ŊwɑꞋnɛ-Gɑŋntúu Yɛ́su Kɛlístɔ 10:7 - Kɑɑ Fí

⁷ Cʉ̈ɔꞋ-Sɛ́ cú nu mbɔ̌ wɛ́ tɛ ŋ́ɡʉ, Kɔ̂lnɛ́ɛ tsʉ́Ꞌ ɛ́fúŋ ɡɑŋfɑꞋ pɛ́ pɛ́pɑ́, ŋ́ɡɛ tɑ́Ꞌ ndʉ̈ɔ́Ꞌntsɔ. A pɔ́ ẅi pɔ́pmɛ́ zɛɛ ńtswɛ́. A pɛn ḿbɔ́ ŋu ŋ́ɡɛ yɛ́ mɛkuꞋ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 10:7 Marejeleo ya Msalaba

Mɑtʉ̈ɔ 2:13

Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Lúkɑ́shi 2:25

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.

Lúkɑ́shi 3:14

Pɑlʉ̈ɔ́Ꞌntsɔ pɛn ḿbíkŋɛ yɔ́p ŋɡɔ: «Ŋ́ɡʉ nǔu pɛk, pɛk ŋ́ɡɛ pɑ́Ꞌɑ?» A pʉ̈ɔt ŋɡɔ: «Kɔɔ pʉʉ lɔk mɛtʉʉ mbɑ cɔtnu ɛ́fyɛ́t ŋu ńcẅɛ́ɛ ŋkɑ́p yɛ. Pʉʉ zẅiꞋlɛ pɔ ndɑꞋ ŋkɑ́p-fɑꞋ yʉʉ.»

ŊwɑꞋnɛ-Gɑŋntúu Yɛ́su Kɛlístɔ 10:6

A nɑ́ŋ ndɑ́ wɛcɔ́ ŋu. Yɛ́ lík pɛn ḿbɔ́ ŋɡɔ Símɔ̂ŋ. ŊɡɑŋfɑꞋ nǔu mɛŋɡup-mɛyúumɛku, yɛ́ ndɑ́ pɔ́ mbʉʉ ŋki.»

ŊwɑꞋnɛ-Gɑŋntúu Yɛ́su Kɛlístɔ 10:8

Kɔ̂lnɛ́ɛ fúŋ wɔ́p pɔ́Ꞌɔ, ḿbɛ́ɛtɛ mbɑ kʉ̈ɔ́ lɑ́ yi ɛ́ lɛɛnɛ, ɛ́sẅíi wɔ́p, lɑ ńtúu wɔ́p Jɔp.

1 Timɔtɛ́ɛ 6:2

Ɛ́ ɡʉ nǔu pɛkwɑɑ pi pʉɔ pɔ́p ɡẅɛɛnɛ wɔ́p pʉɔ-Kɛlístɔ pɔ́p pɑ́ɑ nɛkwɑŋɛ ŋɡɔ pɑ́Ꞌ pɔ́p pɛpɔ́p pɔ́ɔpɛ́mɑ́ lɑ́ ŋ́ɡwɑ́k wɔ́p. Tɛ ńtsʉ́Ꞌ pɔ́Ꞌɔ, pɔ́p fɑꞋ fɑꞋ yɔ́p ɛ́ pɔŋ ńdɛɛ pɑ́Ꞌ pɔ́p kɑ zɛɛ ḿbɔ́ ɛ́fɑꞋ, mbíꞋŋɡɔ pʉɔ pi pɔ́p fɑꞋnɛ mbɔ̌ pɔ́p zɑ́p tʉ́m nǔu Kɛlístɔ Sɛ́ kɔŋ wɔ́p pɔ́p pɔ́ ńjʉ́ pii-fɑꞋ-pɛkwɑɑ pɔ́p. Yúu mi ɔ ɡʉ ḿbɔ́ ńzíꞋ pʉɔ, ɛ́ pɛn ḿbɔ́ ńníꞋ mɛtʉʉ mɔ́p nɛɡɛ pɔ́Ꞌɔ, pʉ́ɔ lɑɑ:

Filɛmɔ̂ŋ 1:16

A pɔɔ pɛn ḿbɔ́ pɔ ŋkwɑɑ pɔ́. A lɛɛ ŋkwɑɑ, ńtsʉ́Ꞌ ḿbɔ́ pɔ mɔ́ɔmɑ́ wu ẅí ɔ ɡʉ ŋ́kɔŋ tɛꞋ. A mbɔ̌ mɔ, ḿbɔ́ tʉʉndɛn tɛ ŋkɑ́ yɛ́sʉ́Ꞌ pɑ́Ꞌ ɑ ɡʉ ḿbɔ́ mbɔ̌ ɡu? MbíꞋŋɡɔ ɑ kwɑꞋ ŋumɛsɔŋ, ḿbɛn ḿbɔ́ mɔ́ɔmɑ́ wu nzʉʉ Yɛ́su Kɛlístɔ.