ŊwɑꞋnɛ-Gɑŋntúu Yɛ́su Kɛlístɔ 12:25 - Kɑɑ Fí

²⁵ Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 12:25 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 12:12

Pyɛ̂ kwɑŋɛ, ŋ́ɡʉ nɛ́ ndɑ́-Mɑlíyɑ, mɑ́ pɛ́ Jɑ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi. Ɛ́ ɡɔ́ ḿbɔ́, mbɔ pʉɔ-Kɛlístɔ cúꞋlɛ tɛ ńzɑ́ɑ ḿbɔ́ ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 15:35

Pɔ̂l pɔ́p Pɑnɛpɑ́ɑshi tsʉ́Ꞌ ńnɑ́ŋ yɔ́p pɔ zúꞋu. Pɔ́p nɛzɑ́ɑ pʉɔ pɔ́ ŋ́kɑ́t ńzíꞋ pʉɔ nɛ́ yúu, ḿbɛn ḿbɔ́ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 15:37

Ŋ́ɡɔ́ ḿbɔ́ mbɔ Pɑnɛpɑ́ɑshi ḿbɔ́ ŋ́kɔŋ ŋɡɔ pɔ́pmɛ lɔk Jɑ̂ŋ ẅí pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi lɑ́ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 4:36

Wɛcɔ́ ŋu pɔ́ zúꞋu, lík yɛ́ pɔ́ ŋɡɔ Yɔsɛ̂p, ḿbɔ́ ŋu nǔu njẅɛt-Lɛ́vi, mbɔ pɛ́ kɑ pí wɛ́ ŋɡɔŋ-Shíipɛlɛ. Gɑŋntúu kɑ pɔ́ ḿbɛn ɛ́fúŋ wɛ́ ŋɡɔ Pɑnɛpɑ́ɑshi, ɛ́ lɔk ńcú ŋɡɔ: «Ŋu ẅí ɑ níꞋnɛ mɛtʉʉ-pʉɔ.»

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.

2 Timɔtɛ́ɛ 4:11

Pɛk Lúkɑ́shi tsʉ́Ꞌnɛ ḿbɔ́ zɑ́Ꞌnɛ. Ɔ lɑɑ ŋ́ɡɔ ńtɔ́, pʉʉ Mɑ́lɛ́kúshi pɔ́nɛ, mbíꞋŋɡɔ ɑ ɡʉ ńtsuŋ ńcẅɛ́lɛ́ wɑ́ɑ nǔu fɑꞋ-Sɛ́.

Filɛmɔ̂ŋ 1:24

Mbɑ Mɑ́lɛ́kúshi, mbɑ Alistɑk, mbɑ Ndɛmɑs pɔ́p Lúkɑ́shi ẅí pɛk pɛ́pɔ́p fɑꞋnɛ tɑ́Ꞌ fɑꞋ.

1 Pyɛ̂ 5:13

CúꞋlɛ-pʉɔ-Kɛlístɔ yi ɛ́ Mbɑbilɔ̂nɛ cɛꞋlɛ wʉ́ʉ. Sɛ́ kɑ tsɔ́Ꞌ wɔ́p ɡúu pɑ́Ꞌ pʉʉ. Mɔ́ɔ wɑɑ Mɑ́lɛ́kúshi cɛꞋlɛ wʉ́ʉ ɡúu.