ŊwɑꞋnɛ-Gɑŋntúu Yɛ́su Kɛlístɔ 16:13 - Kɑɑ Fí

¹³ Lɛ́Ꞌnji-pɑyúdɑ pɔ́, pɛk fú tʉ́sɔŋ ńcẅɛt, ŋ́ɡʉ tɛ ŋ́kúu mbʉʉ yɛcɔ́ ŋki, ḿbɔ́ ŋ́kwɑŋɛ yɛ́k pɔ ŋɡɔ pɛk ɡʉ ŋ́ɡʉ tɛ ŋ́kúu zúꞋu, ɛ́ ɡɛ ŋɡɔ́ku ɔɔ pɛk jʉ́ɔ zʉꞋ yí pɑyúdɑ cúꞋlɛ́nɛ zúꞋu ńcɛꞋlɛ Sɛ́. Ŋ́kẅɛ́ɛtɛ pɛcɔ́ pɑŋɡɛ́ zúꞋu, ńnɑ́ŋ yɛ́k sɛ́ ńcú nu-Sɛ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 16:13 Marejeleo ya Msalaba

Mɑtʉ̈ɔ 13:2

Nɔɔ-lɑ́Ꞌ tɔ́ ńcúꞋlɛ nɛjɔ́ŋ yɛ́ tɛ ńzɑ́ɑ tɛꞋ, pɔ́Ꞌɔ ɑ kúu tsɛt kɑnúꞋ, ńnɑ́ŋ. Nɔɔ-lɑ́Ꞌ tʉ́ʉ mbʉʉ-ŋki.

Mɑ́lɛ́kúshi 16:15

Ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉʉ ɡʉ zʉꞋ tsʉʉ ndǔ mbí, ńcẅi Ŋkʉʉ Sʉ́Ꞌnɛ mbɔ̌ mbɑ wɛ́t ŋumɛsɔŋ lɑ́ kɛ́ vuꞋ wɛcɔ́.

Lúkɑ́shi 13:10

Ɛ́ pɔ́ yɛcɔ́ lɛ́Ꞌnji-Pɑyúdɑ, Yɛ́su pɔ́ ndɑ́-cúꞋlɛ-Pɑyúdɑ ḿbɔ́ ńdɛꞋlɛ nu-Sɛ́ mbɔ̌ lɑ́Ꞌ.

Jɑ̂ŋ 8:2

ŋ́ɡɛ ḿmʉ́ʉ mbɑ́ꞋmbɑꞋɑ́ ḿbɛn ndɑ́-nɔŋpɔꞋ. Lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ nɑ́ŋ sɛ́, ḿbɔ́ ńzíꞋ wɔ́p nɛ́ yúu.

ŊwɑꞋnɛ-Gɑŋntúu Yɛ́su Kɛlístɔ 13:14

Pɔ̂l pɔ́p Pɑnɛpɑ́ɑshi tsʉ́Ꞌ nzʉʉ ɛ́fú tʉ́sɔŋ-Pɛljɛ, ńdɔk mɛku ŋ́ɡʉ nɛ́ tʉ́sɔŋ-Antíyɔshɛ yi ɛ́ mbʉʉ Pisidîi. Lɛ́Ꞌnji-pɑyúdɑ ɡɛ ŋ́kuꞋ, pɔ́p ɡʉ ndɑ́-cúꞋlɛ, ŋ́kɔkŋɛ ńnɑ́ŋ sɛ́.

ŊwɑꞋnɛ-Gɑŋntúu Yɛ́su Kɛlístɔ 13:42

Pɔ́p kɑ mɛkŋɛ, Pɔ̂l pɔ́p Pɑnɛpɑ́ɑshí fú ndɑ́-cúꞋlɛ ńcẅɛt. Pɛ́ púꞋ mbɔ́ mbɔ̌ pɔ́p tɛꞋ ŋɡɔ pɔ́p lɑ́Ꞌ lɛ́Ꞌnji-pɑyúdɑ yi ŋɡɑp, ḿbɛn ńtɔ́ ɛ́sẅíi wɔ́p nɛ́ nu ŋ́ɡɑ́ nǔu yîyɑ́ nu.

ŊwɑꞋnɛ-Gɑŋntúu Yɛ́su Kɛlístɔ 16:16

Pɛk fú lɛ́Ꞌ ɛ̂yɑ́ ńcẅɛt ḿbɔ́ ŋ́ɡʉ zʉꞋ yi pɛ́ cɛꞋlɛ́nɛ Sɛ́ zúꞋu, wɛcɔ́ mɔ́ɔ mɑŋɡɛ́ ẅi ɑ ḿbɔ́nɛ ŋkwɑɑ tɔ́ ńzɑ́Ꞌ wɛ́k. Mbɔ yɛcɔ́ zẅikŋɛ kɛpɔŋ kɑ kúu nǔu wɛ́, ŋ́ɡɛ ɑ kuꞋ nɛsẅíi pʉɔ nɛ́ mɛnu mi ɛ́ ɡʉ ńtɑ́ɑ lɑ́ ŋ́ɡɛ wɔ́p. Pɑzúu wɛ́ pɔ́ ńdɔk wɛ́ ńdɛp ŋkɑ́p tɛ ɛ́ zɑ́ɑ zɑ́ɑnɛ.

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 17:2

Pɔ̂l kúu tsɛt yîyɑ́ ndɑ́-cúꞋlɛ nɛjʉ́ɔ pɑyúdɑ, pɑ́Ꞌ ɛ́ ḿbɔ́nɛ mɑt mbɔ̌ wɛ́, nɛkúu mbɑ yɛ́tɛ́ tʉ́sɔŋ lɑ́ ńjʉ́ɔ ndɑ́-cúꞋlɛ-Pɑyúdɑ. Pɔ́p pɛ́ pɑyúdɑ pɔ́ ɛ́fúŋ ŋwɑꞋnɛ-Sɛ́ ɛ́shyɛ́ɛ kɔŋ ŋ́ɡɑ́ nǔu mɛlɛ́Ꞌnji mɛ́ntɑ́t.

ŊwɑꞋnɛ-Gɑŋntúu Yɛ́su Kɛlístɔ 18:4

Ŋɡɔŋ lɛ́Ꞌnji-pɑyúdɑ, Pɔ̂l ɡʉ ndɑ́-cúꞋlɛ pɔ́p, ńdɔɔ shʉ́ nɛsẅíi pɑyúdɑ pɔ́p pɑŋɡɛlɛ́k nɛ́ nu tɛ pɔ́p zúꞋ nu-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 20:7

Ɛ́ pɔ́ nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, pɛk cúꞋlɛ zúꞋu nɛjʉ́ yúu pɛjʉ́-Tsɑpʉɔ. Njí pɔ́ ŋ́ɡʉ kiɛ Pɔ̂l ɡʉ. A pɔ́ ɛ́sẅíi nu-Sɛ́ mbɔ̌ pɔ́ɔpɛ́mɑ́, ŋ́kɛ́ ɛ́sẅíi wɔ́p sẅíinɛ tɛ ŋ́kúu tʉʉtúꞋ.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.