɑ́p ŋɡɔ ɑ kɛ́ ɡɛ ńjúk ńdɑ́ɑtɛ tsɛt pɑk-ŋɡɔŋ-Azîi pɔ́, ḿbɔ́ ŋ́ɡwɛtnɛ ńtsɑ́ɑ nɛpɔ́ Yɛlúsɑlɛm lɛ́Ꞌ-Pɑŋntɛkɔ̂t pɑ́Ꞌ ɑ lɑɑ ŋ́kuꞋ.

ŊwɑꞋnɛ-Gɑŋntúu Yɛ́su Kɛlístɔ 21:14

Pɛk lɔɔ shʉ́ pɑ́Ꞌ pɛk ɡʉ ńtɔꞋ wɛ́ kɛ́kɑ́ŋ, ḿbɔ́tnɛ ńnɑ́ŋ, ńtsʉ́Ꞌ ńcú pɔ ŋɡɔ: «Ɛ́ pɔŋ ŋɡɔ Tsɑpʉɔ ɡɛ yúu mi ɑ lɑ́Ꞌnɛ ńzɑ́p ŋɡɔ ɛ́ ɡʉ ŋ́ɡɛ.»

ŊwɑꞋnɛ-Gɑŋntúu Yɛ́su Kɛlístɔ 21:29

Ńcú pɔ́Ꞌɔ, mbíꞋŋɡɔ pɔ́p kɑ jʉ́ɔ Pɔ̂l pɔ́ Tɔlɔfinɛ, mɔ́ɔ-Ɛ́fɛ̂zɛ pɔ́ tʉ́sɔŋ ḿbɔ́ ńnɛn. Pɔ́p pɔ́ ŋ́kwɑŋɛ ŋɡɔ Pɔ̂l lɔk wɛ́ ńtɔ́ ŋ́kúu tsɛt ZʉꞋ-nɔŋpɔꞋ.

Pʉɔ-Lɔ́mɑ 1:10

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ Sɛ́ ŋkɑ́ kʉ̈ɔ́ lɑ́, ńdɔ́ɔ mbɔ̌ wɛ́ ŋɡɔ ɑ ɡɛ pɑ́Ꞌ mɔ sɛ́ ńtsɑ́ɑ ŋkɑ́ tsʉʉ nɛɡʉ lɑ́Ꞌ pʉʉ lɑ́, ɛ́ puutɛ nǔu wɛ nɛkɔŋtɛ.

Pʉɔ-Lɔ́mɑ 15:32

Pɔ́Ꞌɔ, ŋ ɡɔ́ ńtɔ́ lɑ́Ꞌ pʉʉ, tʉ́m yɑ́ɑ pɔ́ ńtsɑ́ɑtɛ, Sɛ́ pɛ́m, mbɔ ŋ ɡʉ ńnɑ́ŋ tsɛtsɛt pʉʉ, ńnɑꞋ ńjẅiitɛ.

1 Kɔlɛ̂ŋtɛ 15:32

Ŋ kɑ tɔ́ Ɛ́fɛ̂zɛ wɔ pɛk pʉɔ mɑꞋ, yɔ́p ntɛ́ pɔ́ tɛ pɔ́p mɛyúu mɛku pɔ́ pɔ tɑ́Ꞌ yúu. Ɛ́ lɑɑ ḿbɔ́ yi pɛkŋɛ pɛpɔ́p kɑ pɔ́ ḿmɑꞋ pɔ́Ꞌɔ, yɑ́ɑ jínu tʉ́ʉ pɔ nǔu yúu mi ɛ́ tsɛt yɔ ndǔmbí, mbɔ pii yi ŋ kɑ jʉ́nɛ nǔu kʉ̈ɔ́? Ɛ́ lɑɑ ḿbɔ́ yi pɛ́ pfú ḿbɛn ḿbɔɔ ńzẅíimɛ nǔu nɛvú pɔ́, mbɔ ɛ́ tsʉ́Ꞌ ḿbíkŋɛ pɔ ŋɡɔ pɛkŋɛ ɡɛ pɑ́Ꞌ sɑknɛkɛt kɑ cúnɛ lɑ́ ŋɡɔ: «Yɛ ŋu yɛ́ ntsu wɛ́, mbíꞋŋɡɔ njí ŋ́kiɛ pɛ́ ɡʉ.»

1 Kɔlɛ̂ŋtɛ 16:7

Ŋ kɑ́ pɔ́ ŋ́kɔŋ nɛɡɔ́ ńjʉ́ɔ wʉ́ʉ ŋkɔ̂ɔnɛ, ḿbɔ́ ńdɛɛ lɛɛnɛ pɔ́. Tsɑpʉɔ lɑɑ ḿbɛ́m, mbɔ pɛkŋɛ ɡʉ ńnɑ́Ꞌ ńnɑ́ŋ.

1 Kɔlɛ̂ŋtɛ 16:8

Lɑ́ mɔ sɛ́ ŋ́kwɑŋɛ nɛnɑ́ŋ Ɛ́fɛ̂zɛ wɔ tɛ ndíinɑ-Pɑŋntɛkɔ̂t lɑ́Ꞌ ńdɛɛ,

1 Kɔlɛ̂ŋtɛ 4:19

Lɑ́ Tsɑpʉɔ lɑɑ ḿbɛ́m, mbɔ mɔ ŋ́ɡɛ fɛ́Ꞌnɛ ńtɔ́ ńjʉ́ɔ wʉ́ʉ. Ńtɔ́ pɔ́Ꞌɔ, mbɔɔ líŋɛ nu pɔ ndɑꞋ nǔu sẅiŋɛ yi pɔ́p niitɛ́nɛ ńcú mbɔ̌ lɑ́Ꞌ pɔ́, m bɛn ńjí yúu mi pîpɑ́ ɡɑŋ-ŋɑ́Ꞌlɛ kuꞋ nɛɡɛ.

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Ɛ́bɛlʉʉ 6:3

Pɛkŋɛ nɑ́ mɔnɛ mɛnu, ńdut ŋ́ɡʉ nɛ́ mbi, pɑ́Ꞌ Sɛ́ lɑɑ ḿbɛ́m.

Jɑ̂k 4:15

Pʉʉ ḿbɔ́ ŋ́ɡʉ ńcú pɔ ŋɡɔ, Tsɑpʉɔ lɑɑ ḿbɛ́m, mbɔ pɛk ɡʉ ḿbɔ́ sʉ́Ꞌnɛ, ŋ́ɡɛ yɔ, ŋ́ɡɛ yi.

1 Pyɛ̂ 3:17

Mbii ŋu nɛɡɔ́ ńjʉ́ɔ ŋɡʉ̈ɔ́Ꞌ ḿbɔ́ ŋ́ɡɛ pɔ nu sʉ́Ꞌnɛ pɑ́Ꞌ Sɛ́ lɑɑ ŋ́kɔŋ ŋɡɔ ɛ́ pɔ́ pɔ́Ꞌɔ, ńdɛɛ pɑ́Ꞌ mbɔ ŋu ɡɔ́ ńjʉ́ɔ ŋɡʉ̈ɔ́Ꞌ ḿbɔ́ ŋ́ɡɛ nu kɛpɔŋ.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»

Mɛnu ɛ́ ńdɑ́Ꞌ ńcẅɛt 2:1

Ŋ ŋwɑꞋnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Ɛ́fɛ̂zɛ. Ŋwɑꞌnɛ ŋɡɔ: Ŋu ẅí ɑ ɡẅɛɛnɛ pɛcʉ̈ɔ́Ꞌ-sɑŋ sɑɑmbɑ́ nǔu lɑ́ɑpɔ́ yɛ́ yi tʉʉ lɑ́, jʉ́ ẅi ɑ ɡɔ ńnɛn, mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ ɛ́ tʉ̈ɔ́Ꞌlɛ wɛ́ ńníꞋ sɔŋ lɑ́, ɑ sɛ́ ńcú ŋɡɔ: