ŊwɑꞋnɛ-Gɑŋntúu Yɛ́su Kɛlístɔ 13:1 - Kɑɑ Fí

¹ Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 13:1 Marejeleo ya Msalaba

Mɑtʉ̈ɔ 27:32

Pɑlʉ̈ɔ́Ꞌntsɔ lɔk wɛ́ ɛ́fú tʉ́sɔŋ ńcẅɛt, ńnɛn tɛ ḿbuutɛ wɛcɔ́ ŋu Silɛ̂nɛ, pɛ́ fúŋ wɛ́ ŋɡɔ Símɔ, pɛ́ ɛ́fyɛ́t wɛ́ ŋɡɔ ɑ tíi tʉ́ mbɑ́ŋtɛ pɑ́ŋtɛ́nɛ-Yɛ́su.

Lúkɑ́shi 3:1

Jɑ̂ŋ mɔ́ɔ Sɑkɑlíyɑ lɑ́Ꞌ ńtswɛ́ kɔ̂ŋtɛt tɛ Sɛ́ túu wɛ́ ŋɡɔ ɑ ɡʉ ɛ́sẅíi nu yɛ́. Ɛ́ pɔ́ ŋɡuꞋ ɛ̂yɑ́, mbɔ Kɑ́sɑ Tíbɛɛ ẅi ɑ m̄bɔ́nɛ ɛ́sɑ́Ꞌ ŋɡɔŋ nɛ́ ŋɡɔŋ, mbɔ ɑ nɑ́ŋ nǔu kɔꞋ ŋɡuꞋ ntsɔ̌pɛ́tɑɑ nɛ́ nɛɡɛ́m. Pɔ́ŋnti Pilɑ́tɔ pɔ́ ŋɡɔ́mnɑɑ ŋɡɔ́ŋ-Jẅidɛ̂, Ɛlɔ̂dɛ pɔ́ sɑ́Ꞌ ŋɡɔ́ŋ-Ŋɡɑlilɛ́, mɔ́ɔmɑ́ wɛ Filîp pɔ́ sɑ́Ꞌ Itẅílíyɑ pɔ́p Tɛ́lɑkɔnît, Lisɑníyɑs pɔ́nɛ ɛ́sɑ́Ꞌ Abilɛ̂n. Ánɑ pɔ́p Kɑyífɑ pɔ́ pɛtɑ́tndɑ́-pɑnɔ́ŋpɔꞋ.

ŊwɑꞋnɛ-Gɑŋntúu Yɛ́su Kɛlístɔ 11:30

Mbɑ wɔ̌ lɑ́ mɔɔtɛ pɑɑ yɛ́. Pɛ́ cúꞋlɛ ŋ́ɡɑ́ mbɔ̌ Pɑnɛpɑ́ɑshi pɔ́p Sɔ̂l. Pɔ́p lɔk ŋ́ɡʉ nɛɡɑ́ mbɔ̌ pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Judɛ̂ ɛ̂wɑ́.

ŊwɑꞋnɛ-Gɑŋntúu Yɛ́su Kɛlístɔ 12:25

Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 13:9

Zẅikŋɛ Lɛ́ɛnɛ́nɛ jʉ́ Sɔ̂l, ẅi pɛ́ pɛnnɛ ɛ́fúŋ wɛ́ ŋɡɔ Pɔ̂l lɑ́. A tík mík nǔu Ɛlímɑs,

ŊwɑꞋnɛ-Gɑŋntúu Yɛ́su Kɛlístɔ 15:32

Pɑ́Ꞌ Jẅidɛ pɔ́p Sílɑs ḿbɔ́nɛ pʉɔ pi pɔ́p nɑ́ŋnɛ ńcẅi Ŋkʉʉ ẅi ɛ́ fúnɛ mbɔ̌ Sɛ́ lɑ́, pɔ́p pɛ́ pɔ́p pɛn sẅiŋɛ pɑ́ꞋtɛꞋ. Pɔ́p niitɛ ńníꞋ mɛtʉʉ mɔ́p, ńtɔ́ɔtɛ wɔ́p pɔ́p tɛntɛ.

ŊwɑꞋnɛ-Gɑŋntúu Yɛ́su Kɛlístɔ 15:35

Pɔ̂l pɔ́p Pɑnɛpɑ́ɑshi tsʉ́Ꞌ ńnɑ́ŋ yɔ́p pɔ zúꞋu. Pɔ́p nɛzɑ́ɑ pʉɔ pɔ́ ŋ́kɑ́t ńzíꞋ pʉɔ nɛ́ yúu, ḿbɛn ḿbɔ́ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:6

Pɔ̂l pɔ́ tɛ ńzɑ́p mbɔ́ tú pɔ́p, Zẅikŋɛ Lɛ́ɛnɛ́nɛ kúu nǔu pɔ́p. Pɔ́p zɛ nɛsẅíŋɛ mɛsẅíŋɛ mí pɔ́p ŋkɑɑ mɔ zɛɛ ńzíꞋ pɔ́, ḿbɛn ḿbɔ́ ńcẅi Ŋkʉʉ ẅi ɛ́ fúnɛ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 21:9

A ɡẅɛɛ mbɔ́ŋkʉ̈ɔ́ pɛ́ pɔ́ɔ pɑŋɡɛ́ pɛ́nɛ́kwɑ, mbɔ pɔ́p kɑɑ zɔ́Ꞌ. Pɔ́p pɛŋɡɛ́mndʉ̈ɔ́Ꞌ-Sɛ́ nɑ́ŋ cẅi Ŋkʉʉ ẅí ɛ́ fúnɛ mbɔ̌ Sɛ́ mbɔ̌ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 4:36

Wɛcɔ́ ŋu pɔ́ zúꞋu, lík yɛ́ pɔ́ ŋɡɔ Yɔsɛ̂p, ḿbɔ́ ŋu nǔu njẅɛt-Lɛ́vi, mbɔ pɛ́ kɑ pí wɛ́ ŋɡɔŋ-Shíipɛlɛ. Gɑŋntúu kɑ pɔ́ ḿbɛn ɛ́fúŋ wɛ́ ŋɡɔ Pɑnɛpɑ́ɑshi, ɛ́ lɔk ńcú ŋɡɔ: «Ŋu ẅí ɑ níꞋnɛ mɛtʉʉ-pʉɔ.»

ŊwɑꞋnɛ-Gɑŋntúu Yɛ́su Kɛlístɔ 9:1

Sɔ̂l kɑ pɔ́ ŋkɑ́ ɛ̂yɑ́, ḿbɛ́t nzʉʉpɑpɛ́m Tsɑpʉɔ Yɛ́su, ńzɑ́Ꞌ pɔ ŋkwɑɑ ŋɡɔ ɑ ɡʉ ńjẅítɛ wɔ́p, ŋ́ɡʉ ńjʉ́ɔ Tɑ́tndɑ́-pɑnɔŋpɔꞋ,

Pʉɔ-Lɔ́mɑ 16:21

Timɔtɛ̂ɛ ẅí pɛknɛ fɑꞋnɛ, cɛꞋlɛ wʉ́ʉ. Lusius mbɑ Jɑsɔn mbɑ Sɔsipɑtɛɛ, pi pɛk pɛpɔ́p tɛmtɛ ḿbɔ́ pɑyúdɑ pɔ́p cɛꞋlɛ wʉ́ʉ ɡúu.

1 Kɔlɛ̂ŋtɛ 11:4

Ŋu mbɛ́ɛnɛ lɑɑ ŋ́ɡɔ́ ḿbúꞋ mbɔ́ mbɔ̌ Sɛ́, kɛ ŋ́ɡɔ́ ńcẅi Ŋkʉʉ ẅí ɛ́ fúnɛ mbɔ̌ Sɛ́ ɔɔ, ńdɔk yúu ḿbɔɔ tú yɛ́, mbɔ ɑ lɔk ńcɔŋ ndɛn-Kɛlístɔ ẅí ɑ ɡẅɛɛnɛ wɛ́.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 13:8

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́,

1 Kɔlɛ̂ŋtɛ 14:29

Ɛ́ ɡʉ nǔu nɛcẅi Ŋkʉʉ ẅí ɛ́ fúnɛ mbɔ̌ Sɛ́, pʉɔ pɛ́pɑ́ kɛ pɛtɑ́t ɔɔ, pɔ́ ńcú nu, pɛcɔ́ pʉɔ sɑ́ŋ nu ŋ́ɡɑ́ nǔu nu yi pɔ́p cúnɛ.

1 Kɔlɛ̂ŋtɛ 14:32

Sɛ́ kɑ ɡɛ ŋɡɔ ɛ́ ɡʉ tsɛtsɛt pʉɔ pi pɔ́p cẅinɛ Ŋkʉʉ ẅí ɛ́ fúnɛ mbɔ̌ wɛ́, mbɑ wɔ̌ lɑ́ nǔu pɔ́p jí yɛ́ ŋkɑ́ yi ɑ ɡʉ ńcú nu, yɛ́ nu pɔɔ vukŋɛ vukŋɛnɛ ńcẅɛt pɔ́,

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

Ŋɡɑlɑ̂t 2:13

Pɛcɔ́ pɔ́ɔpɛ́mɑ́ pi pɔ́p kɑ pɔ́ Antíyɔshɛ ḿbɔ́ pɑyúdɑ, pɛn ńcẅɛt yɔ́p pɛŋkɔŋmík pɑ́Ꞌ Pyɛ̂. Ɛ́ pɔ́ pɔ́nɛ tɛ kwɑꞋ Pɑnɛpɑ́ɑshi pɛn ŋ́ɡɛ yɛ́ pɔ pɔ́Ꞌɔ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

Filipɛ 4:22

Pʉɔ-Kɛlístɔ tsʉʉ cɛꞋlɛ wʉ́ʉ, n cú pɑ́Ꞌɑ kɛ́ likŋɛ cɛꞋlɛ yɛ́ pʉɔ-Kɛlístɔ pi pɔ́p ntɔ́Ꞌ-Kɑ́sɑ.

1 Tɛsɑlɔník 5:20

Kɔɔ pʉʉ ɡwɑ́k sẅiŋɛ-pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́,