ŊwɑꞋnɛ-Gɑŋntúu Yɛ́su Kɛlístɔ 12:6 - Kɑɑ Fí

⁶ Njí ḿbɔ́ ŋ́ɡʉ ŋ́kiɛ, fɔɔ Ɛlɔ̂dɛ tík Pyɛ̂ mbi lɑ́Ꞌ, pɛ́ ŋɑk wɛ́. Pyɛ̂ pɔ́ nɛtúꞋ, ńnɔɔ tsɛtsɛt pɑlʉ̈ɔ́Ꞌntsɔ pɛ́pɑ́, ḿbɔ́ ńdɛ́. Mbɔ pɛ́ lɔk mɛcɛ̂n mɛmbɑ́ ŋ́kút mbɔ́ mɛ́. Pɑpyɛ́p zʉꞋ pɔ́ ntsundɑ́, nɛpyɛ́p wɛ́.

ŊwɑꞋnɛ-Gɑŋntúu Yɛ́su Kɛlístɔ 12:6 Marejeleo ya Msalaba

Mɑtʉ̈ɔ 28:4

Pɑpyɛ́p nɛshi jʉ́ɔ pɔ́Ꞌɔ, ŋ́ɡwɛt, ḿbɔ́k, ḿvutɛ ńnɔɔtɛ sɛ́ pɑ́Ꞌ pɛpfú lɑ́.

ŊwɑꞋnɛ-Gɑŋntúu Yɛ́su Kɛlístɔ 12:5

Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

ŊwɑꞋnɛ-Gɑŋntúu Yɛ́su Kɛlístɔ 28:20

Yɔ yúu mi ɛ́ lɑ́Ꞌnɛ ŋ́ɡɛ lɑ́ n tsɑ́ɑ nɛjʉ́ɔ wʉ́ʉ pɛkŋɛ sẅiŋɛ. Pʉʉ jí yʉ́ʉ yúu mi pɑíslɑyɛ̂l lɔ ńjúk ḿbyɛ́p. Mɛcɛ̂n mɔnɛ pɛn ḿbɔ́ nǔu mbɔ́ mɑ́ɑ pɑ́Ꞌɑ ntɛ́ pɔ yúu mi pɛkŋɛ pyɛ́pnɛ.»

ŊwɑꞋnɛ-Gɑŋntúu Yɛ́su Kɛlístɔ 5:23

«Pɛk ɡʉ tɛ ŋ́kúu zúꞋu, ńjʉ́ɔ mɛtsu-ndɑ́tsɑ́ŋ tsuŋ ḿbɔ́ mɛ́ jʉ́ɔꞋnɛ. Pɑpyɛ́p zʉꞋ kɛ́ ńtʉ́ʉ pɔ ntsundɑ́. Pɛk tsɔ́Ꞌ mɛtsundɑ́, ŋ́kúu tsɛtú, ŋ́kɛ́ mbɔɔ ŋu tsɛt ndɑ́ jʉ́ɔ.»

Ɛ́fɛ̂zɛ 6:20

Mɔ mɑ́ntúu nɛcẅi ẅîwɑ́ Ŋkʉʉ, tɛ mbɑ pɑ́Ꞌ mɔ pɔ ndɑ́tsɑ́ŋ lɑɑ. Pʉʉ cɛꞋlɛ Sɛ́ ŋɡɔ ŋ ɡẅɛɛ sʉk nɛlɔk ńcú pɑ́Ꞌ ɛ́ sɛ́ ḿbíkŋɛ ŋɡɔ n cú.

2 Timɔtɛ́ɛ 1:16

Ŋɡɔ Tsɑpʉɔ ɡɛ nu sʉ́Ꞌnɛ nǔu pʉɔ tsʉʉ njɛ́Ꞌ-Ɔnɛzifɔɔ, ńdɔ́ɔ pɔ́Ꞌɔ, mbíꞋŋɡɔ ɑ ḿbɔ́ ńnɑ́ŋ ńníꞋ tʉ́m yɑ́ɑ tɛꞋ, ɑ ŋkɑɑ mɔ́ kɔ́ sʉ́ʉ nǔu mɔ pɑ́Ꞌ mɔ ŋɡɑŋtsɑ́ŋ pɔ́.

Ɛ́bɛlʉʉ 13:6

Ɛ́ yúu mi ɛ́ ɡɛnɛ ŋu wɛkŋɛ kuꞋ nɛcú nu tɛ ḿbɔɔ ḿmʉꞋlɛ nǔu yɛ́ tú pɔ́ ŋɡɔ: Tsɑpʉɔ sɛ́ ńtɔ́ ńcẅɛ́lɛ wɑ́ɑ, Ŋ kɑ́ pɔ́ ŋ́ɡʉ ḿbɔ́k yɛcɔ́ yúu pɔ́. Ŋumɛsɔŋ kuꞋ nɛɡɛ kʉ̈ɔ́ nǔu mɔ?