ŊwɑꞋnɛ-Gɑŋntúu Yɛ́su Kɛlístɔ 18:12 - Kɑɑ Fí

¹² Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 18:12 Marejeleo ya Msalaba

Mɑtʉ̈ɔ 27:19

Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.

Jɑ̂ŋ 19:13

Pilɑ́tɔ zúꞋ pɔ́Ꞌɔ, ńdɔk Yɛ́su ɛ́fú ntɔ́Ꞌ ńcẅɛt, ńnɑ́ŋ ndǔ kɔꞋ-nzɑ́Ꞌntsɑŋ, zʉꞋ yí pɛ́ kɑ lɔknɛ mɛŋɡɔꞋ ńnɔŋ, pɛ́ fúŋ nǔu sẅiŋɛ-pʉɔ-Hɛbɛlʉ́ʉ ŋɡɔ Ŋɡɑbɑ́tɑ.

ŊwɑꞋnɛ-Gɑŋntúu Yɛ́su Kɛlístɔ 13:12

Ŋɡɔmnɑɑ jʉ́ɔ yúu mi ɛ́ lɛɛnɛ, ńzɑ́p tʉ́m yɛ́ nǔu Yɛ́su. Ɛ́ ɡɔ́ ḿbɔ́, mbɔ nu-Tsɑpʉɔ yi pɛ́ sẅíinɛ wɛ́, níꞋ mɛtʉʉ mɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

ŊwɑꞋnɛ-Gɑŋntúu Yɛ́su Kɛlístɔ 13:7

A pɔ́ ŋu nǔu pʉɔ pi pɔ́p nɛjɔ́ŋ-ŋɡɔ́mnɑɑ Sɛlɡẅís Pɔlɔs. Ŋɡɔ́mnɑɑ ɛ̂wɑ́ pɔ́ ŋu ŋ́ɡẅɛɛ jínu tɛꞋ. A cú pɛ́ ɡʉ ɛ́fúŋ Pɑnɛpɑ́ɑshi pɔ́p Sɔ̂l ŋ́ɡɑ́ mbɔ̌ wɛ́, mbíꞋŋɡɔ ɑ kɑ pɔ́ ńtsɑ́ɑ nɛzúꞋ nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 18:11

Pɔ̂l tswɛ́ Kɔlɛ̂ŋntɛ tɑ́Ꞌ ŋɡuꞋ nɛ́ pɛsɑŋ pɛ́nɛ́túkú, ḿbɔ́ ńzíꞋ pʉɔ nɛ́ nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:27

Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 25:10

Pɔ̂l tsɔ́Ꞌ mbɔ̌ wɛ́ ŋɡɔ: «N tʉ́ʉ pɑ́Ꞌɑ zʉꞋ-ntsɑŋ-Kɑ́sɑ. Pɛ́ ɡʉ ŋ́ŋɑk yɑɑ ntsɑŋ pɔ zɑꞋnɛ. Mɔ ŋkɑɑ yɛcɔ́ nu mbɔ̌ pɑyúdɑ fɑɑnɛ. Ɔ tsuŋ ḿbɔ́ ńjí.

Pʉɔ-Lɔ́mɑ 15:26

MbíꞋŋɡɔ pʉɔ-Kɛlístɔ pi pɔ́p Mɑsɛndwɑn mbɑ pɛ́ Akɑ̂y kɑ jʉ́ɔnɛ ŋɡɔ pɔ́p ɡʉ ḿmɑꞋ ŋkɑ́p ńdɔk cẅɛ́lɛ́ pʉɔ-Kɛlístɔ pi pɔ́p Yɛlúsɑlɛm, ḿbɔ́ pɛpúŋ.

Pʉɔ-Lɔ́mɑ 16:5

Pʉʉ pɛn ḿbúꞋ mbɔ́ mbɔ̌ cúꞋlɛ-pʉɔ-Kɛlístɔ yi ɛ́ ndɑ́ pɔ́p. Pʉʉ cɛꞋlɛ Ɛpɛ́nɛt, mɔ́ɔmɑ́ wɑ́ɑ wɛ tʉʉndɛn. A nduŋmbi ŋu nɛzɑ́p tʉ́m nǔu Kɛlístɔ tsɛt pɑk-ŋɡɔŋ-Azîi.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 11:10

Mɔ ɛ́fú nǔu nu nɛ́nẅín-Kɛlístɔ yi ɛ́ tsɛt tʉ́m mɔ, ńcú mbɔ̌ pʉʉ ŋɡɔ, n dɑɑ ŋ́ɡʉ pɔ ɡɔ́ tsɛt Akɑ̂y, m bɔɔ mɛꞋ yîyɑ́ luk yi n dɔknɛ ŋ́kɑꞋmɛ pɔ́. M bɔɔ lɑ́Ꞌ yɛcɔ́ lɛ́Ꞌ ńcẅɛ́ɛ yúu mbɔ̌ ŋu wʉʉ pɔ́.

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

1 Tɛsɑlɔník 2:14

Pɔ́ɔpɛ́mɑ́, ŋɡʉ̈ɔ́Ꞌ yi ɛ́ kɑ kúunɛ pʉɔ-Kɛlístɔ Judɛ̂ pi pɔ́p kɑ zɑ́pnɛ tʉ́m nǔu Kɛlístɔ, ńcúꞋlɛ ńtsʉ́Ꞌ pʉɔ-Sɛ́, kɑ kúu wʉ́ʉ ɡúu. N cú mbíꞋŋɡɔ pʉɔ lɑ́Ꞌ pʉ́ʉ kɑ nyɛt wʉ́ʉ nɛ́ ŋɡʉ̈ɔ́Ꞌ, ɛ́ pɔ́ pɑ́Ꞌ pɑyúdɑ, pʉɔ-lɑ́Ꞌ pɔ́p ɡúu, kɑ nyɛtnɛ wɔ́p nɛ́ ŋɡʉ̈ɔ́Ꞌ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

Jɑ̂k 2:6

Lɑ́ ŋ́ɡʉ nǔu pʉʉ, mbɔ pʉʉ kɑ cɔŋ ndɛn-pɛpúŋ. Lɑ́ pɛɡɑŋyúu kɑ́ pɔ́nɛ ɛ́fíɛt wʉ́ʉ pɔ́ ɔɔ? Pɔ́p kɑ́ pɔ́nɛ ńdɔk wʉ́ʉ ńnɛn mɛndɑ́tsɑ́ŋ pɔ́ ɔɔ?