ŊwɑꞋnɛ-Gɑŋntúu Yɛ́su Kɛlístɔ 13:33 - Kɑɑ Fí

³³ A kɑ kɛ́ ŋ́ɡɛ yîyɑ́ nu puutɛ tú pɛkŋɛ pí pɛkŋɛ mbɔ́ŋkʉ̈ɔ́ pɔ́p. A kɑ ɡɛ Yɛ́su zẅíimɛ nǔu nɛvú pɑ́Ꞌ pɛ́ kɑ ŋwɑꞋnɛnɛ tsɛt ŊwɑꞋnɛ-Mɛzɔpŋki, ɛ́ nǔu mbɑ́ɑtɛ pɑk pɛ́pɑ́ ŋɡɔ: «Ɔ Mɔ́ɔ wɑɑ, tɛ fú lɔ́Ꞌnɛ n tsʉ́Ꞌ tɑ́t wu.»

ŊwɑꞋnɛ-Gɑŋntúu Yɛ́su Kɛlístɔ 13:33 Marejeleo ya Msalaba

Jɑ̂ŋ 2:22

Ɛ́ yɛ́tɛ́ lɑ́ ɑ kɑ zẅíimɛ nǔu nɛvú, ɡɑŋku pɛ́ kẅíitɛ ŋɡɔ ɑ kɑ cú yɔ nu, ŋ́ɡɔ́ɔ ŋ́kɛ́ ḿbɛ́m, ḿbɛn ḿbɛ́m yi ŋwɑꞋnɛ-ndɛn kɑɑ kɑ cúnɛ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 13:30

Lɑ́ Sɛ́ zẅíimɛ wɛ́ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 13:34

Sɛ́ kɑ ɡɛ Yɛ́su zẅíimɛ nǔu nɛvú. Pɔ́Ꞌɔ lɑ́, ɑ kíi ńdɑ́Ꞌ ḿbɛn ḿbɛn tsɛt nɛshi pɑ́Ꞌ ḿbɔ́ ɑ lʉ̈ɔ́ pɔ́. Ɛ́ pɔ́ nu yí Sɛ́ kɑ zɛɛnɛ ńzɑ́Ꞌ njí ńcú ŋɡɔ: «Mɔ, ŋ ɡʉ ŋ́ɡɛ ńníꞋ mbɔ́tnɛ yɑɑ nǔu pʉʉ ɛ́ pɔ́ kwɑꞋ yîyɑ́ yi ŋ kɑ pʉ́nɛ mbɔ̌ fɔɔ Ndɑvît.»

ŊwɑꞋnɛ-Gɑŋntúu Yɛ́su Kɛlístɔ 13:37

Lɑ́ ŋ́ɡʉ nǔu Yɛ́su, mbɔ ɑ ŋkɑɑ kɛ́ ńdʉ̈ɔ́ tsɛt nɛshi pɔ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 2:24

Lɑ́ Sɛ́ kɑ kíɛꞋ mɛŋkʉ-nɛvú nǔu wɛ́, ńzẅíimɛ wɛ́ mbíꞋŋɡɔ ɑ kɑ zɛɛ ńtɛn pɑ́Ꞌ ɛ́ lɑɑ ḿbɔ́ nɛvú kúꞋlɛ wɛ́ ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Ɛ́bɛlʉʉ 5:5

Ɛ́ kɑ ɡʉ nǔu Kɛlístɔ ḿbɛn ḿbɔ́ pɔ pɔ́Ꞌɔ. Jʉ́ ŋkɑɑnɛ nɑ́ŋ tɛ ńcú ŋɡɔ ɑ ɡẅɛɛ nɛɡúꞋ wɛ NɔŋpɔꞋ wɛ ɡwɛ́ pɔ́. A kɑ ɡɔ́ ńtsʉ́Ꞌ pɔ́Ꞌɔ ɛ́ fú pɔ mbɔ̌ Sɛ́ wi ɑ kɑ cúnɛ mbɔ̌ wɛ́ ŋɡɔ: «Ɔ Mɔ́ɔ wɑ́ɑ, tɛ ɛ́fú lɔ́Ꞌnɛ m bɔ́ tɑ́t wu.»