ŊwɑꞋnɛ-Gɑŋntúu Yɛ́su Kɛlístɔ 13:10 - Kɑɑ Fí

¹⁰ ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

ŊwɑꞋnɛ-Gɑŋntúu Yɛ́su Kɛlístɔ 13:10 Marejeleo ya Msalaba

Mɑtʉ̈ɔ 13:38

Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 15:19

MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Lúkɑ́shi 11:39

Yɛ́su jí, ńtsɔ́Ꞌ mbɔ̌ wɛ́ ŋɡɔ: «Pʉʉ Pɑfɑlísɑy pʉʉ nɑ́ tsɛt ntúꞋ, pɔ́p tsɛt kɑ́ŋ, ɛ́suk yʉ́ʉ pɔ mbʉʉ yɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ kɑ́ suk sɔ́ɔ yi ɛ́ tʉ́m pʉʉ pɔ́, ḿbɛn ńnɑ́ŋ ŋ́kwɑŋɛ pɔ nɛɡẅɛɛ yúu pʉɔ ńcẅɛ́ɛ ńjʉ́.

Lúkɑ́shi 11:52

Ndɔ́ɔ tú pʉʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ kíitɛ sɛ̂ndúŋ ẅi pʉɔmɛsɔŋ lɛɛnɛ nǔu lɑ́ ńjí yúu mi Sɛ́ cúnɛ, ńdʉꞋ kwɑꞋ wʉ́ʉ ɡúu nɛlɛɛ nǔu, ḿbɛn ńtɑɑtɛ pʉɔ pinɛ pɔ́p sɛ́ ńtsɑ́ɑ nɛlɛɛ pɔ́Ꞌɔ.

Jɑ̂ŋ 1:23

Jɑ̂ŋ lɔk sẅiŋɛ yí ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ cúnɛ ńtsɔ́Ꞌ ŋɡɔ: «Mɔ ŋu ẅí ɑ kɔ̂ŋtɛt, ḿbɔ́ ɛ́sɑ́Ꞌ ńcú ŋɡɔ: pʉʉ sɑŋtɛ sɛ̂ndúŋ-Tsɑpʉɔ ɛ́ tʉ́ʉ ndʉ́ŋndʉŋ.»

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

ŊwɑꞋnɛ-Gɑŋntúu Yɛ́su Kɛlístɔ 20:30

Pʉɔ ńcẅɛt mbɑ tsɛtsɛt pʉʉ ńtʉ́ʉ, ńzɛ nɛzíꞋ cɔtnu ńdɔk shuŋ pʉɔ-Kɛlístɔ pɔ́p tsʉ́Ꞌ ńnɛn pɔ nzʉʉ pɔ́p.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

2 Pyɛ̂ 2:15

Pɔ́p kɑ mɛꞋ mɔ́ sɛ̂ndúŋ ẅi ɛ́ tʉ́ʉnɛ ndʉ́ŋndʉŋ, ḿbɛ́ ńtsʉ́Ꞌ ńnɛn pɔ nǔu wɛ Mbɑlɑm, mɔ́ɔ-Mbɔzɔ̂ɔ. Mbɔ pɛ́ kɑ ɡɑ́ ŋkɑ́p mbɔ̌ wɛ́, ńdɔk ńzúu wɛ́ pɑ́Ꞌ ɑ ɡʉ ŋ́ɡɛ nu kɛpɔŋ. A líŋɛ ŋkɑ́p ɛ́ pɔŋ wɛ́, ɑ pɛ́m.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.