ŊwɑꞋnɛ-Gɑŋntúu Yɛ́su Kɛlístɔ 13:12 - Kɑɑ Fí

¹² Ŋɡɔmnɑɑ jʉ́ɔ yúu mi ɛ́ lɛɛnɛ, ńzɑ́p tʉ́m yɛ́ nǔu Yɛ́su. Ɛ́ ɡɔ́ ḿbɔ́, mbɔ nu-Tsɑpʉɔ yi pɛ́ sẅíinɛ wɛ́, níꞋ mɛtʉʉ mɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:12 Marejeleo ya Msalaba

Mɑtʉ̈ɔ 27:54

Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Jɑ̂ŋ 7:46

Pɑpyɛ́p ndɑ́-nɔŋpɔꞋ pʉ̈ɔt ŋɡɔ: «Pɛk ŋkɑɑ mɔ zúꞋ wɛcɔ́ ŋu sẅiŋɛ pɑ́Ꞌ ŋu ɛ̂wɑ́ pɔ́!»

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 13:49

Sẅiŋɛ-tsɑpʉɔ pɛn ḿbɔ́ ɛ́sɑt yîyɑ́ pɑk-ŋɡɔŋ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 13:7

A pɔ́ ŋu nǔu pʉɔ pi pɔ́p nɛjɔ́ŋ-ŋɡɔ́mnɑɑ Sɛlɡẅís Pɔlɔs. Ŋɡɔ́mnɑɑ ɛ̂wɑ́ pɔ́ ŋu ŋ́ɡẅɛɛ jínu tɛꞋ. A cú pɛ́ ɡʉ ɛ́fúŋ Pɑnɛpɑ́ɑshi pɔ́p Sɔ̂l ŋ́ɡɑ́ mbɔ̌ wɛ́, mbíꞋŋɡɔ ɑ kɑ pɔ́ ńtsɑ́ɑ nɛzúꞋ nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 15:35

Pɔ̂l pɔ́p Pɑnɛpɑ́ɑshi tsʉ́Ꞌ ńnɑ́ŋ yɔ́p pɔ zúꞋu. Pɔ́p nɛzɑ́ɑ pʉɔ pɔ́ ŋ́kɑ́t ńzíꞋ pʉɔ nɛ́ yúu, ḿbɛn ḿbɔ́ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 15:36

Ɛ́ nɑ́Ꞌ ńnɑ́ŋ mɔ́zʉꞋ, Pɔ̂l cú mbɔ̌ Pɑnɛpɑ́ɑshi ŋɡɔ: «Pûu pɛn nzʉʉ, ńdíŋɛ pɔ́ɔpɛ́mɑ́ pi pɔ́p tsɛt mɛtʉ́sɔŋ mí pûu kɑ lɛɛnɛ zúꞋu ɛ́sẅíi nu-Tsɑpʉɔ, ńdíŋɛ ńjʉ́ɔ pɑ́Ꞌ pɔ́p kɑ tsʉ́Ꞌnɛ ḿbɔ́.»

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 19:10

ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:20

Yɔ pɑ́Ꞌ Tsɑpʉɔ kɑ pɔ́ ńdɔk mɛtʉʉ mɛ́ ŋ́ɡɛ, sẅiŋɛ yɛ́ pɔ́ ŋ́kẅiꞋ ɛ́sɑt zʉꞋ, ḿbɔ́ ŋ́kẅiꞋ ŋ́ɡẅɛɛ tʉʉ ńdɔk ŋ́ɡʉ nɛ́ mbi.

ŊwɑꞋnɛ-Gɑŋntúu Yɛ́su Kɛlístɔ 19:38

Ɛ́ lɑɑ ḿbɔ́ yi Ndɛlmɛ́tɛ́lẅís pɔ́p ku-fɑꞋ yɔ́p ɡẅɛɛ nɛfɛn ŋu pɑ́Ꞌ pɛ́ ɡʉ ŋ́ŋɑk wɛ́, mbɔ pɑzɑ́Ꞌntsɑŋ ɡú. Mɛlɛ́Ꞌ mi pɛ́ ŋɑknɛ mɛtsɑŋ pɛn ḿbɔ́ ɡú. Ɛ́ zʉꞋ yi pɔ́p ɡẅɛɛnɛ nɛɡʉ zúꞋu ɛ́fɛn ntsɑŋ!

ŊwɑꞋnɛ-Gɑŋntúu Yɛ́su Kɛlístɔ 19:7

Pʉɔ ɛ̂pɑ́ pɛ́tsʉʉ ḿbɔ́ yúu ntsɔ̌ppɑ́ nɛ́ nɛɡɛ́m.

ŊwɑꞋnɛ-Gɑŋntúu Yɛ́su Kɛlístɔ 28:7

Tsɛtsɑ́Ꞌ-ŋútlɑ́Ꞌ túmbʉ́ʉ pɔ́ mbʉʉ zúꞋu. Pɛ́ fúŋ ŋɡɑŋ nɛ́ Pubilíyus. A jʉ́ɔ wɛ́k, ŋ́kúkŋɛ wɛ́k pɑ́Ꞌ pɛsúu pɛ́ lɑ́. Pɛk nɑ́ŋ njɛ́Ꞌ yɛ́ lɛ́Ꞌ pɛtɑ́t.

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

ŊwɑꞋnɛ-Gɑŋntúu Yɛ́su Kɛlístɔ 8:25

Gɑŋntúu-Yɛ́su ɛ̂pɑ́ pɛ́pɑ́ lɔk nɛsɑ́Ꞌ sẅiŋɛ-Tsɑpʉɔ Sɑmɑlîi ɛ̂wɑ́ ŋ́ɡɛ pɛ́ jí ŋu ẅí Yɛ́su jʉ́, ḿbɛn nzʉʉ nɛ́ Yɛlúsɑlɛm, ńnɛn sɛ̂ndúŋ ńcẅi Ŋkʉʉ Sʉ́Ꞌnɛ tsɛt mɛcɔ́ mɛlɑ́Ꞌ-pɑsɑmɑlîi.