ŊwɑꞋnɛ-Gɑŋntúu Yɛ́su Kɛlístɔ 10:48 - Kɑɑ Fí

⁴⁸ Ńcú pɔ́Ꞌɔ, ńcú ŋɡɔ pɛ́ nuꞋ wɔ́p ŋki nǔu lík-Yɛ́su Kɛlístɔ. Ŋ́ɡɛ pɔ́Ꞌɔ, Pɔ́p pɛ́tsʉʉ ɡɛ ḿbíkŋɛ wɛ́ ŋɡɔ pɔ́p pɛpɔ́p pɛn ńnɑ́Ꞌ ńnɑ́ŋ mɛcɔ́ mbɔ mɛlɛ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 10:48 Marejeleo ya Msalaba

Jɑ̂ŋ 4:40

ɛ́ pɔ́Ꞌɔ lɑ́, pɔ́p tɔ́ tɛ ŋ́kúu nɛjɔ́ŋ Yɛ́su, ḿbúꞋ mbɔ́ mbɔ̌ wɛ́ ŋɡɔ pɔ́p pɛ́pɔ́p tsʉ́Ꞌnɛ ńnɑ́ŋ. Yɛ́su pɛ́m, ńnɑ́ŋ zúꞋu lɛ́Ꞌ pɛ́pɑ́.»

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

ŊwɑꞋnɛ-Gɑŋntúu Yɛ́su Kɛlístɔ 19:5

Pʉɔ ɛ̂pɑ́ zúꞋ yɔ sẅiŋɛ, ŋ́ɡɛ pɛ́ nuꞋ wɔ́p ŋki nǔu lík-Tsɑpʉɔ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 8:12

Lɑ́ ŋkɑ́ Filîp kɑ tɔ́nɛ yɛ́, ḿbɔ́ ńcẅi Ŋkʉʉ Sʉ́Ꞌnɛ-Yɛ́su Kɛlístɔ, ḿbɔ́ ŋ́kyɛ́Ꞌtɛ pɑ́Ꞌ nɛfɔɔ-Sɛ́ pɔ́nɛ. Pʉɔ tɛ ńzɑ́ɑ, mbɛ́ɛnɛ pɔ́p pɑŋɡɛ́ zẅíꞋlɛ sẅiŋɛ yɛ́, ḿbɛ́m, ŋ́ɡɛ pɛ́ nuꞋ wɔ́p ŋki.

ŊwɑꞋnɛ-Gɑŋntúu Yɛ́su Kɛlístɔ 8:16

mbíꞋŋɡɔ Zẅikŋɛ-Sɛ́ kɑ pɛ́t kɛ́ kúu nǔu sɑ̌ɑ tɑ́Ꞌ ŋu wɔp. Pɛ́ kɑ nuꞋ wɔ́p tsɛt ŋki pɔ ndɑꞋ nǔu lík-Tsɑpʉɔ Yɛ́su.

Ŋɡɑlɑ̂t 3:27

Pʉʉ pɛtsʉʉ, pi pʉʉ kɑ cẅɛ́ɛnɛ ŋki ɛ́ pɔ́ nɛlɑt mbʉʉ nǔu Kɛlístɔ, mɑt-Kɛlístɔ kɑ kɛ́mɔ́ ńjʉ́ wʉ́ʉ.