ŊwɑꞋnɛ-Gɑŋntúu Yɛ́su Kɛlístɔ 13:6 - Kɑɑ Fí

⁶ Pɔ́p pɛ́ pɔ́p ɡɛ ɛ́fú zúꞋu ńjɛ́Ꞌ tɛ ŋ́kúu tʉ́sɔŋ-Pɑfɔs. Ŋ́kúu zúꞋu ńcẅɛ́Ꞌnɛ wɛcɔ́ ŋu-pɑyúdɑ, pɛ́ fúŋnɛ wɛ́ ŋɡɔ Mbɑ̂l-Yɛ́su. A pɔ́ ŋɡɑŋnɛkɑŋ, ńjúk ńcɔt nu mbɔ̌ pʉɔ ŋɡɔ ɑ Ŋɡɛ́mdʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 13:6 Marejeleo ya Msalaba

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

Mɑ́lɛ́kúshi 10:46

Yɛ́su pɔ́p ɡɑŋku pɛ́ ɡʉ tɛ ŋ́kúu Yɛlíkɔ́, ḿbɔ́ ńdɛɛ, mɑ́mɑ́ nɔɔ-lɑ́Ꞌ cẅɛt, ńcʉ́ɔ nzʉʉ. Wɛcɔ́ fʉmík nɑ́ŋ mbʉʉ-sɛ̂ndúŋ, ḿbɔ́ ńdɔ́ɔ ndɔ́ɔ, lík yɛ́ pɔ́ ŋɡɔ Mbɑltímɛ̂, ɑ pɔ́ mɔ́ɔ-Timɛ̂ɛ.

ŊwɑꞋnɛ-Gɑŋntúu Yɛ́su Kɛlístɔ 13:13

Pɔ̂l pɔ́p pʉɔ pi pɔ́p pɛ́ pɔ́p ḿbɔ́nɛ, ŋ́kúu wɛcɔ́ mɑ́mɑ́ kɑnúꞋ tʉ́sɔŋ-Pɑfɔs, ŋ́ɡʉ nɛ́ tʉ́sɔŋ-Pɛljɛ yi ɛ́ tsɛt ŋɡɔŋ-Pɑnfilî. Jɑ̂ŋ Mɑ́lɛ́kúshi ɡʉ tɛ ŋ́kúu zúꞋu, ńnɑ́ wɔ́p ḿbɛn nɛ́ Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

2 Kɔlɛ̂ŋtɛ 11:13

Pʉɔ ɛ̂pɑ́ kɑ́ pɔ́ kwɑꞋ ɡɑŋntúu-Kɛlístɔ pɔ́, pɔ́p cɔtnu ŋɡɔ pɔ́p fɑꞋ fɑꞋ-Kɛlístɔ. Mbɔ pɔ́p kɑ ɡɛmɔ́ tɛ ḿbɔ́ yi pɛ́ lɑɑ ńjʉ́ɔ wɔ́p pɛ́ cú ŋɡɔ pɔ́p ɡɑŋntúu-Yɛ́su.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.