ŊwɑꞋnɛ-Gɑŋntúu Yɛ́su Kɛlístɔ 13:25 - Kɑɑ Fí

²⁵ Jɑ̂ŋ ɡɛ ńtsʉ́Ꞌ nɛmɛkŋɛ fɑꞋ yɛ́, ḿbíkŋɛ lɑ́Ꞌ ŋɡɔ: «Pʉʉ pɑꞋnɛ ḿbɔ́ ŋ́kwɑŋɛ ŋɡɔ mɔ wɔ̌? Ŋ kɑ́ pɔ́ Nzɑ́Ꞌŋkʉ puꞋ pɔ́! Pʉʉ kɛ ńzúꞋ sʉ́Ꞌnɛ, ɑ nzʉʉ mɔ ḿbɔ́ ńtɔ́. N zɛɛ ḿbɔɔ kuꞋ ŋu ẅí ɛ́ lɑɑ ḿbɔ́ ŋ kíɛꞋ ŋkʉ-mɛtɑp mɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 13:25 Marejeleo ya Msalaba

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑ́lɛ́kúshi 1:7

A kɑ pɔ́ ɛ́sɑ́Ꞌ mbɔ̌ lɑ́Ꞌ ńcú ŋɡɔ: «Wɛcɔ́ ŋu nzʉʉ mɔ ḿbɔ́ ńtɔ́, ɑ tsɑ wɑ́ɑ, ŋ kɑ́ kuꞋ mbɑ nɛŋɔ́Ꞌnɛ sɛ́, ŋ́kíɛꞋ mɛŋkʉ-mɛtɑp mɛ́ pɔ́.

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

Jɑ̂ŋ 1:34

N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.

Jɑ̂ŋ 1:36

A mɑꞋ lík, ńjʉ́ɔ Yɛ́su pɑ́Ꞌ ɑ sɛ́ ńdɛɛ, ńcú ŋɡɔ: «Yɔ Mɔ́ɔ-Njinjɔ-Sɛ́.»

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:36

Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.

ŊwɑꞋnɛ-Gɑŋntúu Yɛ́su Kɛlístɔ 19:4

Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

Mɛnu ɛ́ ńdɑ́Ꞌ ńcẅɛt 11:7

Lɑ́, pɔ́p ɡʉ ŋ́kɛ́ ńcú nu yi pɔ́p sɛ́ ńjí nǔu mɔ tɛ ńnɑ́Ꞌcí, ŋkʉꞋnɛ nɑɑ ẅi ɑ fúnɛ tsɛt ɡɛm kɛ́ ndẅiklɛ ŋ́kɔ́Ꞌ, ɑ tɔ́ mɑꞋ wɔ́p nɛ́ ntsɔ, ńjʉ́ wɔ́p, ńjẅítɛ wɔ́p.