ŊwɑꞋnɛ-Gɑŋntúu Yɛ́su Kɛlístɔ 12:5 - Kɑɑ Fí

⁵ Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 12:5 Marejeleo ya Msalaba

Mɑtʉ̈ɔ 18:19

KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 12:12

Pyɛ̂ kwɑŋɛ, ŋ́ɡʉ nɛ́ ndɑ́-Mɑlíyɑ, mɑ́ pɛ́ Jɑ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi. Ɛ́ ɡɔ́ ḿbɔ́, mbɔ pʉɔ-Kɛlístɔ cúꞋlɛ tɛ ńzɑ́ɑ ḿbɔ́ ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 12:4

Ɛlɔ̂dɛ cú pɛ́ ɡẅɛɛ Pyɛ̂ pɔ́Ꞌɔ, ńdɔk wɛ́ ŋ́ɡʉ ńjɔ́Ꞌ ndɑ́tsɑ́ŋ. A niitɛ pɑlʉ̈ɔ́Ꞌntsɔ pɛ́nɛ́kwɑ ŋkɑ́ yɛ́nɛ́kwɑ ńtíktɛ ŋɡɔ pɔ́p pɔ́ ḿbyɛ́p wɛ́, ḿbɔ́ ńzẅíꞋlɛ pɑ́Ꞌ ndínɑ-Pɑ́skɑ ɡʉ ńdɛɛ, ɑ tík wɛ́ mbi lɑ́Ꞌ, pɛ́ ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 12:6

Njí ḿbɔ́ ŋ́ɡʉ ŋ́kiɛ, fɔɔ Ɛlɔ̂dɛ tík Pyɛ̂ mbi lɑ́Ꞌ, pɛ́ ŋɑk wɛ́. Pyɛ̂ pɔ́ nɛtúꞋ, ńnɔɔ tsɛtsɛt pɑlʉ̈ɔ́Ꞌntsɔ pɛ́pɑ́, ḿbɔ́ ńdɛ́. Mbɔ pɛ́ lɔk mɛcɛ̂n mɛmbɑ́ ŋ́kút mbɔ́ mɛ́. Pɑpyɛ́p zʉꞋ pɔ́ ntsundɑ́, nɛpyɛ́p wɛ́.

1 Kɔlɛ̂ŋtɛ 12:26

Lɑ́ ḿbɔ́ yi mɛcɔ́ mɛzʉꞋ-mbʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, mɛcɔ́ pɛn ńjʉ́ɔ yɔ́p ŋɡʉ̈ɔ́Ꞌ yîyɑ́ ɡúu, ḿbɔ́ yi pɛ́ lɑɑ ḿbɔ́ ŋ́ɡɑ́ mɛku yɛcɔ́ zʉꞋ-mbʉʉ, mɛcɔ́ pɛn ńtsɑ́ɑtɛ yɔ́p ɡúu.

2 Kɔlɛ̂ŋtɛ 1:11

ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.